Foto: Aqorda
Prezıdent elimizde ınvestısııalyq jobalardy júzege asyrý úshin jer telimderin paıdalanýdyń aıryqsha sharttary ázirlenip, bul quqyqtyq rejım Konstıtýsııalyq zańmen bekitilgenin aıtty.
«Arnaıy basqarý rejımine sáıkes Keńestiń, Retteýshi komıssııanyń jáne qala ákimshiliginiń quzyretteri naqty belgilendi. Sondyqtan qaǵazbastylyqqa salynbaı, barynsha jedel jáne sapaly jumys isteý kerek. Aldymen basa nazar aýdaratyn máselelerdi qolǵa alý qajet. Mysaly, qoqys polıgondarynan únemi órt shyǵady, bul máseleni shuǵyl jáne túpkilikti sheshken jón», dedi Memleket basshysy.
Sonymen qatar Prezıdent búlingen jerlerdi qalpyna keltirý jumystarynyń mańyzyn atap ótti.
«Qalaǵa jaqyn aýmaqta 30-ǵa jýyq jer qoınaýyn paıdalanýshy kompanııa qyzmet etip jatyr. Olardyń basym bóligi ekologııalyq zańnama talaptaryn jáne ónerkásip qaýipsizdiginiń normalaryn saqtamaıdy. Tipti, mundaı zańsyz áreketter júıeli sıpat alyp ketken dep aıtsaq, artyq bolmaıdy. О́kinishke qaraı, qyzmetin tolyq nemese ýaqytsha toqtatqan kóptegen kompanııa jerdi qalpyna keltirý jumysymen múlde aınalyspaıdy. Osy máseleni sheshý – jergilikti atqarýshy organnyń tikeleı mindeti. Úkimet bul máseleni qatań baqylaýda ustaýǵa tıis. Prezıdent Ákimshiligi osy jumysqa qosylýy qajet», dedi Qasym-Jomart Toqaev.
Aıta keteıik, búgin Memleket basshysy jumys saparymen Almaty oblysyna bardy.
Prezıdent Alataý qalasyn damytý jónindegi keńeste Qonaev qalasyndaǵy ınfraqurylym qurylysy óte baıaý júrgizilip jatqanyn aıtty.
Sondaı-aq jıynda Memleket basshysy Alataýdy krıptoqalaǵa aınaldyrýdy tapsyrdy.
