Foto: istockphoto.com
Erbol Aıtýov 4 sáýir kúni «Qasıet» klınıkasyna júginip, lıposaksııa operasııasyn jasatqan. Operasııadan keıin ol komaǵa túsip, keıin oblystyq aýrýhanaǵa jetkizilgen. Bir aıdan soń naýqas kóz jumdy.
Marqumnyń týystarynyń ótinishi negizinde 29 sáýir men 15 mamyr aralyǵynda klınıkaǵa jospardan tys tekserý júrgizilgen. Tekserýge táýelsiz sarapshylar retinde plastıkalyq hırýrg pen anestezıolog-reanımatolog tartylǵan.
Medısınalyq jáne farmasevtıkalyq baqylaý komıtetiniń oblystyq departamentiniń málimetinshe, tekserý barysynda birqatar zańbuzýshylyqtar anyqtalǵan.
«Pasıentti josparly operasııaǵa daıyndaý jáne medısınalyq kómek kórsetýdi uıymdastyrý standarttarynyń buzylýy anyqtaldy», delingen departament habarlamasynda.
Aıta keteıik, atalǵan oqıǵaǵa baılanysty Mańǵystaý oblysynyń polısııasy da tergeý júrgizip jatyr.
Eske sala keteıik, buǵan deıin Almatydaǵy jeke klınıkada lıposaksııadan keıin bloger ári kásipker Sáýle Ermahanova da qaıtys boldy.
