Jumyla kótergen júk jeńil

«Apat aıtyp kelmeıdi» degen sózdiń rastyǵyna kúni keshe otyrarlyqtardyń kózi taǵy bir márte jetti. Maýsym aıynyń 14-i kúni aýyzashar mezgilinde sirkirep bastalǵan jańbyrdan kópshilik asa sekem ala qoıǵan joq. Apta boıy tynys taryltqan aptap ystyqtan mezi bolǵan adamdar salqyn samal, jyly jańbyrdan jandary jadyrap, jaıdary kúıde áńgimelesip otyrǵan-dy. Osy sátte aspandy torlaǵan qoıý qara bultqa qarsy batystan qatty jel kóterilgen. Jaı bastalǵan jeldiń sońy alapat daýylǵa ulasyp, bultqa bulttyń «soqtyǵysýynan» shaqpaq oınap, naızaǵaı uryp, aınala tóńirek azan-qazan kúıge tústi. Dastarqanyn jınap úlgermegen jurtshylyq úılerine qashyp kirip, esik-terezeni qymtap, áliptiń artyn baǵýǵa kóshti. Aınalany alaman tasyrǵa aınal­dyr­ǵan tabıǵattyń dúleı kúshi halyqtyń úreıin ushyrdy. Saǵatqa jýyq soqqan daýyl­dan soń, qatty jaýǵan nóser shatyrlar­dy tesip, sońynan shıfer, prof­nostıl jabyndylaryn qaǵaz qurly kórmeı, otyz-qyryq metr jerge deıin ushyryp áketti. Qatty jel men jaýynnyń áserinen elektr jelileri birine-biri aıqasyp, qysqa tuıyqtalýdyń kesirinen aýdan jaryqsyz qaldy. Erteńine málim bol­ǵan­daı, kóptegen elektr baǵanalary dúleı kúshke tótep bere almaı qulap jatty. Sháýildir aýylyn qaq jaryp ótetin Jibek joly dańǵyly boıynda ornalasqan kópqabatty úıler men M.Shoımanov, Shytty aýyldaryndaǵy mektepter jáne áleýmettik nysandardan bólek kóptegen turǵyn-úıler apat saldarynan qatty zardap shekti. Osyndaı qıyn sátte Otyrar aýdan­dyq máslıhatynyń depýtattary kó­mekke muqtaj aýyl turǵyndaryna alǵash­qylardyń biri bolyp qolushyn sozýda. Halyq qalaýlylary zııan kelgen 55 úıge shıfer jetkizip, arnaıy jasaq daıyndap, olarǵa kúndelikti aqysyn ózderi tólep, shatyrlaryn bútindep berdi. Sondaı-aq, Jibek joly boıyndaǵy №15, 17, 20, 29 úılerge de osyndaı jón­deý jumystary júrgizildi. Der kezinde jetken kómekke aýyl turǵyndarynyń rıza­shylyǵy sheksiz. Sondaı-aq, aýdan kásipkerleri de qarap qalmaı, jer-jer­de múmkindiginshe kómek jumystaryn júrgizýde. Apat saldaryn joıý úshin keshe, búgin aýdan kásipkerleriniń kómegimen qaıta qalpyna keltirý jumystary qarqyndy júrip jatyr. Aýdan ákimi E.Aıtahanov bas bolyp, arnaıy shtab qurylǵan. Ta­bıǵı apattyń zardabyn joıý úshin oty­rar­lyqtar ýaqytpen sanaspaı jumys isteý­de. Iá, jumyla kótergen júk jeńil demek­shi, tabıǵat ákelgen shyǵynnyń ornyn kópshilik bolyp qana toltyra alamyz. Osylaısha, otyrarlyqtar memleket tara­pynan beriletin kómekti kútpeı-aq qalpyna keltirý jumystaryn bastap ta ketti. Almas AQYLBEK, jýrnalıst