Oljas Bektenov tıisti qaýlyǵa qol qoıdy.
Bólingen qarajattyń:
- shamamen 2,7 mlrd teńge – Stepnogorsktegi 7,5 shaqyrym magıstraldyq jylý jelisin jóndeý jumystaryn aıaqtaýǵa;
- 1,2 mlrd teńge – Kókshetaýdaǵy qazandyqtardyń peshteri men jabdyqtaryn qalpyna keltirýge baǵyttalady.
Stepnogorskte qazirdiń ózinde 7,1 shaqyrym jylý jelisi jańartylyp, tozý deńgeıi 71,4%-dan 68%-ǵa deıin tómendedi.
Kókshetaýda buǵan deıin tehnıkalyq jumystar kesheni júrgizilip, nátıjesinde jabdyqtardyń tozý deńgeıi 44%-dan 42%-ǵa deıin qysqardy.
Jobalardy iske asyrý jylýmen jabdyqtaý júıesiniń senimdiligin arttyrýǵa, apattar sanyn azaıtýǵa jáne jylytý maýsymynyń turaqty ótýin qamtamasyz etýge múmkindik beredi.
Jalpy, 2025 jyly el boıynsha energııa bloktary, qazandyqtar, týrbınalar, jylý jelileri men elektr jelileri jóndeldi. Bul jabdyqtardyń tozý deńgeıin tómendetip, elektr stansııalaryndaǵy tehnologııalyq aqaýlar sanyn azaıtty.
