Foto: informburo.kz
Atalǵan ózgeristerge sáıkes, bankterge turǵyn úı qurylys jınaqtary júıesine qatysý úshin arnaıy jeke lısenzııa alýdyń qajeti joq. Sonymen qatar kommersııalyq ekinshi deńgeıli bankterde ashylǵan depozıtterge jyl saıyn beriletin memlekettik syılyqaqy eseptelmeıdi.
«Naýryz» baǵdarlamasyna ótinim qabyldaý ýaqytsha toqtatylady
Salym boıynsha syıaqy mólsherlemesi men beriletin qaryzdyń paıyzdyq mólsherlemesi turǵyn úı qurylys jınaqtary týraly shart jasalǵan kezde belgilenedi jáne kelisimsharttyń tolyq merzimi boıy ózgerissiz qalady.
Sonymen qatar Qazaqstan qarjygerler qaýymdastyǵynyń bas sarapshysy Ramazan Dosov kommersııalyq ekinshi deńgeıli bankterdiń bul baǵytta «Otbasy bankpen» básekege túse alatynyna kúmán keltiretinin aıtty. Sarapshynyń pikirinshe, laıyqty báseke úshin kommersııalyq ekinshi deńgeıli bankterdiń ekonomıkalyq jaǵdaı «Otbasy bankpen» teńespeıdi.
Dese de sarapshy qarjy ınstıtýttary úshin turǵyn úı qurylys jınaqtary júıesine qatysý qor tartý kózderin ártaraptandyrý, ónimder jelisin keńeıtý jáne jańa klıentter tartý turǵysynan áleýetti ári qyzyqty bolýy múmkin ekenin jetkizdi.
