Búkil túrki jurty úshin mańyzdy oqıǵa

Astana qalasynda Túrki akademııasy halyqaralyq uıymy (TWESCO) Qazaqstannyń BUU Qaýipsizdik Keńesiniń turaqty emes múshesi bolyp saılanýyna baılanysty jıyn ótkizdi. Is-sharaǵa túrki elderi dıp­lomatııalyq mıssııalary­nyń, atap aıtqanda, Ázerbaıjan Respýblıkasynyń, Mońǵolııa­nyń, Túrik Respýblıkasy­nyń Qazaqstandaǵy elshilik dıp­lo­mattary, memleket jáne qoǵam qaıratkerleri, kórnekti ǵalymdar men zııaly qaýym ókilderi jáne jýrnalıster qatysty. Basqosýdy júrgizgen akademııa basshysy Darhan Qydyráli Táýelsiz Qazaqstan ómirindegi tarıhı oqıǵanyń mańy­zyna toq­taldy. «Bul – Qazaqstan Res­pýblıkasynyń Prezıdenti N.Á.Nazarbaevtyń halyqaralyq are­nadaǵy bıik bedeliniń kórinisi jáne Qazaq eliniń táýelsizdik alǵan 25 jyl ishindegi beıbitsúıgish bas­tamalaryna berilgen laıyqty baǵa. Iаdrolyq qarýdan bas tart­qan sarabdal saıasat pen bitimgershilik qaǵıdalaryn be­rik ustanýdyń jemisi. B­úgin­gi­deı almaǵaıyp zamanda Qazaq­stannyń BUU Qaýipsizdik Keńesine turaqty emes múshe bo­lyp saılanýy álemdegi tıimdi yq­paldastyqqa baılanysty izgi ustanymdardy jalǵasty­ryp, júzege asyrýǵa múmkindik bere­tinine senimdimiz», – dedi D.Qydyráli. Jıynǵa qatysýshylar Qazaq­stannyń osyndaı mártebege ıe bolýy kórshiles aımaqtar men búkil túrki álemi úshin mańyzdy oqıǵa ekenin aıtyp, paıymdy pikirlerin ortaǵa saldy. «Egemen-aqparat»