Foto: Ashyq derekkóz
Bul ózgerister Ulttyq bank ázirlegen makroprýdensııalyq normatıvter men lımıtter týraly qaýly jobasy aıasynda qarastyrylǵan.
KBK kórsetkishi 2024 jyldyń tamyz aıynan bastap monıtorıngtik rejımde qoldanylyp keledi. Ol azamattyń barlyq ótelmegen nesıeleri men mıkrokredıtteri, sondaı-aq jańa qaryzdy qosqandaǵy jalpy beresheginiń onyń jyldyq tabysyna qatynasyn kórsetedi.
Qarapaıym tilmen aıtqanda, bul koeffısıent adamnyń qaryzy onyń bir jyldyq tabysynan qanshalyqty asyp ketkenin anyqtaýǵa múmkindik beredi. Kórsetkish joǵarylaǵan saıyn qaryz júktemesi artyp, tólem qabiletine qaýip kóbeıedi.
Endi bankter ıpoteka berýde qaryz alýshynyń tólem qabiletin qatań tekseredi
Ulttyq bank KBK-nyń shekti deńgeıin qaryz alýshynyń jyldyq tabysynyń 8 esesi kóleminde belgileýdi usynyp otyr. Iаǵnı azamattyń jalpy qaryzy onyń bir jyldyq kirisinen segiz ese kóp bolmaýy tıis.
Retteýshi organnyń málimetinshe, bul shara bankterdiń jaýapty nesıe saıasatyn kúsheıtýge, halyqtyń shamadan tys qaryzǵa batý táýekelin azaıtýǵa jáne qarjy júıesiniń turaqtylyǵyn qamtamasyz etýge baǵyttalǵan.
2027 jyldan bastap azamattardyń qaryz kólemine shekteý engizilýi múmkin
Sonymen qatar avtonesıe, ıpoteka jáne kepilsiz tutynýshylyq qaryzdar boıynsha KBK kórsetkishine monıtorıng jalǵasady. Alaıda ázirge bul nesıe túrlerine jeke shekti mánder engizý josparlanbaǵan.
Ulttyq bank qajet bolǵan jaǵdaıda qaryz túrlerine qaraı saralanǵan shekteýler belgileýge nemese KBK deńgeıin qaıta qaraýǵa quqyly ekenin atap ótti.
Buǵan deıin elimizde azamattardyń 250 mlrd qaryzy keshiriletinin habarlaǵan edik.
