Aýqymdy is-shara 2026 jylǵy 25-27 aqpan kúnderi ótedi. Onyń negizgi maqsaty – kóktemgi sý tasqyny kezeńinde týyndaýy múmkin tótenshe jaǵdaılarǵa Azamattyq qorǵaý memlekettik júıesi men halyqtyń daıyndyǵyn arttyrý, sondaı-aq azamattyq qorǵaý qyzmetteri men quralymdarynyń jedel áreket etý qabiletin tekserý.
Oqý-jattyǵýdy úılestirý jáne basqarý jónindegi respýblıkalyq shtab Astana qalasynda, Tótenshe jaǵdaılar mınıstrligi Strategııalyq josparlaý jáne jedel basqarý ortalyǵynyń bazasynda jumys isteıdi.
Tótenshe jaǵdaı kezinde volonterlik kómek júıesi nyǵaıtylady
Sharaǵa respýblıkalyq azamattyq qorǵaý qyzmetteri, ortalyq jáne jergilikti atqarýshy organdar, sondaı-aq avarııalyq-qutqarý qyzmetteri men arnaıy qurylymdar qatysyp jatyr.
Jattyǵý aıasynda elimizdiń ár óńirinde tótenshe jaǵdaılardy joıý boıynsha basqarý sheshimderin pysyqtaý, komandalyq-shtabtyq oqý-jattyǵýlar ótkizý, sondaı-aq avarııalyq-qutqarý qyzmetteri men azamattyq qorǵaý kúshteriniń praktıkalyq is-qımyldary uıymdastyrylady.
«Sonymen qatar, oqý-jattyǵý barysynda «Barshanyń nazaryna!» sıgnaly boıynsha aýmaqtyq deńgeıdegi qulaqtandyrý júıesiniń daıyndyǵy tekseriledi. 2026 jylǵy 25 aqpanda saǵat 11:00-de elimizdiń barlyq óńirlerinde sırena-sóıleý qurylǵylary men elektrsırenalar iske qosylady. Osyǵan baılanysty turǵyndardy sabyr saqtap, alańdaýshylyqqa boı aldyrmaýǵa shaqyramyz», delingen mınıstrlik habarlamasynda.
