«Sabantoıda» saıran salyp...

Taıaýda «Jastar» saraıy­nyń jazǵy alańynda el Táýel­sizdiginiń 25 jyldyǵyn toılaý sheńberinde Astana qala­sy­nyń «Tań» tatar-bashqurt mádenı ortalyǵy» qoǵamdyq birlestiginiń uıymdastyrýymen «Sabantoı» dástúrli halyq merekesi atap ótildi. Bıylǵy mereke respýblıkalyq kólemde toı­lanady, sol sebepti, oǵan bar­sha óńirlik etnomádenı birles­tikter atsalysty. Is-sharany uıymdastyrýǵa Qazaqstan halqy Assambleıasy, Astana qalasynyń ákimdigi, Tatarstan Res­pýb­lıkasynyń Qazaqstandaǵy О́kiletti ókildigi, Reseı Federasııasynyń elshiligi, «Kama-Qazaqstan» Saýda úıi» JShS, «KamAZ» Saýda kompa­nııa­sy» JShS qoldaý kórsetti. Bul merekeniń ereksheligi sol, onda kez kelgen adam óziniń týǵan jerine degen sheksiz súıis­pen­shiligin bildire alady. О́z kezeginde sóz alǵan «Tań» tatar-bash­qurt etnomádenı birlestiginiń ókili Rafık Valıev: «Bul aıtýly meıramǵa barlyq oblystardyń ókilderi, ártister, tipti, Qazan qa­la­­synan da arnaıy qonaqtar kel­di. Búgin erekshe kún, úlken toı. Án aıtylyp, bı bılep jatqan óner­pazdardy kórip, rýhanı dem­alyp qalasyń. «Sabantoıdyń» erek­sheligi de osynda», – deıdi aqjar­ma tilegin kópshilikpen bólisi­p. Sharaǵa Parlament depýtattary, QHA músheleri, Qazaq­stannyń jáne Tatarstan Respýb­lıkasynyń belgili qoǵam, máde­nıet jáne sport qaırat­ker­leri, elordalyq jáne aımaq­tyq etnomádenı birlestikter ókil­deri, elorda turǵyndary men qonaq­­tary qatysty. Merekege kelgender túrli jarys­­­tarǵa, ulttyq oıyn­darǵa qaty­­syp, tatar-bashqurt halyq­tary­­nyń ulttyq dámderinen aýyz tıdi. Sondaı-aq, tatarlardyń «kórásh» ulttyq kúresi tamashalandy. Raýshan SÚLEIMENOVA