Temirtaý turǵyny avtokólik jýatyn sýsabyn oılap tapty

«Bıznestiń jol kartasy-2020» memlekettik baǵdarlamasynyń aıasynda nesıe alǵan Dmıtrıı Telebaev avtokólikterge arnalǵan sýsabyn, ıaǵnı shampýn shyǵarady. Onyń ári arzan, ári sapaly dúnıesi dúken sórelerindegi sheteldik jýǵysh quraldardy edáýir keıinge yǵystyrǵan.   – Sýsabyndy jasaýdyń tehno­logııalyq úderisi asa qıyn emes, – deıdi kásipkerdiń ózi. – Arnaıy quramdy belgili bir temperatýrada aralastyryp, tek sonyń ret-retimen qosylýyn qadaǵalap otyrý kerek. «HIM-GRÝPP Qazaqstan» JShS-nen al­ǵashqy sýsabyndar «Bona» saý­da mar­­ka­symen jaqynda ǵana shy­­ǵa­ryldy. – Men avtosýsabynnyń 17 túrin jáne polırol, balaýyz, áınek tazalaǵysh, motor tazalaý, dıski tazalaý quraldary, terek butaqtarynan, jándikterden qorǵaıtyn quraldar sııaqty janama zattar shyǵaramyn, – deıdi Dmıtrıı. Bar­lyq ónimderdi tehnıkalyq nusqaý­lyq­tar men tıisti tártipterine sáı­kes óndiredi. Negizinen jergilikti shıki­zattardy paıdalanyp, otan­dyq hımııa óndirisinde joq keıbir quram­dar­ǵa ǵana sheteldik kompanııa­larǵa tapsyrys berip aldyrady eken. Sehtyń óndiris qýaty aıyna 40 tonna ónim shyǵarýǵa jetedi. Alǵash­qyda jarty tonna ǵana ónim shyǵa­rylǵan edi. Qazirdiń ózinde satyp alýshy uıymdarmen kelisimshart jasalyp, birqatar turaqty tutynýshylar paıda boldy. Avtosýsabyn kólik kirin bar-joǵy eki mınýtta joq qy­lady desedi. Budan soń, árıne, temirtaýlyq kólik jýýshylar jappaı jergilikti ónimdi paıdalanýǵa kósh­ken. «Bizge osy sýsabyndardyń sapasy unaıdy. Buryn paıdalanyp kelgenderimizden áldeqaıda jaq­sy. Kóligin jýdyrǵandar da maqtap ketedi. Onyń ústine, otandyq óndirý­shi­ni qoldaǵanymyz durys qoı», – deı­di kólik jýý ornynyń qyzmetkeri Elena Marıanko. Temirtaýlyq kásipker kúzge ja­qyn ja­ńa­dan bes jumys ornyn ashýdy jos­­par­lap otyr. Kúzde kólik áıne­gin qy­raý­­d­an qor­ǵaı­tyn qural shyǵar­maqshy. О́ndiris kólemin arttyrý úshin Dmıtrıı taǵy da memlekettik baǵ­dar­­lamaǵa arqa súıemek.  Qaırat ÁBILDINOV, «Egemen Qazaqstan» Qaraǵandy oblysy, Temirtaý qalasy