Qazaqstan Respýblıkasy Úkimetiniń qaýlysy №381

2016 jylǵy 28 maýsym, Astana, Úkimet Úıi «Pavlodar MHZ jańǵyrtý» basym jobasy boıynsha sheteldik jumys kúshin tartýǵa kvotalar belgileý jáne «Pavlodar MHZ jańǵyrtý» basym jobasyn iske asyrý úshin sheteldik jumys kúshin tartýǵa ruqsat berý  talaptaryn bekitý týraly «Halyqtyń kóshi-qony týraly» 2011 jylǵy 22 shildedegi Qazaqstan Res­pýb­lıkasy Zańynyń 8-babyna sáıkes Qazaqstan Respýblıkasynyń Úkimeti qaýly etedi: 1. Osy qaýlyǵa qosymshaǵa sáıkes «Pavlodar MHZ jańǵyrtý» basym jobasy boıynsha sheteldik jumys kúshin tartýǵa arnalǵan kvotalar belgilensin. 2. Qosa berilip otyrǵan «Pavlodar MHZ jańǵyrtý» basym jobasyn iske asyrý úshin sheteldik jumys kúshin tartýǵa ruqsat berý talaptary (ótinish berýshiler – «NǴS Kazakhstan» jaýapkershiligi shekteýli serik­testigi, «Rominserv S.R.L.» Qazaqstan Respýblıkasyndaǵy fılıaly) bekitilsin. 3. Osy qaýly alǵashqy resmı jarııalanǵan kúninen bastap qoldanysqa engiziledi. Qazaqstan Respýblıkasynyń  Premer-Mınıstri        K.MÁSIMOV. Qazaqstan Respýblıkasy Úkimetiniń 2016 jylǵy 28  maýsymdaǵy №381 qaýlysyna qosymsha «Pavlodar MHZ jańǵyrtý» basym jobasy boıynsha sheteldik jumys kúshin tartýǵa arnalǵan kvotalar Jobanyń ataýy    О́tinish berýshi    Iske asyrý orny    Iske asyrý merzimi    Kvota (adam) 1    2    3    4    5 «Pavlodar MHZ jańǵyrtý»    «NǴS Kazakhstan» jaýapkershiligi shekteýli seriktestigi, «Rominserv S.R.L.» Qazaqstan Respýblıkasyndaǵy fılıaly    Pavlodar qalasy, Pavlodar oblysy    2012- 2016 jyldar    2016 jyl: 1044 Qazaqstan Respýblıkasy Úkimetiniń 2016 jylǵy  28 maýsymdaǵy №381 qaýlysymen bekitilgen «Pavlodar MHZ jańǵyrtý» basym jobasyn iske asyrý úshin sheteldik jumys kúshin tartýǵa ruqsat berý sharttary (ótinish ıeleri – «NǴS Kazakhstan» jaýapkershiligi shekteýli seriktestigi jáne Qazaqstan Respýblıkasyndaǵy «Rominserv S.R.L.» fılıaly) 1. Aýmaǵynda basym joba iske asyrylatyn ákimshilik-aýmaqtyq birliktiń ýákiletti organyna jumys berýshi ne ol ýákilettik bergen tulǵa usynatyn sheteldik jumys kúshin tartýǵa arnalǵan ótinishke qosa beriletin qujattarda mynalar qamtylýǵa tıis: 1) tegi, aty, ákesiniń aty (onyń ishinde latyn áripterimen), týǵan kúni, azamattyǵy, pasportynyń (jeke basyn kýálandyratyn qujattyń) nómiri, berilgen kúni jáne ony bergen organ, turaqty týratyn eli, shyqqan eli, bilimi, eńbek jónindegi ortalyq atqarýshy organ bekitetin Qazaqstan Respýblıkasynda qoldanylatyn basshylar, mamandar jáne basqa da qyzmetshiler laýazymdarynyń biliktilik anyqtamalyǵyna, uıymdardyń basshylary, mamandary men basqa da qyzmetshileri laýazymdarynyń úlgilik biliktilik sıpattamalaryna, jumysshylardyń jumystary men kásipteriniń biryńǵaı tarıftik-biliktilik anyqtamalyǵyna, jumysshylar kásipteriniń tarıftik-biliktilik sıpattamalaryna jáne 01-99 «Kásipter synyptaýyshy» Qazaqstan Respýblıkasynyń memlekettik synyptaýyshyna sáıkes mamandyǵynyń, biliktiliginiń (laýazymynyń) ataýlary kórsetile otyryp, tartylatyn sheteldik jumyskerler týraly málimetter; 2) Qazaqstan Respýblıkasynyń kúshine engen halyqaralyq sharttarynda kózdelgen jaǵdaılardy qospaǵanda, Qazaqstan Respýblıkasynyń zańnamasynda belgilengen tártippen zańdastyrylǵan bilimi týraly qujattardyń notarıaldy kýálandyrylǵan aýdarmalary (eger qujat memlekettik nemese orys tilinde toltyrylǵan bolsa, kóshirmeleri); 3) onyń buryn istegen jumys berýshisiniń resmı blankisindegi jumyskerdiń eńbek qyzmeti týraly jazbasha rastaýy nemese Qazaqstan Respýblıkasynda tanylatyn ózge de rastaýshy qujattar qosa berilgen, jumyskerdiń eńbek qyzmeti týraly aqparat (tıisti kásip boıynsha jumys ótili jóninde biliktilik talaptary bolǵan kezde); 4) basym jobany iske asyrýǵa qatysýy týraly kýálandyratyn sharttan notarıaldy rastalǵan úzindi-kóshirme nemese salystyryp tekserý úshin  túpnusqasy usynylǵan kóshirmesi (merdiger jáne qosalqy merdiger uıymdar úshin). 2. Ýákiletti organnyń jumys berýshilerge sheteldik jumys kúshin tartýǵa ruqsat berýi mynadaı araqatynas saqtalǵan kezde júzege asyrylady: 1) «Pavlodar MHZ jańǵyrtý» jobasyn iske asyrý úshin Qazaqstan Respýblıkasy azamattarynyń sany «NǴS Kazakhstan» jaýapkershiligi shekteýli seriktestigi men Qazaqstan Respýblıkasyndaǵy «Rominserv S.R.L.» fılıaly sııaqty bas merdiger kompanııalaryndaǵy jáne olardyń qosalqy merdiger uıymdaryndaǵy birinshi jáne ekinshi sanatqa jatqyzylatyn jumyskerlerdiń tizimdik sanynyń 22%-ynan kem bolmaýy tıis; 2) «Pavlodar MHZ jańǵyrtý» jobasyn iske asyrý úshin Qazaqstan Respýblıkasy azamattarynyń sany «NǴS Kazakhstan» jaýapkershiligi shekteýli seriktestigi men Qazaqstan Respýblıkasyndaǵy «Rominserv S.R.L.» fılıaly sııaqty bas merdiger kompanııalary jáne olardyń qosalqy merdiger uıymdaryndaǵy úshinshi jáne tórtinshi sanatqa jatqyzylatyn jumyskerlerdiń tizimdik sanynyń 47%-ynan kem bolmaýy tıis. 3. Sheteldik jumyskerlerdiń kelýi «Halyqtyń kóshi-qony týraly» 2011 jylǵy 22 shildedegi Qazaqstan Respýblıkasy Zańynyń 35-babynda kózdelgen sharttar saqtalǵan kezde júzege asyrylady. 4. Sheteldik jumys kúshin tartý «Halyqty jumyspen qamtý týraly» 2016 jylǵy 6 sáýirdegi Qazaqstan Respýblıkasy Zańynyń 28-baby 2-tarmaǵynyń 1) tarmaqshasy saqtalǵan kezde júzege asyrylady. 5. Eńbek naryǵynda usynystar bolǵan jaǵdaıda, ýákiletti organ jumys berýshi ókiliniń qatysýymen bos laýazymǵa úmitker qazaqstandyq azamattardyń kandıdatýrasyn qaraıdy. Ýákiletti organ kezdesý ýaqyty men ornyn anyqtaıdy, bul týraly jumys berýshige jáne tıisti úmitkerge habarlanady. 6. Osy sharttarda rettelmegen sheteldik jumys kúshin tartýdyń ózge de sharttary Qazaqstan Respýblıkasy Úkimetiniń 2012 jylǵy 13 qańtardaǵy №45 qaýlysymen bekitilgen Sheteldik qyzmetkerge jumysqa ornalasýǵa jáne jumys berýshilerge sheteldik jumys kúshin tartýǵa ruqsat berýdiń qaǵıdalary men sharttarynda reglamentteledi.