Qadir túninde – tegin avtobýs

Ońtústikti – Qalaǵań, Qal­taı aǵamyz «ulysymyzdyń uıyt­qysy» degen. Rasynda, Qazaqstan degen alyp memleketimizdi Ońtús­tik Qazaqstan oblysynsyz kózge elestetý múmkin emes. Kıiz týyl­dyryqty qazaqty óz aldyna jeke, myqty memleket etemin dep at ústinen túspegen qasqalar men jaısańdar Túrkistan tórinde máń­gi damyldap jatyr. Ulystyń uıytqysyna ar­nalǵan óńirde saýapty tirlikter kóp. Sonyń birin jolaýshylardy tasymaldaıtyn qoǵamdyq kólikterdiń ujymy qolǵa aldy. Jekemenshik «Green bus» serik­testigi oblys ımamdarymen kelisip, oraza aıynda jolaýshylardy tegin tasymaldap keledi. Qadir túninde de solaı boldy. «Ońtústikavtotrans» qaý­ym­dastyǵynyń prezıdenti Darhan Qaıypov: «Bárimiz de bir Allanyń úmbetimiz. Qaıyrymdy ister adamdardy ártúrli qaýip-qaterlerden saqtaıdy» deli­nedi hadıste. Bizdiń jigitter jaqsylyqty eseppen emes, bir Allanyń nyǵmeti úshin jasap jatyr. Búgingideı qymbatshylyq zamanda adamdardyń kóńil-kúıin kótergenge, dúnıede jaqsy adamdar kóp, olardyń bir-birine baýyr ekendigin uqtyrǵanǵa ne jetsin. Jeke­legen qoǵamdyq kólik bas­shylarynyń qaıyrymdylyq is-sharasyna basqalar da ún qosyp jatqandyǵy qýantady» – deıdi. Baqtııar TAIJAN, «Egemen Qazaqstan» Ońtústik Qazaqstan oblysy