«Qazaqstan barysy» týrnıriniń fınalısteri anyqtaldy

ASTANA. 23 mamyr. «Qazaqstan barysy» týrnıriniń irikteý týrnırleri aıaqtaldy.  Osy syndarda elimizdiń 14 oblysy men Astana jáne Almaty qalalarynan  týrnırge qatysatyn balýandar anyqtaldy.  Bul týraly egemen.kz tilshisi habarlady. Bıylǵy týrnırge 32 balýan joldama aldy. Olardyń arasynda byltyrǵy «Qazaqstan barysy» ataǵyn jeńip alǵan Beıbit Ystybaev pen «Ásker barysy» jarysynyń jeńimpazy Talǵat Ámirenov bar. «Qazaqstan barysy» qazaq kúresin damytý qoǵamdyq qorynyń habarlaýynsha, bıyl fınalǵa shyqqan 11 balýan alǵash ret týrnırge qatysady. Al qalǵandary ótken jyldardan beri fınalǵa qatysyp kele jatqan sportshylar.  Osy joly alǵash ret kilemge shyǵatyn balýandardyń qatarynda Dýlat Alpysov, Altynbek Aýsaǵıtov (ekeýi de Soltústik Qazaqstan oblysy), Erkebulan Eginbaev (Pavlodar oblysy), Elaman Erǵalıev (Qyzylorda oblysy), Serjan Erlan (Batys Qazaqstan oblysy), Erbol Igilik (Mańǵystaý oblysy), Baýyrjan Qabaı (Almaty qalasy), Abylaıhan Qasymhan (Qostanaı oblysy), Ashat Qusaıynov (Shyǵys Qazaqstan oblysy), Darhan Temirhanov (Aqtóbe oblysy) men Mereke Turashev (Aqmola oblysy) bar. 16-18 mamyrda balýandardyń bári Almaty qalasynda medısınalyq tekseristen ótip, dopıng taldaýyna analız tapsyrdy. «Qazaqstan barysy» týrnıriniń fınalyna myna balýandar qatysady: Aqmola oblysy: Mereke Turashev, Leonıd Staneev Aqtóbe oblysy: Darhan Temirhanov, Nursultan Imanǵazın Almaty oblysy: Ulan Rysqul, Aleksandr Kasachıov Atyraý oblysy: Suńǵat Zakarııaev, Kenjebek Kúzembaev Batys Qazaqstan oblysy: Oljas Súleımenov, Serjan Erlan Jambyl oblysy: Aıbol Aıtbek, Dáýlethan Jaqypov Qaraǵandy oblysy: Asyl Bármenov, Bekzat Ahmetbekov Qyzylorda oblysy: Elaman Erǵalıev, Rýslan Ábdirazaqov Qostanaı oblysy: Erlan Omarov, Abylaıhan Qasymhan Mańǵystaý oblysy: Nurdáýlet Jarylǵapov, Erbol Igilik Ońtústik Qazaqstan oblysy: Jumanazar Ersultanov, Nursultan Myńǵyshov Pavlodar oblysy: Samır Mámedov, Erkebulan Eginbaev Soltústik Qazaqstan oblysy: Altynbek Aýsaǵıtov, Dýlat Alpysov Shyǵys Qazaqstan oblysy: Aıbek Nuǵymarov, Ashat Qusaıynov Almaty qalasy: Vıktor Demıanenko, Baýyrjan Qabaı Astana qalasy: Aıbat Seıten, Aıtýar Abdýlov «Ásker barysy»: Talǵat Ámrenov «Qazaqstan barysy – 2015»: Beıbit Ystybaev. «Qazaqstan barysy» týrnıri 3 shildede saǵat 12.00-de Astanadaǵy «Saryarqa» respýblıkalyq velotreginde ótedi. Týrnırdiń jeńimpazy «Taıtuıaq» pen «Qazaqstan barysy» altyn belbeýiniń ıegeri atanady. Dastan Kenjalın. Derek, foto: kazakhstanbarysy.kz