Lańkestikke laǵnet

«Aýyl» halyqtyq-patrıot­tyq demokratııalyq partııa­sy lańkesterdiń shabýylynan qaza tapqan azamattardyń tý­ǵan-týysqandary men jaqyn­daryna kóńil aıta otyryp, eks­tre­mısterdiń taǵylyq áreketterine qatań soqqy berip, dinı ekstremızm men terrorızmniń kez kelgen túrine tosqaýyl qoıý kerek dep sanaıdy. * * * Qaıǵyly oqıǵalardy saraptaı otyryp, Qazaqstandaǵy beıbitshilik pen turaqtylyqtyń ýaqyt tezinen ótken bizdiń basty qundylyqtarymyz ekendigin barynsha uǵyna túsemiz. Bul uǵymdar eldiń ári qaraıǵy da­mýynyń temirqazyǵy bolyp taby­lady, delingen Qazaqstan Kásip­odaqtar federasııasy málim­de­mesinde. Kásipodaqtar qundy­lyqtarymyzdy saqtap, ony nyǵaıtý jolynda eńbek etý kerektigin atap kórsetedi. * * * Qazaqstan Jazýshylar odaǵy da terrorshylardyń taǵylyq áreketin aıyptaı otyryp, azamattardyń ómirine qaýip tóndiretin barlyq qaterlerge qarsy kúreste birigý kerektigin, qazaqstandyqtardy eldiń birligi men kelisimin, turaqtylyǵyn saqtaý jolynda búkil kúsh-jigerdi jumyldyrýǵa úndeıdi. * * * Qazaqstan Respýblıkasy Ardagerler uıymdary Ortalyq keńesi Aqtóbede oryn alǵan lańkestik áreketke tapsyrys berýshiler men oryndaýshylar eń qatal jazaǵa tartylýy tıis dep esepteıdi. Sondaı-aq, Ardagerler uıymdary Qazaqstan azamattaryna qaıyryla otyryp, beıbit ómir súrip otyrǵan elimizde terrorızm men ekstremızmniń taralýyna qarsy kúresti pármendi túrde júrgizip, búkil el azamattary kúshti biriktirýdiń mańyzdylyǵyn atap kórsetedi. * * * Qazaqstan jastarynyń kongresi de eldiń jastaryn ekstremızm men terrorızmge qarsy kúreste aldyńǵy qatarda bolýǵa shaqyryp, eldegi beıbit ómir men turaqtylyqty saqtaýǵa, qoǵamdaǵy turaqtylyqty odan ári nyǵaıtýǵa jáne Qazaqstan qoǵamynyń yntymaqtastyǵyn arttyrýǵa úndeıdi. * * * Búldirgi aǵymdardy usta­nýshylar jasaǵan zorlyq akti­leriniń ıslamǵa eshqandaı qatysy joq dep sanaıdy Qazaqstannyń dintanýshylar kongresi. Kongress ıslamnyń beıbit din ekendigin, Qazaqstanda ártúrli konfessııalar ókilderiniń beıbitqatar ómir súrýine barlyq jaǵdaı jasalǵandyǵyn aıta otyryp, barlyq azamattardy tynyshtyq pen turaqtylyqtyń qadir-qasıetin baǵalaı bilýge shaqyrady. * * * Qazaqstan jastaryna ekstremıstik ıdeıalar tán emes, deıdi «Jas Otan» Jastar qanaty óz málimdemesinde. Oǵan qosa, jastardy eldiń bolashaqta damý maqsaty aınalasynda meılinshe shoǵyrlanyp, birlikti saqtaýǵa jáne nyǵaıtýǵa shaqyrady.