Foto: TJM
Mınıstrdiń aıtýynsha, eki jaǵdaıda da tergeý jumystary jalǵasyp jatyr.
«Shyǵystústimet» shahtasyndaǵy apattyń aldyn ala sebebi ken óndirý jumystarynyń jobalyq qujattamany buza otyryp júrgizilýi men jumystyń durys uıymdastyrylmaýy bolyp otyr. Al «Qazsınk» zaýytyndaǵy jarylys tehnologııalyq prosestiń buzylýynan bolǵan bolýy múmkin», dedi Shyńǵys Árinov.
Mınıstrdiń aıtýynsha, bul kásiporyndarda buǵan deıin de ónerkásiptik qaýipsizdik talaptarynyń buzylǵany anyqtalǵan. Atap aıtqanda, nysandarda tehnıkalyq qujattamanyń sáıkessizdigi, jobalyq talaptardan aýytqý men tozǵan jabdyqty ýaqytyly aýystyrmaý faktileri tirkelgen.
«Qazsınk» zaýytyndaǵy jarylys: Mınıstrlik úsh jyl boıy kásiporyn qyzmetinen kemshilik tappaǵan
Tergeý qorytyndysy shyqqannan keıin kásiporyndarǵa qatysty tıisti sharalar qabyldanatyny aıtyldy. Sondaı-aq mınıstr el aýmaǵyndaǵy qaýipti óndiristik nysandarda qaza tapqandar sanynyń azaıǵanyn atap ótti.
Eske salaıyq, 5 mamyr kúni О́skemendegi «Qazsınk» zaýytynyń aýmaǵynda jarylys boldy. Oqıǵa kezinde úsh adam qaza tapty. Al 30 mamyrda «Shyǵystústimet» JShS-ne qarasty Artemev shahtasynda óndiristik jazataıym oqıǵa saldarynan jumysshy kóz jumǵan edi.
