Rolls-royce kompanııasy

2040 jyly shyǵatyn kólikterdi tanystyrdy Brıtanııalyq Rolls-Royce Motor Cars kompanııasy London qalasynda 103EX úlgisindegi kólikti tanystyrdy. Bul – Vision Next 100 jobasy boıynsha, «bolashaq avtomobılderi» degen ataýǵa ıe bolǵan tórt kóliktiń biri. Fırma ókilderi mundaı avtomobılder tek 2040 jyldan keıin ǵana shyǵarylatynyn málimdedi. Kóliktiń ishi kózdiń jaýyn alar­lyqtaı etip sándelgen. Mamandar bul jumysqa negizinen eben aǵashyn paıdalanypty. Al oryndyqtary jibekten daıyndalǵan. Aıaq qoıatyn oryndaryna arnaıy júnnen to­qylǵan kilemshe tóselgen. Máli­metter boıynsha, konsept-kar jumystarymen belgili dızaıner Djaıls Teılor jetekshilik ete­tin kompanııanyń birqatar qyz­metkerleri aınalysqan. –  Ol kezde Rolls-Royce kompanııa­synyń basshylary laýazymdy adamdar bolady dep senemin. Bálkim, mem­leket basshylary, álemdik lıder­ler, kásipkerler, juldyzdar bolýy múm­kin, – dedi Djaıls Teılor. Aıta keteıik, áıgili kompanııa­nyń shyǵaratyn kólikteri búginde dáý­letti adamdardyń arasynda úl­ken suranysqa ıe. Osyǵan sáıkes, baǵasy da qymbat. Máselen, osydan eki-úsh jyl buryn Wraith úlgisinde shyqqan avtomobıldiń bastapqy quny 245 myń eýrony qurady. Al keıbir málimetterde kompanııanyń bir kóligin 20 mıllıon dollarǵa satyp alǵandar da bolǵany aıtylady. Aıan ÁBDÝÁLI, «Egemen Qazaqstan»