Foto: Instagram/zhaksylyk_omar
Shyǵys Qazaqstan oblysy ákiminiń burynǵy orynbasary Jaqsylyq Omardyń apellıasııalyq shaǵymyn óńirdiń qylmystyq ister jónindegi sot alqasy qarady. Burynǵy sheneýnikke shyǵarylǵan úkim ózgerissiz qaldyryldy.
«Sot alqasy birinshi satydaǵy sottyń sottalǵan adamnyń áreketterin durys saralaǵany, jaza túri men mólsheriniń zań talaptaryna qatań sáıkes taǵaıyndalǵany týraly qorytyndyǵa keldi. Sonymen qatar memlekettik bıliktiń bedeline jáne qoǵamnyń oǵan degen senimine nuqsan keltiretin aýyr sybaılas jemqorlyq qylmysynyń joǵary qoǵamdyq qaýiptilik dárejesi eskerildi», dedi sýdıa Sáýle Bekisheva.
Alqa О́skemen qalasynyń qylmystyq ister jónindegi aýdanaralyq sotynyń 2026 jylǵy 3 sáýirdegi Jaqsylyq Omarǵa qatysty úkimin ózgerissiz qaldyrý týraly qaýly shyǵardy.
«Apellıasııalyq shaǵymdar qanaǵattandyrýsyz qaldyrylsyn. Qaýly jarııalanǵan sátten bastap zańdy kúshine enedi», dep oqyp berdi sýdıa.
Aıta keteıik, О́skemenniń burynǵy ákimi Jaqsylyq Omar 6 jylǵa sottaldy. Sot ony alaıaqtyq jasaǵany jáne para alǵany úshin kináli dep tanyǵan.
