Foto: istockphoto.com
Tasnim agenttiginiń habarlaýynsha, Iran amerıkalyq kelissóz júrgizýshilerimen habar almasýdy toqtatqan. Tegeran bul sheshimge Izraıldiń Lıvandaǵy áreketteri sebep bolǵanyn málimdedi. Iran tarapy buǵan deıingi bitimgershilik kelisimderiniń bir sharty buzyldy dep esepteıdi.
Budan bólek, Iran men Lıvannyń qarsylyq kúshteri Ormýz buǵazyn tolyq jabýǵa jáne basqa baǵyttardaǵy, sonyń ishinde Bab-el-Mandeb buǵazyndaǵy áreketterdi kúsheıtýge daıyn ekenin málimdedi. Osy jaǵdaı aıasynda energetıka naryǵynyń iri oıynshylary munaı baǵasynyń kúrt qymbattaýy múmkin ekenin aıta bastady.
Nıý-Iorkte ótken konferensııada álemdegi eń iri energetıkalyq kompanııalardyń biri – Exxon Mobil kompanııasynyń aǵa vıse-prezıdenti Nıl Chepmen aldaǵy aptalarda munaı baǵasy barreline 160 dollarǵa deıin jetýi múmkin ekenin aıtty. Onyń sózinshe, strategııalyq qoımalardaǵy qorlar azaıyp barady.
Bloomberg: Qazaqstan syn-qaterlerdi múmkindikterge aınaldyrýdy úırendi
Aıta keteıik, jýyrda Bloomberg Qazaqstan men Exxon Mobil arasyndaǵy kelissózder týraly habarlaǵan bolatyn. Áńgime Qashaǵan ken ornynyń áli ıgerilmegen bóligin damytýǵa qatysty. Basylym málimetinshe, kompanııa qazirgi ýaqytta QazMunaıGaz kompanııasymen birlesken kásiporyn qurý múmkindigin talqylap jatyr.
