Nıý-Iorktegi alyp ekrannan Pýtın kóz qysty (vıdeo)

ASTANA. 22 mamyr. AQSh-tyń Nıý-Iork qalasynyń ortalyǵyndaǵy «Taıms-skverde» ilýli turǵan jarnamalyq monıtorlardyń birinen kenet Reseı prezıdenti Vladımır Pýtın kórinip, bir kózimen ym qaqqanda, munda júrgenderdiń tańdanbaǵany joq. Bul týraly Imgur portalynyń aqparyna súıengen egemen.kz tilshisi habarlady. RF lıderi kózin bir qysqannan keıin ile-shala ekrannan joǵalyp ketti. Ony sol sátinde túsirip úlgergen bir amerıkalyq azamat rolıkti YouTube-tiń vıdeohostıngine sala qoıady. Vladımır Pýtınniń beınesi bar anımasııa nemistiń Volvo markaly avtomobıliniń jarnamasy júrip jatqan kezde ekrannan kórinedi. Sol mezette óz kamerasynyń obektıvin dereý baǵyttaı qoıǵan kisi buǵan qatty tań qalady. Al basqa bir kýálardyń aıtýlarynsha, RF prezıdenti «Taıms-skverdegi» jarnamany osylaı birneshe táýlik boıyna úzip turǵan. Al YouTube-te jarııalanǵan vıdeorolık birshama ýaqyttyń ishinde 288 myńnan astam kórermen jınap úlgeredi. Kadrdyń syrtyndaǵy daýys: «Mynany kórdińizder me? Qudaı-aý, óz kózime senbeı turmyn», dep qatty tańyrqaǵan syńaı bildiredi. https://youtu.be/yFIdHXCIhXU Qazir jeli paıdalanýshylar bul vıdeonyń shynaıy ne shynaıy emes ekendigi týraly pikirtalasty qyzdyryp jatqanǵa uqsaıdy. Olardyń qarsy argýment aıtatyndary buǵan Batystyń iri BAQ-tarynda bul oqıǵa týraly eshteńe jazylmaǵanyn alǵa tartady. Talǵat Raıymbek. Derek, foto: Imgur.