Bul kezdesýdiń bastaýynda Mádenıet jáne aqparat mınıstrliginiń tapsyrysy boıynsha Ulttyq kınony qoldaý ortalyǵy shekarashylar týraly túsirilip jatqan «Taımas» kórkem fılmi arqaý bolyp tur. Fılm jelisi adam men ıttiń arasyndaǵy adal dostyqqa qurylǵan. Bir kúni ıesinen qapııada aıyrylǵan qyzmettik ıt ómirge degen qyzyǵýshylyǵyn joǵaltady. Sol sátte bólimshege Shekara qyzmetiniń Qyzmettik kınologııa ortalyǵynan ofıser keledi. Onyń da taǵdyry aýyr edi. О́zine adal qyzmet etken tórt aıaqty serigin joǵaltqan shekarashy qyzmetten ketýge bel býǵan bolatyn. Alaıda taǵdyrdyń tosyn syıy ofıser men shekarashy ıtti jolyqtyryp, aralarynda erekshe baılanys ornatady.
Dımash Qudaıbergenniń ákesi «Parasat» ordenimen marapattaldy
Baıynkól ózeniniń boıynda ornalasqan shekara bólimshesinde kún-tún demeı eńbek etip jatqan túsirilim tobynyń maqsaty – adam men ıt arasyndaǵy shynaıy dostyq pen adaldyqty dáripteý. Osyndaı qarbalas jumys ústine kelgen Dımash Qudaıbergen shyǵarmashylyq ujymǵa sáttilik tilep, qoldaý bildirýdi azamattyq paryzy sanaǵandaı áser qaldyrdy.
Kórshi Qytaı elinde ótken «I am a singer» baıqaýynda top jarǵan Dımash Qudaıbergen búginde Qazaqstandy kúlli álemge tanystyryp, óziniń óshpes óneri arqyly ult mádenıetin ulyqtaýdy jalǵastyryp keledi. Halyqtyń uly bolǵan Dımashty departament bastyǵy polkovnık Talǵat Talıpov bastaǵan ofıserler men sarbazdar qushaq jaıa qarsy alyp, suhbattasty, estelikke sýretke tústi. Otan aldyndaǵy boryshyn el shetinde, jel ótinde atqaryp júrgen sarbazdardyń saýaldary kezdesýge erekshe mazmun berdi. Dımash ta olardyń birde-bir suraǵyn jaýapsyz qaldyrǵan joq.
«Maıkl Djekson keıde tún ortasynda stýdııasyna júgirip baratyn bolǵan. Sebebi kelgen shabytty joǵaltyp alǵysy kelmegen. Ol muny Qudaıdyń bergen syıy dep qabyldaǵan. Men de bolashaqta Allanyń qalaýymen sondaı erekshe shabyt kelse, Otan týraly, elimizdiń tynyshtyǵyn kúzetip júrgen shekarashylar týraly án jazýym múmkin. Bul kez kelgen ýaqytta bolýy yqtımal. Sondaı sát týsa, men de ony qalt jibermeımin», dedi ánshi.
Osy sózderden keıin shekarashylar men shyǵarmashylyq toptyń rızashylyq kóńili dý qol shapalaqqa ulasty.
Dımash Qudaıbergenniń «Kókjıekten asqan ún» jobasy 2 mıllıardtan astam qaralym jınady
Týǵan jerdiń shetinde ótken taǵylymdy kezdesýdiń sońynda Dımash Qudaıbergen bólimsheniń tilek kitabyna júrekjardy lebizin qaldyrdy. Ol fılmniń basty keıipkeri Taımastyń janynda turyp, bas rejısser Ǵalym Asylov jetekshilik etip jatqan «Taımas» kórkem fılminiń halyq yqylasyna bólenetinine senim bildirdi. Sondaı-aq túsirilim tobyna sáttilik tiledi. Shekarashylar bul kúndi uzaq ýaqyt umytpaıtyny anyq.
Tamara DÁÝLETBAEVA,
UQK Shekara qyzmeti
Almaty oblysy boıynsha departamenti.
