О́ner men ádebıet ókilderiniń pikiri

Dýlat ISABEKOV, jazýshy-dramatýrg, Memlekettik syılyqtyń laýreaty: – Birikken Ulttar Uıymynyń Qaýipsizdik Keńesiniń esigin ashyp, bul uıymǵa múshe bolý – Qazaq­stan­nyń táýelsizdigin nyǵaıta túsedi, qaýipsizdigin qamtamasyz etedi degen úmit bar. Qazaqstan derbes mem­leket retinde halyqaralyq  minberde álemdik máseleler boıynsha óz tu­jyrymyn bildirýge, ózge de ór­ke­nıetti damyǵan eldermen pi­kir ta­lastyrýǵa, óz eliniń múdde­sin qor­ǵaýǵa múmkindik alady dep senemin. Smaǵul ELÝBAI, jazýshy-dramatýrg, Qazaqstan Respýblıkasynyń eńbek sińirgen qaıratkeri: – Qazaqstannyń BUU Qaýipsizdik Keńesine ýaqytsha múshe bolýy táýelsiz elimiz jetken tarıhı tabys. Halyqaralyq deńgeıde Qazaq­stan­nyń saıası oıynshyǵa aınalýynyń dáleli dep bilemin. Bul dárejege Qazaq­stan Nursultan Ábishuly Nazar­baevtyń arqasynda qol jet­kizip otyr. Elbasynyń qazaq passıo­nar­lyǵynyń sımvoly ekenine taǵy da kózimiz jetti. Dárejan О́MIRBAEV, kınorejısser, kınotanýshy, Qazaqstannyń «Qurmet», Fransııanyń «Ádebıet jáne óner» ordenderiniń ıegeri: – Qazaqstannyń BUU Qaýip­siz­dik Keńesine múshe bolyp saı­lanýy bizdiń barlyǵymyz úshin táýelsiz elimizdiń úlken jetis­tigi, memlektimizdiń el bolyp qalyp­tas­qandyǵynyń taǵy bir belgisi bolyp tabylady. Me­niń oıymsha, mundaı jetistikke je­týimizge óner men ǵylym sala­syn­­daǵy, sonyń ishinde – kıno ónerin­degi bizdiń fılm­derimizdiń halyq­aralyq festıval­dardaǵy alǵan júldeleri de sebepker boldy dep oılaımyn. Sultanáli BALǴABAEV, jazýshy-dramatýrg, Qazaqstan Respýblıkasynyń eńbek sińirgen qaıratkeri: – Qazaqstan Respýblıkasy táýelsizdik alǵannan bergi ýaqyt­ta búkil álem tanyǵan, moıyndaǵan eń aldyńǵy qatarly memleket­ter­diń birine aınaldy. Bul Qa­zaq­stan Respýblıkasynyń Tuń­ǵysh Prezıdenti, Elbasy N.Á.Nazarbaev­tyń Memleket basshy­sy retinde tún uıqysyn tórt bólip, tynbaı júrgizip kele jatqan qa­jyr­ly eńbeginiń nátıjesi ekendigi anyq. Mine, Elbasynyń osyndaı abyroı­ly bedeliniń nátıjesine eli­miz taǵy bir asa mańyzdy tarıhı jeńiske jetti. Qazaqstan Res­pýb­­lıkasy BUU-nyń Qaýipsizdik Keńe­sine turaqty emes múshe bolyp saı­lanýy – sonyń aıǵaǵy. Osyǵan oraı, aldaǵy ýaqytta Qazaq­stan búkil álemdik deńgeıde talqyǵa túsetin máseleler jóninde sheshim qabyl­daýǵa naqty yqpal jasaı alatyn deńgeıge kóterilip otyr. Bul Qazaq eli ǵana emes, jalpy búkil Orta­lyq Azııa memleketteriniń tun­ǵysh ret qol jetkizgen saıası jeńisi ekendigi anyq. ALMATY