Birjaqty qozǵalys tártibi engizildi

Kóziqaraqty qala tur­ǵyndary mamyrdyń sońǵy kúnderinde elordanyń keı­bir kóshelerine birjaqty kólik qozǵalysy engizilgenin baıqap úlgerdi. Al 5 maý­symnan bastap qala kóshe­­lerin­de avtobýstarǵa arnal­ǵan Bus Lane jolaq­tary iske qosyldy. Birjaqty kólik qozǵalysyn engizý kóshe-jol qozǵalysy jeli­sine túsetin júktemeni azaıtý­ǵa jáne kólik quraldarynyń or­ta­sha jyldamdyǵyn arttyrýǵa múmkindik beredi. – Jobany iske asyrýdyń maq­­saty – kóshe-jol qozǵa­ly­sy jelisine túsetin júkte­meni, jol­dardaǵy apatty oqıǵa­lar­dy azaıtý, joldardyń ót­ki­zý qabi­lettiligin, kólik qural­dary­nyń ortasha jyldamdy­ǵyn arttyrý bolyp tabylady. Birinshi kezekte, keıbir kóshelerde bir­jaqty qozǵa­lys engiziledi. Sodan keıin táji­­rıbege taldaý júrgi­zilip, bas­qa kóshelerdi qamtý múm­­kin­digi qaralady, – deıdi qala­­lyq jolaýshylar kóligi bas­qar­­ma­synyń basshysy Edil Súleımenov. Birinshi kezekte 28 mamyrdan bastap Áýezov kóshesin­de (Respýblıka dańǵylynan Á.Moldaǵulova kóshesine deıin) jáne Jeltoqsan kóshesinde (Máskeý kóshesinen Kenesary kóshesine deıin) birjaqty qozǵalys engizý júzege asyryldy. Qazirgi kezde qıylystarda kelisilgen fazalyq retteý kestesi boıynsha baǵ­darsham obektilerin jónge keltirý jumystary júrgizilip, jol belgilerin montajdaý aıaqtaldy. Ekinshi kezekte 10 maýsymnan bastap Abaı dańǵyly (Saryarqa dańǵylynan Pýshkın kóshesine deıin), Kenesary kóshesi (Pýshkın kóshesinen Saryarqa dańǵylyna deıin), Iаnýshkevıch kóshesi (Abaı dańǵylynan Imanov kóshesine deıin) boıynsha birjaqty kólik qozǵalysy engiziledi. Qazirgi kezde bul kóshelerde jol belgilerin ornatý jáne alyp tastaý jumystary qolǵa alynyp, aqparattyq jol bel­gilerin ornatýǵa jáne jaıaý júr­­ginshilerge arnalǵan oryn­dar ázirlenip, qıylystarda keli­silgen fazalyq retteý kestesin qalyp­tastyrý, jol jabynyn jóndeý jumystary júrgizilip jatyr. «Astana LRT» JShS-niń kólik jónindegi dırektory Rýstam Halılevtiń aıtýynsha, kóshelerge birjaqty qozǵalys tártibiniń engizilýine baılanysty qoǵamdyq kóliktiń marshrýt­tyq jelisi ózger­tilmeıdi. Avtobýstar jeke jolaq­tarmen júretin bolady. – О́tken jyly Bus Lane joba­sy qolǵa alynyp, kóshelerdiń alty bóliginde engizildi. Ol óziniń tıimdiligin kórsetti. Qo­ǵam­dyq kóliktiń jyljymaly quramy­nyń ortasha jyldamdy­ǵy 12-den 15 paıyzǵa deıin art­­ty. Jolaý­shy­lar da oń kózqaras tanytyp otyr, sondyqtan jobany odan ári jalǵastyrý týraly sheshim qabyl­dandy. Ol úsh kezeńmen júzege asyrylady, – dedi E.Súleımenov. 5 maýsymnan bastap Alash tas­jolynda («Magným» saý­da úıinen Ýálıhanov kóshesine de­ıin), Qor­ǵaljyn tasjolynda (Beısekova kóshesinen Turan dań­ǵy­ly­na deıin) avtobýs­tar úshin jańa ar­naıy jolaqtar paı­da boldy. 10 maýsymda bir­jaq­ty kólik qozǵalysy engizil­gen soń Abaı dańǵyly men Kenesary kóshesinde de Bus Lane jolaqtary jasalady. Úshinshi kezeńde 15 maý­symnan bastap Jeńis dańǵy­lynda (Esenberlın kóshesi – Kene­sary kóshesi), Baraev kóshesinde (Qor­ǵaljyn tasjoly – Ýálıhanov kóshesi) tıisti jolaqtar engiziledi. Osy rette eskertetin bir má­se­le, polısııa basqar­ma­sy­nyń je­ke quramy jergilikti polı­­sııa qyz­meti­men birlesip, júr­gizýshiler ara­­synda birjaqty qoz­ǵalys en­gi­zil­gen kóshelermen júrý ere­je­lerin túsindirý boıynsha na­sı­­­hat­tyq jumystar júrgizdi. En­di tártip buzýshylar ákimshilik jaýap­­­ker­shi­lik­ke tartylyp, 5 AEK mól­­sherinde aıyppul salyna bastady. «Egemen-aqparat»