Halyqaralyq sammıtke Qyrǵyzstan, О́zbekstan, Tájikstan, Túrkimenstan, Armenııa, Grýzııa, Ázirbaıjan memleketteriniń basshylary, sondaı-aq Birikken Ulttar Uıymy men ózge de halyqaralyq uıymdardyń ókilderi qatysty. Jıynda Qazaqstan Prezıdenti Qasym-Jomart Toqaev «Turaqty bolashaq, ortaq – kózqaras» taqyrybynda baıandama jasap, ekologııalyq syn-qaterlerdiń aldyn alýda birlesken árekettiń mańyzyn atap ótti.
Qasym-Jomart Toqaev: Biz úshin ekologııalyq qaýipsizdik uzaqmerzimdi damý strategııasynyń arqaýy
Sammıt aıasynda forýmdar, halyqaralyq kezdesýler, sarapshylar pikirtalastary jáne «jasyl» startaptar baıqaýy ótti. Jalpy, sharaǵa álemniń 30 elinen 240-tan astam qatysýshy jınalyp, 120-dan asa pavılonda ozyq jobalar tanystyryldy.
RES 2026 EXPO halyqaralyq kórmesinde otandyq joǵary oqý oryndary da ózderiniń ǵylymı jetistikterin pash etti. Memleket basshysy ózge el jetekshilerimen birge pavılondardy aralap, usynylǵan jobalarmen tanysty. Sonymen qatar Ǵylym jáne joǵary bilim mınıstri Saıasat Nurbek otandyq ýnıversıtetterdiń ınnovasııalyq ázirlemelerine jeke toqtalyp, olardyń áleýetin joǵary baǵalady.
Kórmede M. Áýezov atyndaǵy Ońtústik Qazaqstan ýnıversıtetiniń ǵalymdary ekologııalyq máselelerdi sheshýge baǵyttalǵan 5 birdeı naqty jobasyn usyndy. Atap aıtqanda:
– qalalyq ortany abattandyrý jáne aýany tazartý tehnologııalary;
– tehnogendik qaldyqtar negizinde kapsýlalanǵan fosforquramdy tyńaıtqyshtar óndirý;
– hrızotıl-asbest óndirisi qaldyqtaryn keshendi óńdeý;
– jer asty sýlaryn tazartý jáne aýyz sýmen qamtamasyz etý;
– topyraq ylǵaldylyǵyn retteý arqyly onyń qunarlylyǵyn arttyrý sheshimderi.
Mınıstr Saıasat Nurbek usynylǵan jobalarmen egjeı-tegjeıli tanysyp, olardyń óndiriste qoldaný múmkindigi men ekologııany jaqsartýdaǵy mańyzyn erekshe atap ótti. Sondaı-aq ǵalymdarmen ashyq pikir almasyp, ǵylymı bastamalardy naqty sektorǵa engizý máselelerin talqylady.
Astanada Halyqaralyq sý uıymyn qurý boıynsha konsýltasııalardyń birinshi kezeńi ótedi
Jalpy, EXPO alańy jasyl tehnologııalar men ǵylymı jańalyqtardyń toǵysqan ortasyna aınaldy. Bul bastama qorshaǵan ortany qorǵaý men turaqty damýdy qamtamasyz etýde ǵylym men óndiristiń ózara yqpaldastyǵyn aıqyn kórsetti.
