Tuńǵyshbaı Jamanqulov áleýmettik jelidegi paraqshasynda jarııalaǵan beıneúndeýinde elde mańyzdy tarıhı kezeń bastalǵaly turǵanyn atap ótti. Onyń aıtýynsha, jańa Ata zań memlekettiliktiń mánin aıqyndaıtyn qujat bolmaq. О́ner ıesi bul qujatty el tarıhyndaǵy erekshe oqıǵa dep baǵalady.
«Bul Ata zańnyń árbir baby boıynsha halyq óziniń oıyn ashyq bildirip jatyr. Kóp máselemen qosylamyn. Komıssııa quramynda otyrǵan adamdar túsken usynystardy qabyldap jatyr. Menińshe, bul bizdiń elimizdegi erekshe oqıǵa. Osy ýaqytqa deıin Konstıtýsııaǵa talaı ret ózgeris engizildi. Bul joly Ata zań óz ataýyna saı ádil bolady dep senemin. Halyq úshin de, memleket úshin de bul zańnyń úlken máni bar», dedi óner qaıratkeri.
Tuńǵyshbaı Jamanqulov 15 naýryz kúni referendýmǵa baryp, óz tańdaýyn jasaıtynyn málimdep, halyqty da belsendilik tanytýǵa shaqyrdy.
Aıta keteıik, 2026 jylǵy 15 naýryzda respýblıkalyq referendým ótedi. Tıisti Jarlyqqa Prezıdent Qasym-Jomart Toqaev qol qoıdy.
