«Ult jaýharlary» fotojınaǵy

Taıaýda Ulttyq akademııalyq ki­tap­hanada mádenıet qaırat­keri, óner­taný­shy Bahargúl Tólegenniń kol­leksııasyndaǵy antıkvarlyq zergerlik buıym­dar toptamasynan qurastyrylǵan «Ult jaýhar­lary» fotojı­naǵynyń tanystyrylymy ótti. Jınaqqa 1000-nan astam qundy jádigerler men kádesyılar engen. Fotojınaqtan Kýshan pat­shalyǵynyń arheologııalyq artefaktilerimen, VI-XII ǵasyrlarǵa jatatyn tarıhı qundylyqtarmen jaqynyraq tanysýǵa múmkindik týdy. Qazaqstandaǵy túrki halyq­tarynyń sırek kezdesetin altyn jáne kúmis buıymdarynyń jalǵyz jeke murajaıynyń ıesi Bahargúl Tólegenniń esimin kóp­shi­likke tanystyryp jatý artyq. Ol – qazaqy kádesyılardyń ulttyq brendin qalyptastyrǵan «Ádemi-Aı» kompanııasynyń prezıdenti. Balalyq jáne jastyq shaǵyn Qytaı Halyq Respýblıkasynda ótkizgen Bahargúl 1994 jyly tarıhı otanyna oralyp, bala kezindegi armanyna qol jetkizdi. Sol sátten bastap keıipkerimiz boıyndaǵy bar kúsh-jigerin qazaqtyń ulttyq mádenıetin nasıhattaýǵa ári qundy tarıhı jádi­gerlerdi jınaqtap, saqtaýǵa arnady. Jıynda «Ádemi-aı» kompanııa­sy jaıly 20 mınýttyq shaǵyn derekti fılm kórsetildi. Izinshe, Senat depýtaty, «Aýyl» sosıal-demokratııalyq partııasynyń tór­aǵasy Álı Bektaev, Májilis depýtaty Serik Seıdýmanov, memleket qaıratkeri, ǵalym, fılologııa ǵylymdarynyń doktory Myrzataı Joldasbekov fotojınaqtyń lentasyn qıdy. Jınaq 2000 taralymmen jaryq kórdi. Fototýyndyny elimizdiń kitap­hanalarynan tabýǵa bolady. Eske sala keteıik, 2011 jyly Almaty qalasynda «Ádemi-aı» óner murajaıy ashylǵan bolatyn. Al Astana qalasyndaǵy jańa saýda núktesi 30 maýsymda ashylady dep kútilýde.  Ardaq SAMATQYZY, Q.A.Iаsaýı atyndaǵy halyqaralyq qazaq-túrik ýnıversıtetiniń stýdenti