Polısııa qyzmetkerleri «Táýelsiz ómir» jastar qozǵalysynyń ókilderimen jáne esirtki quqyq buzýshylyqtarynyń aldyn alý jónindegi keńes múshesi, bloger Andreı Kotovpen birlesip reıd uıymdastyrǵan. Is-shara aıasynda tártip saqshylary keshki saǵat 22:00-den keıin qalanyń qoǵamdyq oryndaryn, sonyń ishinde Jastar saıabaǵyn aralap shyqty.
Reıdtiń basty maqsaty – jasóspirimderdiń túngi ýaqytta qaraýsyz júrýiniń aldyn alý jáne olardyń qaýipsizdigin qamtamasyz etý.
Nátıjesinde bir táýlik ishinde zańdy ókilderiniń baqylaýynsyz kóshede júrgen 30 kámeletke tolmaǵan jasóspirim anyqtaldy. Olardyń ata-analary men zańdy ókilderi ákimshilik jaýapkershilikke tartyldy.
Polısııa ókilderi jazǵy demalys kezinde balalardyń bos ýaqyty kóbeıetinin eskertip, ata-analardy olardyń júris-turysyn baqylaýda ustaýǵa shaqyrdy. Mamandardyń aıtýynsha, tóbeles, buzaqylyq, býllıng jáne ózge de quqyq buzýshylyqtar kóbine túngi ýaqytta jasalady.
Quqyq qorǵaý organdary mundaı profılaktıkalyq sharalar aldaǵy ýaqytta da turaqty túrde jalǵasatynyn málimdedi.
Aıta keteıik, Atyraýda jasóspirimder 14 jastaǵy oqýshyny birneshe saǵat boıy uryp-soqqan.
Ishki ister organdarynyń málimdeýinshe esepte turǵan jasóspirimder sany 40,5 paıyzǵa azaıǵan.
