ASTANA. 31 mamyr. Qytaıdyń Hýnan provınsııasynda álemdegi eń uzyn shyny kópirdiń qurylysy aıaqtaldy. Bul týraly rosbalt.ru saıtyna silteme jasaǵan egemen.kz tilshisi habarlady.
Uzyndyǵy 393 metr bolatyn kópir ulttyq Chjanszıasze saıabaǵynda salyndy. Ol jerden 300 metr bıiktikte ornalasqan. Eni – 6 metr. Málimetter boıynsha, osy jyldyń 1 mamyrynda ashylýy kerek bolatyn. Alaıda, qurylys jumysy sozylyp ketkendikten bul jospar ýaqytynda júzege aspady. Kelýshiler úshin ol shilde aıynda ashylady dep kútilýde. Sebebi, bul aımaqta qazir nóser jaýyn tolassyz jaýyp tur.
Osyǵan deıin qurylysshylar onyń shydamdylyǵyn tekserý úshin 100 ret synaqtan ótkizgen. Kópir 800 adamnyń salmaǵyn kótere alady. Sonymen qatar, aýa temperatýrasynyń ózgerisine, jel soqqan kezdegi ornyqtylyǵyna qosymsha testter júrgizildi.
Aıta keteıik, atalǵan jerdiń sulý tabıǵatynyń arqasynda týrısterdiń sany jyl saıyn artýda. Al 2009 jyly Djeıms Kemeronnyń rejısserligimen túsirilgen «Avatar» fılminde dál osy jerdiń tabıǵaty kórinis tabady.
Aıan Ábdýálı.
Derek, foto: rosbalt.ru.
