Foto: Aqorda
Áńgimelesý barysynda energetıka jáne telekommýnıkasııa salalarynda birlesken ınvestısııalyq jobalardy júzege asyrý perspektıvasy qarastyryldy.
Prezıdenttiń aıtýynsha, gaz óńdeý, tasymaldaý jáne qýat óndirý salalary Qazaqstan men Qatar arasyndaǵy ınvestısııalyq yqpaldastyqtyń negizi sanalady. Bul baǵyttaǵy aýqymdy jobalar elimizdiń energetıkalyq qaýipsizdigine eleýli úles qosyp keledi.
Memleket basshysyna PIH kompanııasynyń telekommýnıkasııa naryǵyndaǵy qyzmetin keńeıtý jospary baıandaldy. Holdıng muny Mobile Telecom Service (Tele2) baılanys operatoryn satyp alý kelisimsharty aıasynda iske asyrmaq.
Qasym-Jomart Toqaev kompanııa osy arqyly telekommýnıkasııa ınfraqurylymyn jańǵyrtýǵa, qyzmettiń sapasy men halyqqa qoljetimdiligin arttyrýǵa septigin tıgizetinine senim bildirdi.
Kezdesý sońynda Qazaqstan Prezıdenti men PIH kompanııasynyń basshylary ózara yqpaldastyqty odan ári jandandyryp, perspektıvti ınvestısııalyq jobalardy iske asyrýǵa beıil ekenin rastady.
