«Jaýjúrek»

atyraýlyq aspaz EKSPO-2017 kórmesine osyndaı ulttyq taǵamdy usynady Inder aýdanynyń El­taı aýylynda turatyn Gúljan Shakımova uzaq jyldan beri aspazdyq mamandyq ıgergen. Dámi til úıirer taǵamnyń san alýanyn daıyn­daıtyn sheber endi 2017 jyly elimizde ótetin EKSPO kórmesine qatysýǵa múm­­kindik alyp otyr. Árı­ne, ha­lyqaralyq kór­meni ta­mashalaýshylar qa­tarynda emes, osyǵan oraı elimizge keletin shet­­eldik qonaqtarǵa arnaıy «Jaýjúrek» dep atalatyn ulttyq taǵamdy ázirlep beredi. Ol mundaı múmkin­dikke qalaı qol jet­kiz­di? Aspaz­dyń piki­rin­she, buǵan deıin EKSPO-2017 kórmesine as ázirleýshilerdiń res­pýb­lıka­lyq konkýrsyna qatysypty. Son­da baq synaǵan 300 tań­daýly aspazdyń arasynan júldeli orynǵa ıe bolypty. Osylaısha, en­di ol qazaqtyń ult­tyq ta­ǵamynyń biri – «jaý­jú­rekti» EKSPO-2017 kór­mesine usy­ný quqyǵyn ıelenipti. – Bul taǵam sıyrdyń júreginen daıyndalady. Halqymyzdyń dástúri bo­ıynsha ertede analarymyz uldaryna jaýǵa attanar aldynda rýhyn kóterý úshin osy as­­ty daıyndap bergen ǵoı. Oǵan sábiz, kúrish, túrli dámdeýishter men bu­rysh qosamyn. Qı­ıa­r men qyzanaqty taǵam­dy ádemileý maqsa­tynda qol­­danamyn. «Jaý­jú­rek» boıǵa sińimdi, kúsh-qýat beretin kalorııaly taǵam túrine jatady, –deıdi as­paz Gúljan Shakımova. Joldasbek ShО́PEǴUL, «Egemen Qazaqstan» Atyraý oblysy.