Kókshetaý qalasyndaǵy oblystyq kópsalaly aýrýhanada qazir úsh naýqas em qabyldap jatyr. Olardyń ekeýi jansaqtaý bóliminde aýyr jaǵdaıda, al taǵy bireýi travmatologııa bóliminde kombýstıolog dárigerlerdiń baqylaýynda. Buǵan deıin zardap shekkenderdiń biri úıine shyǵarylǵan.
Alǵashqy kúnderi bes adam sanıtarlyq avıasııa arqyly Ulttyq shuǵyl medısınany úılestirý ortalyǵyna, ıaǵnı Astana qalasyna jetkizilgen.
Shýchınsktegi jarylystan qaza tapqandardyń otbasyna 2 mln teńge beriledi
Eske salsaq, qaıǵyly oqıǵa 27 aqpanǵa qaraǵan túni Shýchınsk qalasyndaǵy «Palaý ortalyǵy» dámhanasynda bolǵan. Kópqabatty turǵyn úıge japsarlas ornalasqan nysanda gaz jarylyp, artynsha órt shyqqan.
Qaıǵyly jaǵdaı saldarynan oqıǵa bolǵan kúni jeti adam qaza tapty – olardyń altaýy dámhana qyzmetkerleri, sondaı-aq qyzmetkerlerdiń biriniń 16 jastaǵy qyzy bolǵan. Keıin jaraqat alǵandardyń arasynan 3 naýryzda eki adam, 9 naýryzda taǵy eki naýqas kóz jumdy. Osylaısha, qurbandar sany 11 adamǵa jetti.
Oqıǵadan keıin quqyq qorǵaý organdary qylmystyq is qozǵap, dámhana ıesin ustady. Sot sheshimimen ol eki aıǵa qamaýǵa alyndy.
