Foto: Bas prokýratýra
Sonymen qatar esirtki qylmysyna qarsy kúreske erekshe nazar aýdaryldy. Bul rette halyqaralyq deńgeıde esirtki bıznesiniń qarjy aǵyndaryn anyqtaý, baqylaý jáne buǵattaýǵa arnalǵan memleketaralyq sıfrlyq platforma qurý bastamasy tanystyryldy.
Kezdesýde prokýratýra organdary men EQYU arasyndaǵy memleketke zańsyz shyǵarylǵan aktıvterdi qaıtarý salasyndaǵy ózara is-qımyl da sóz boldy. Halyqaralyq uıymnyń Qazaqstanǵa osy baǵytta kórsetip otyrǵan qoldaýy joǵary baǵalandy.
Taraptar quqyq qorǵaý organdary akademııasy alańynda EQYU qatysýymen júzege asyrylyp jatqan kadrlardy daıarlaý jáne biliktilikti arttyrý jumystarynyń nátıjelerin talqylady. Atap aıtqanda, oqý ornynyń saraptamalyq jáne ádistemelik bazasyn jańǵyrtý men damytý máselesine nazar aýdaryldy.
Berik ASYLOV, Bas prokýror: Azamattardyń quqyǵyn qorǵaý – basty nazarda
Málimetke sáıkes, 2025 jyly EQYU-men birlesip 13 ǵylymı-bilim berý is-sharasy uıymdastyryldy. Bul jıyndarda kıberqylmys pen esirtki qylmysyna qarsy is-qımyl, adam saýdasynyń aldyn alý, sybaılas jemqorlyqpen kúres, qarjy jylystatýǵa qarsy tetikter, sondaı-aq memleket pen azamattyq qoǵam jáne BAQ arasyndaǵy ózara baılanys máseleleri qamtyldy.
Osy jumystar aıasynda 400-den astam qyzmetkerdiń kásibı biliktiligi artty. Olardyń qatarynda prokýratýra, polısııa jáne ekonomıkalyq tergep-tekserý qyzmetiniń ókilderi bar.
Bıyl da bul baǵyttaǵy jumys jalǵasady – EQYU-men birlesip taǵy 12 bilim berý is-sharasyn ótkizý josparlanǵan. Olar transulttyq qylmysqa qarsy kúresti kúsheıtýge jáne quqyq qoldaný tájirıbesin jetildirýge arnalmaq.
Kezdesý sońynda Ferıdýn Sınırlıoǵlý Qazaqstan prokýratýrasynyń zań ústemdigin qamtamasyz etý jolyndaǵy jetistikterin joǵary baǵalap, aldaǵy ýaqytta yntymaqtastyqty odan ári damytýǵa daıyn ekenin jetkizdi.
Berik Asylov, Bas prokýror: Bul qujat jańa dáýirdiń irgetasyna aınalady
