Memleket basshysy jumys durys uıymdastyrylsa, Alatau city jobasy qurylysqa jáne jalpy el ekonomıkasyna myqty serpin beretinin atap ótti.
«Qurylysty tolyq ári qarqyndy júrgizý úshin jer máselesin shuǵyl sheshý kerek. Almaty oblysynyń jeri óte shuraıly ekeni barshaǵa málim. Qaladaǵy jáne irgeles aýmaqtaǵy jer telimderiniń kópshiligi jeke menshikte nemese uzaq merzimge jalǵa berilgen. Olardyń basym bóligi áli kúnge deıin ıgerilmeı jatyr. Memleket qajetti nysandar salyp, ınvestısııalyq jobalardy júzege asyrý úshin jer telimderin satyp alýǵa májbúr bolyp otyr. Bul jaǵdaı búkil jumysqa úlken kedergi keltirip jatyr.
Qasym-Jomart Toqaev Alataýdy krıptoqalaǵa aınaldyrýdy tapsyrdy
О́kinishke qaraı, qurylysy bastalǵan jobalardyń sany josparǵa saı emes, ıaǵnı, áldeqaıda az. 2024-2025 jyldardyń ózinde qoldanylmaı jatqan 16 myń gektardan astam jer anyqtaldy. Biraq onyń bar-joǵy 688 gektary ǵana memleketke qaıtaryldy. Bul jumys kópten sheshimin tappaı kele jatqan shekteýler men rásimdik kedergilerge baılanysty óte baıaý júrip jatyr. Osy másele boıynsha bılik mekemeleriniń qaýqarsyzdyq kórsetýge haqy joq», dedi Prezıdent.
Aıta keteıik, búgin Memleket basshysy jumys saparymen Almaty oblysyna bardy.
Prezıdent Alataý qalasyn damytý jónindegi keńeste Qonaev qalasyndaǵy ınfraqurylym qurylysy óte baıaý júrgizilip jatqanyn aıtty.
