• 23 Mamyr, 2016

Tramp prezıdenttik saıysyna $43 mıllıonnan asa aqsha jaratty

324 ret

kórsetildi

1 mın

oqý úshin

Egemen Qazaqstan

22-05-16-tramp

ASTANA. 23 mamyr. AQSh prezıdenttigine Respýblıkashylar partııasy atynan túsetin jalǵyz úmitker rólin alýǵa tym jaqyn qalǵan mıllıarder Donald Tramp óziniń prezıdenttik naýqanyna qazirge deıin $43 mıllıonnan astam qarjy jaratyp úlgerdi. Bul týraly AR aqparyna súıengen egemen.kz tilshisi habarlady. Agenttik muny Tramptyń AQSh federaldy saılaý komıssııasyna tapsyrǵan jańa qarjy esebi boıynsha taratqan. Al RIA «Novostı» agenttigi Tramptyń AQSh prezıdenttigine daýysqa túsetini týraly resmı túrde jarııa etken ýaqytynan Respýblıkashylar partııasy sapynan praımerızge (shtattar boıynsha delegattar arasynda ótetin alǵashqy saılaýlar) qatysýdan eki kandıdat bas tartqan mamyr aıyna deıin $56 mıllıonǵa jýyq aqsha jumsaǵanyn jazady. Sáýir aıynda Tehas shtatynan saılanǵan senator Ted Krýz ben Ogaıon shtatynyń gýbernatory Djon Keısık úsheýiniń arasynda ótken delegattar daýystary úshin kúreste Tramptyń $9,4 mıllıonǵa jýyq aqsha shashqany, munyń 7,5 mıllıony óz qaltasynan shyqqany belgili boldy. Talǵat Raıymbek. Derek, foto: RIA Novostı.