Búgingi kúnde búkil álem beriktikti synaýdy bastan keshirýde. Adamdarda beıbit qatar ómir súrý men adamgershiliktiń rýhanı irgetasynyń álsireýiniń sebebinen Jer sharynyń jekelegen aımaqtarynda qaqtyǵystar shıelenisti. Jalǵan dinı urandarmen búrkemelengen ekstremızm men terrorızm búkil adamzattyń qaýipsizdigine qaýip tóndirýde.
Qazaqstan da ótken jeksenbide Aqtóbe qalasynda adam ólimine ákelgen soraqy sıpattaǵy zorlyq aktilerimen baılanysty oqıǵany basynan keshirdi. Osy zulymdyqty jasaǵan lańkesshiler eń basty nárseden qate jiberdi – Qazaqstan halqyn lańkestiktiń eshqandaı túrimen qorqyta almaıdy. Bundaı árekettiń musylmandar úshin qasıetti Ramazan aıynyń qarsańynda oryn alǵany onyń zymııandyǵyn kórsetedi.
Adamgershilikke jat bul áreket ǵasyrlar boıy beıbit jáne tatý kórshilikte ómir súrip kele jatqan túrli etnostar men mádenıet jáne din ókilderinen turatyn Qazaqstan halqyn odan saıyn biriktire tústi. Bizdiń elimizdiń tarıhy bizdiń qasıetti jerimizde ǵasyrlar boıy Qazaqstandy týǵan úıi sanaıtyn ıslam, pravoslavıe, katolık jáne ıýdaızm ókilderi qatar ómir súrip, eńbek etip otyrǵanyn dáleldeıdi.
Qazaqstan Prezıdenti N.Á.Nazarbaev óziniń Qazaqstan halqyna Joldaýynda: «О́zimizdiń yntymaǵymyz ben birligimizdiń arqasynda biz kóptegen jetistikterge qol jetkizdik. Qoǵamdaǵy birlik pen eldegi turaqtylyq bolmaıynsha bizdiń bolashaq damýymyz, barlyq oıǵa alǵandarymyzdy júzege asyrý múmkin emes. Sondyqtan ultaralyq kelisimdi qamtamasyz etý saıasaty mańyzdy basymdyqqa ıe bolyp qala beredi», – deýi osyny ańǵartady.
Elbasymyz halyqaralyq qaýymdastyqqa «Álem. XXI ǵasyr» manıfesin jarııalaı otyryp, «Soǵyssyz álem» ortaq baǵdarlamasy sheńberinde álem elderin qazirgi tańdaǵy zamanaýı daǵdarysty eńserý jolynda kúsh-jigerin biriktirýge shaqyrdy.
Adam – Jaratýshynyń ǵajap jaratylysy. Álemdik jáne dástúrli dinderdiń negizgi ósıetteriniń biri kisi óltirýge tyıym salý bolyp tabylady. Terrorıster men ekstremısterdiń qandaı da dinı mátinderdi paıdalanyp, qandaı da joǵary bedeldi tulǵalardyń attaryn jamylǵanymen, olardyń is-áreketterinen óz aınalasyna qaıǵy-qasiret, azap jáne kúızelis taratý arqyly zulymdyqqa qyzmet etetinderin kórýge bolady.
Osyǵan baılanysty biz, Qazaqstannyń jetekshi dinı birlestikteriniń basshylary men ókilderi, Qazaqstan Respýblıkasy Prezıdentiniń álemdegi beıbitshilikti saqtaýǵa baǵyttalǵan bastamalaryna tolyǵymen qoldaý bildiremiz.
Biz Aqtóbede oryn alǵan qylmystyq áreketterdi úzildi-kesildi aıyptaımyz, sondaı-aq, ekstremızm men terrorızmniń kez kelgen kórinisteri men túrlerin úzildi-kesildi qabyldamaımyz, zorlyq-zombylyqtyń kez kelgen túrin dinı turǵydan aqtaý áreketterin aıyptaımyz.
Din men ekstremızmniń úılespeıtinin málimdeımiz, jazyqsyz adamdardyń ólimine ákep soǵatyn álemniń túrli aımaqtarynda oryn alyp jatqan qatygez terrorıstik áreketterge úlken alańdatýshylyq bildiremiz.
Biz barlyq otandastarymyzǵa: bizdiń ortaq qundylyqtarymyzǵa qarsy shyqqan jáne álemniń turaqty damýyna qarsy baǵyttalǵan ekstremızm men terrorızm ıdeologııasyna qarsy turýǵa, barlyq adamzattyń qaýipsizdiginiń negizi adamdardyń beıbit ómir súrý bolyp tabylatyndyqtan, qoǵamdyq turaqtylyqty saqtaýǵa yqpal etýge, óz kúshimizdi Qazaqstannyń ósip-órkendeýi jolyndaǵy jasampaz eńbek pen adamgershilik murattardy ilgeriletýge jumyldyrý arqyly etnosaralyq jáne konfessııaaralyq kelisimdi odan ári nyǵaıtýǵa jaǵdaı jasaýǵa úndeý jarııalaımyz.
Qazaqstan musylmandary dinı basqarmasynyń basshysy, Bas múftı E.Maıamerov Qazaqstan Respýblıkasyndaǵy Orys pravoslav shirkeýiniń basshysy, Astana jáne Qazaqstan Mıtropolıti Aleksandr Astanadaǵy Qasıetti Márııam Arhıeparhııasynyń Arhıepıskopy Tomash Peta Qazaqstannyń Bas ravvıni E.Kogen
