Germanııadaǵy mańyzdy kezdesýler

Jaqynda EKSPO-2017 halyqaralyq mamandandyrylǵan kórmesiniń komıssary Rápil Joshybaevtyń Germanııaǵa jumys sapary boldy. Onyń sheńberinde komıssar Býndestag depýtattarymen, Germanııanyń jetekshi qoǵamdyq-saıası jáne ekonomıkalyq toptar ókilderimen, GFR-de oqıtyn qazaqstandyq stýdenttermen kezdesti. Býndestagta R.Joshybaev nemis parlamentshisi Iýrgen Klımke men Qazaqstannyń Germanııadaǵy elshiligi uıymdastyrǵan EKSPO-2017-niń qarsańynda Qazaqstannyń týrızmi men ekonomıkasyn damytý» taqyrybyndaǵy roýd-shoýǵa qatysty. О́ziniń sózinde komıssar jınalǵan aýdıtorııany Astanada ótetin EKSPO kórmesine daıyndyq baǵytynda júrgizilip jatqan jumystarmen, elde júzege asyrylý ústindegi reformalarmen jáne Qazaqstanda týrızmdi damytý baǵytyndaǵy is-sharalarmen tanystyrdy. Iý.Klımke, óz kezeginde, Qazaq­stan Germanııanyń Ortalyq Azııa­daǵy mańyzdy saıası jáne saýda-eko­nomıkalyq seriktesi bolyp tabylatynyn atap kórsetti. Sondaı-aq, ol EKSPO-2017-ge qatysý ekijaqty qarym-qatynastyń barlyq keshenin damytýǵa sony serpin beretinin aıtty. «Astana EKSPO-2017» UK» AQ-tyń ókilderi men Qazaqstannyń jetek­shi týrıstik operatorlary sharaǵa qatysýshylardy EKSPO-2017-niń týrıstik ónimderi týraly qulaǵdar etti. Tusaýkeser men odan keıin bolǵan pikir almasýlar nemis tarapynyń úlken qyzyǵýshylyǵyn týǵyzdy. Shara barysynda Germanııanyń EKSPO-2017-ge qatysatyny týraly shartqa saltanatty túrde qol qoıý rásimi boldy. Qujatqa Qazaqstan tarapynan kórme komıssary Rápil Joshybaev, al Germanııa tarapynan nemis pavılonynyń bas komıssary, GFR Ekonomıka jáne energetıka mınıstrliginiń ókiletti ókili Dıter Shmıts qol qoıdy. Atalǵan kelisimniń mańyzy men joǵary mánin Germanııada oqıtyn qazaqstandyq stýdentter flesh-mob ótkizý arqyly bildirdi. Roýd-shoýdyń qorytyndysy boıynsha baspasóz máslıhaty ótip, onyń barysynda EKSPO-2017 komıssary nemis jýrnalısteriniń suraqtaryna jaýap berdi. Sapar sheńberinde, sondaı-aq, R.Joshybaevtyń Býndestag depýtaty Genrıh Sertıkpen, Qazaqstan-Ger­manııa Iskerlik keńesiniń teń tóraǵasy Peter Tılspen, Germanııa ekonomıkasy Shyǵys komıtetiniń óńirlik dırektory Edýard Kınsbrýnnermen, Karlsrýe qalasyndaǵy saýda-óner­kásip palatasy (SО́P) syrtqy saý­da komıtetiniń basshysy Robert Hýbermen jáne «Funkwerk» kompa­nııasynyń basqarýshy dırektory Mıhael Vımanmen, nemistiń «DENA» energetıkalyq agenttiginiń, Qazaqstan-Germanııa Iskerlik keńesiniń, GFR SО́P-iniń syrtqy saýda jónindegi komıtetiniń, «EREN» kompanııasynyń basshylyǵymen ekijaqty kezdesýleri ótti. Kezdesýler barysynda taraptar atalǵan uıymdar men kompanııalardyń birikken jobalarǵa qatysýy, nemis avtokonserinderin EKSPO-2017 kór­mesine tartý múmkindikteri máse­lelerin talqylady. Sonymen qatar, 2017 jyly Frankfýrtten Astanaǵa qatynaıtyn avıareısterdiń jıiligin arttyrý jaıy sóz boldy. Sondaı-aq, Qazaqstannyń Germa­nııadaǵy elshiliginde 30-dan astam nemis kompanııalary ókilderiniń qaty­sýymen EKSPO-2017 taqyrybynda dóńgelek ústel uıymdastyryldy. Shara kezinde kórmeniń uıymdastyrý-tehnıkalyq sıpattaǵy máseleleri men ekijaqty yntymaqtastyqtyń qaıtalama jáne balamaly energııa salasyndaǵy yntymaqtastyǵynyń perspektıvalary qaraldy. Sáýlebek BIRJAN