Astanada Reseı kıno-festıvali bastaldy

30 ret

kórsetildi

2 mın

oqý úshin

Elordada Qazaqstandaǵy Reseıdiń mádenıet kúnderi aıasynda Reseı kınosy festıvali shymyldyǵyn túrdi. 26 sáýirge deıin jalǵasatyn mádenı shara eki el arasyndaǵy gýmanıtarlyq jáne shyǵarmashylyq baılanysty nyǵaıtýǵa baǵyttalǵan, dep habarlaıdy Egemen.kz.

Shyńǵys MUQAEV

Foto: Mádenıet jáne aqparat mınıstrligi

Festıvaldiń ashylý rásiminde «ROSKINO» uıymynyń bas dırektory Elza Antonova Reseı Federasııasynyń Mádenıet mınıstri Olga Lıýbımovanyń quttyqtaý hatyn oqyp berdi. Quttyqtaý hatta óner men kınematografııa arqyly yntymaqtastyqty tereńdetýdiń mańyzy atap ótilgen.

Elza Antonova óz sózinde «ROSKINO» jyl saıyn álemniń ár túkpirinde osyndaı festıvalder ótkizetinin aıtyp, Qazaqstandaǵy kıno merekesiniń orny erekshe ekenin jetkizdi. Onyń aıtýynsha, bıylǵy baǵdarlamaǵa reseılik prokatta joǵary baǵalanǵan, zamanaýı kınonyń janrlyq ártúrliligin qamtıtyn týyndylar engizilgen.

Teatr, kıno jáne dıalog: Astanada Reseıdiń mádenıet kúnderi ótedi

Sh. Aımanov atyndaǵy «Qazaqfılm» AQ prezıdentiniń mindetin atqarýshy Aıdar Omarov mundaı bastamalar mádenı baılanystardy tereńdetip qana qoımaı, ulttyq kıno óndirisin damytýǵa da serpin beretinin atap ótti.

Festıval «Pervyı na Olımpe» sport dramasynyń kórsetilimimen ashyldy. Jalpy, 4 kún boıy kórermenderge 7 reseılik fılm tegin usynylady. Olardyń qatarynda «Avıator», «Býratıno», «Chebýrashka 2», «Krasnyı shelk», «Trı kota. Pýteshestvıe vo vremenı» jáne «Avgýst» kartınalary bar.

gov.kz

Baǵdarlama aıasynda delegasııa ókilderimen kezdesýler men shyǵarmashylyq baǵytta bilim alyp júrgen stýdentterge arnalǵan sheberlik sabaqtary josparlanǵan. Sonymen qatar kórermender «Avıator» fılminiń aktrısasy Darıa Kýkarskaıamen jáne «Pervyı na Olımpe» kartınasynda oınaǵan akter Anton Savvatımovpen júzdesýge múmkindik alady.