BIRLESKEN BUIRYǴY

Qazaqstan Respýblıkasy Aýyl sharýashylyǵy mınıstrliginiń 2015 jylǵy 30 naýryz №4-6/285 Astana qalasy Qazaqstan Respýblıkasy Ulttyq ekonomıka mınıstrliginiń 2015 jylǵy 27 naýryz №267 Astana qalasy BIRLESKEN BUIRYǴY Topyraqqa agrohımııalyq zerttep qaraýdy júrgizý úshin jer ýchaskelerine qol jetkizýdi qamtamasyz etý qaǵıdalaryn bekitý týraly Qazaqstan Respýblıkasynyń 2003 jylǵy 20 maýsymdaǵy Jer kodeksiniń 65-babynyń 1-tarmaǵynyń 12) tarmaqshasyna sáıkes buıyramyz: 1. Qosa berilip otyrǵan Topyraqqa agrohımııalyq zerttep-qaraýdy júrgizý úshin jer ýchaskelerine qol jetkizýdi qamtamasyz etý qaǵıdalary bekitilsin. 2. Qazaqstan Respýblıkasy Ulttyq ekonomıka mınıstrliginiń Qurylys, turǵyn úı-kommýnaldyq sharýashylyq isteri jáne jer resýrstaryn basqarý komıteti zańnamada belgilengen tártipte: 1) osy birlesken buıryqtyń Qazaqstan Respýblıkasynyń Ádilet mınıstrliginde memlekettik tirkelýin; 2) osy birlesken buıryq memlekettik tirkeýden ótkennen keıin kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa joldanýyn; 3) osy birlesken buıryqtyń Qazaqstan Respýblıkasy Ulttyq ekonomıka mınıstrliginiń resmı ınternet-resýrsynda ornalastyrylýyn qamtamasyz etsin. 3. Osy birlesken buıryqtyń oryndalýyn baqylaý jetekshilik etetin Qazaqstan Respýblıkasynyń Aýyl sharýashylyǵy vıse-mınıstrine jáne jetekshilik etetin Qazaqstan Respýblıkasynyń Ulttyq ekonomıka vıse-mınıstrine júktelsin. 4. Osy birlesken buıryq alǵash resmı jarııalanǵan kúninen keıin on kúntizbelik kún ótken soń qoldanysqa engiziledi. Qazaqstan Respýblıkasy Qazaqstan Respýblıkasy Ulttyq ekonomıka Aýyl sharýashylyǵy mınıstri mınıstriniń mindetin atqarýshy _________________ A.MAMYTBEKOV ________________ M.QUSAIYNOV Qazaqstan Respýblıkasy Aýyl sharýashylyǵy mınıstriniń 2015 jylǵy 30 naýryzdaǵy №4-6/285 jáne Qazaqstan Respýblıkasy Ulttyq ekonomıka mınıstriniń mindetin atqarýshynyń 2015 jylǵy 27 naýryzdaǵy №267 birlesken buıryǵymen bekitilgen Topyraqqa agrohımııalyq zerttep qaraýdy júrgizý úshin jer ýchaskelerine qol jetkizýdi qamtamasyz etý qaǵıdalary 1. Jalpy erejeler 1. Osy Qaǵıdalar 2003 jylǵy 20 maýsymdaǵy Qazaqstan Respýblıkasynyń Jer kodeksiniń (budan ári – Jer kodeksi) 65-babynyń 1-tarmaǵynyń 12) tarmaqshasyna sáıkes ázirlendi jáne topyraqqa agrohımııalyq zerttep qaraýdy júrgizý úshin jer ýchaskelerine qol jetkizýdi qamtamasyz etý tártibin belgileıdi. 2. Osy Qaǵıdalarda mynadaı uǵymdar paıdalanylady: 1) agrohımııalyq zerttep qaraý – topyraqtaǵy ósimdikterdi mıneraldyq qorektendirý elementteri, qarashirik, rN jáne tuz rejımi, mıkroelementter quramyn aıqyndaý; 3) zerttep qaraýdy júrgizý jospary – ákimshilik aýdandar, okrýgter boıynsha jumystar júrgizýdiń kezektiligi; 4) memlekettik mekeme – aýyl sharýashylyǵy óndirisine agrohımııalyq qyzmet kórsetý salasyndaǵy memlekettik mekeme. 3. Topyraqty agrohımııalyq zerttep qaraý egistik topyraǵynyń qunarlylyǵy kórsetkishterin aıqyndaý úshin júrgiziledi. 2. Topyraqqa agrohımııalyq zerttep qaraýdy júrgizý úshin jer ýchaskelerine qol jetkizýdi qamtamasyz etý tártibi 4. Memlekettik mekeme jyl saıynǵy zerttep qaraýdy júrgizý josparlaryn jasaıdy jáne oblystyq aýyl sharýashylyǵy basqarmasymen kelisedi. Topyraqty agrohımııalyq zerttep qaraýdy bıýdjet qarajaty esebinen júrgizer aldynda memlekettik mekeme jer ýchaskeleriniń menshik ıelerine jáne (nemese) jer paıdalanýshylarǵa osy Qaǵıdalarǵa 1-qosymshaǵa sáıkes nysan boıynsha habarlama beredi. Jer kodeksiniń 65-babyna sáıkes jer ýchaskeleriniń menshik ıeleri men jer paıdalanýshylar topyraqqa agrohımııalyq zerttep qaraýdy júrgizý úshin jer ýchaskelerine qol jetkizýdi qamtamasyz etýge mindetti. 5. Topyraqty zerttep qaraýdy júrgizýdi bastar aldynda memlekettik mekemeniń qyzmetkeri jer ýchaskesiniń menshik ıesimen jáne (nemese) jer paıdalanýshymen birge jer alqaptaryn baıqap qaraıdy, topyraqtyń tıpi men túrin aıqyndaıdy, kózben qarap naqtylaıdy jáne jer paıdalaný josparyna jaǵdaıdaǵy (jańa joldar, tanaptar shekaralary, otyrǵyzylǵan aǵashtar) ózgeristerdi engizedi, jumys ýchaskeleriniń shemasy men olardy nómirleýdi kelisedi, jol boıyndaǵy jáne fermalar mańyndaǵy erekshe zerttep qaraý aımaqtaryn, sý qorǵaý aımaqtaryn bóledi, sońǵy úsh jyl ishindegi aýyl sharýashylyǵy daqyldary egisteriniń ornalasýyn, olardyń jaı-kúıin, lastaný, fıtoýlylyq biliný deńgeıin naqtylaıdy, tyńaıtqyshtardyń joǵary mólsherimen júıeli túrde tyńaıtylatyn tanaptar men óndiristik ýchaskelerdi bóledi, tanaptardyń erozııalanǵanyn, butalanǵanyn jáne qoıtastalǵanyn belgileıdi, sýarmaly ýchaskeler betindegi tuzdyń shógindisin belgileıdi. Topyraqqa agrohımııalyq zerttep-qaraýdy júrgizý úshin jer ýchaskelerine qol jetkizýdi qamtamasyz etý qaǵıdalaryna 1-qosymsha Habarlama Memlekettik mekemeniń mynadaı ókilderi: ____________________________________________________________________ ____________________________________________________________________ ___________________________________________________________________ ___________________ 20__ jylǵy _____________ 20 jylǵy deıingi merzimde ____________________________________________________________________ (jer ýchaskesiniń menshik ıesi jáne (nemese) jer paıdalanýshy) topyraǵyn josparly agrohımııalyq zerttep qaraýdy júrgizetinin habarlaımyz. Zerttep qaraýǵa jatatyn tanaptarǵa memlekettik mekeme ókilderiniń kedergisiz kirýin qamtamasyz etýdi suraımyn. Zerttep qaraýdy júrgizý kezinde jer ýchaskesiniń menshik ıesi jáne (nemese) jer paıdalanýshy tarapynan qatysýǵa jáne baqylaý júrgizýge jol beriledi. Basshy: ___________________________________________________________ _________________ (tegi, aty, ákesiniń aty (jeke basyn rastaıtyn qujatta bar bolsa) (qoly) Mór orny Buıryq Qazaqstan Respýblıkasynyń Ádilet mınıstrliginde 2015 jylǵy 8 mamyrdaǵy Normatıvtik quqyqtyq kesimderdi memlekettik tirkeýdiń tizilimine №10991 bolyp engizildi.