Qazir qoǵamda qyzý talqylanyp jatqan mańyzdy máseleniń biri – Konstıtýsııalyq reformalar. Áleýmettik jelide óz oı-pikirin bildirgen otandastarymyzdyń ishinde sport pen óner juldyzdary da az emes. Solardyń biri – bokstan álem chempıony Aıbek Oralbaı óz oqyrmandaryn el bolashaǵyna qatysty birge tańdaý jasaýǵa shaqyrdy.
«Men úshin jarystaǵy eń basty jetistik – sharshy alańǵa shyǵyp, óz múmkindigimdi júz paıyz kórsetý. Jeńistiń kilti – jaýapkershilikti óz moınyna ala bilý, qıyn sátte taısalmaı sońyna deıin kúresý. Bul jerde kim shydamdy, kim kóbirek eńbektenedi, sol boksshynyń jeńiske jetý múmkindigi joǵary. Jaýapkershilik – tek sportta ǵana emes, ómirde de, el bolashaǵynda da mańyzdy uǵym. Ol jańartylǵan Konstıtýsııada keńinen qamtylǵan. Barshalaryńyzdy 15 naýryz kúni ótetin referendýmǵa shaqyramyn. Tańdaý jasaý – naǵyz jaýapkershiliktiń belgisi», dep jazdy álem chempıony.
Belgili akter Ǵanı Quljanov halyqqa arnaǵan sózinde Konstıtýsııamyzǵa engiziletin ózgerister ýaqyt talabynan týyndap otyrǵanyn aıtty.
«Aldaǵy referendým – memleketimizdiń damý baǵytyn aıqyndaıtyn tarıhı múmkindik. Búgingi qoǵamǵa ádildik pen ashyqtyq qajet. Usynystardyń ishinde Konstıtýsııalyq sottyń mártebesin kúsheıtý qarastyrylǵan, azamattardyń tikeleı ótinish berý quqyǵy keńeıtiledi, jergilikti basqarý júıesin jetildirý de mańyzdy baǵyttyń biri. Bul reformalar «halyq únine qulaq asatyn memleketti» nyǵaıtady. Biz árqashan el bolashaǵyna jaýaptymyz. Referendýmǵa qatysyp, óz daýysymyzben tarıhı ózgeristerdi qoldaýǵa shaqyramyn!», dedi óner ıesi.
Elimizdiń sportshylary men óner ıeleri jańa Konstıtýsııa jobasyn qoldady
Kıno jáne teatr aktrısasy, elimizdiń eńbek sińirgen qaıratkeri Danagúl Temirsultanova da áleýmettik jelide oqyrmandaryn 15 naýryzda ótetin respýblıkalyq referendýmǵa kelip, daýys berýge shaqyrdy.
Aıta keteıik, Astanada ótip jatqan grek-rım, erkin kúres jáne áıelder kúresinen U17 jáne U20 jas sanatyndaǵy el chempıonatynyń resmı ashylý saltanatynda jańa Konstıtýsııany qoldaý aksııasy uıymdastyryldy.
Qazaqstanda avtobýstar jańa Konstıtýsııa jobasy týraly aqparat taratý alańyna aınaldy
