Hat qorjyn

Oqyrman ...qoldaý kórsetedi Bul – rýhanııatymyzǵa degen janashyrlyq Kásipkerlikke erekshe qol­daý men qamqorlyq jasalyp jatqan qazirgi kezeńde biz de maqsatty sharýany qolǵa al­ǵan jaıymyz bar. Elimizdiń áleýmettik-ekonomıkalyq ál-aýqatynyń damýyna, ósip-ór­kendeýine óz úlesimizdi qo­sýdy azamattyq paryzymyz sanaımyz. Kúni keshe ǵana «DamýTransServıs» jaýap­kershiligi shekteýli seriktestigin qurdyq. Mekememiz táı-táı basyp aıaqtan turyp keledi. Basty mindet – halyqty aýyl sharýashylyǵy ónimderimen qamtamasyz etý. Bıyl serik­testigimizde ázirge onshaq­ty adam jumys isteıdi. Bar­lyǵy der­lik ulttyq rýhanııaty­myz­dyń janashyrlary. Elimiz ómirindegi aıtýly oqıǵa – Táýelsizdigimizdiń 25 jyl­dyǵyn atap óter kún de jaqyn qaldy. Osynaý ulyq mereıtoıymyzǵa arnap biz de ózimizdiń qolymyzdan kelgenshe tartýymyzdy ázirledik. Qazaqstan musylmandary dinı basqarmasy janyndaǵy «Zeket» korporatıvtik qory arqy­ly Talǵar aýdanynyń Nura aýy­­lynda turatyn jaǵdaıy nashar kóp balaly otbasyǵa baspana salý sharasyna ma­terıaldyq kómek kórsettik. Baspasózge jazylý naýqany jyl boıy júrgiziletini belgili. Osy rette ózimiz erekshe qa­dir tutatyn ulttyq basylymymyz, maqtanyshymyz, rýhanı azyǵymyz «Egemen Qazaqstan» gazetine qoldaý jasaǵymyz keldi. Mekememiz ornalasqan Almaty oblysynyń Qarasaı aýdanyna qarasty Jambyl aýyldyq okrýginde turatyn 10 zeınetker men jaǵdaıy tómen otbasylardy «Egemen Qazaqstanǵa» óz esebimizden jazdyrýdy uıǵardyq. Endi olar 2016 jyldyń ekinshi jarty jylynda – alty aı boıy «Ege­men Qazaqstan» gazetin turaqty alyp turatyn boldy. Ulttyq basylymdar arasynda biz úshin ózimizdiń baısaldy da baıypty «Egemenimizdiń» orny qashan da bólek, qashan da bıik.  Muratjan ShAIYQ,  «DamýTransServıs» JShS dırektory  Almaty oblysy ...jańalyǵyn jetkizedi Jańa polıgon ashyldy Beıbereketsiz laqtyrylǵan kúl-qoqystar men turmystyq qaldyqtar ári bulardyń ja­ǵym­syz ıisteri aýaǵa tarap, qol­qany qabatyny ras. Osyn­daı jaıttardy joıý úshin aýyl turǵyndarymen aqyldasa otyryp, kúl-qoqys tógetin polıgon ashýdy jón kórdik. Sóıtip, Darııan aýylynan júretin tas jol boıynan eki shaqyrym qa­shyqtyqta ornalasqan bu­rynǵy eski kúl-qoqys ornyn bitep japtyq. Munyń ornyna jańa polıgondy Ozernyı aýylyndaǵy burylystyń arǵy jaǵyndaǵy jeti shaqyrym jerden jasaq­tadyq. Elimizdegi kez kelgen aýyl­dyń ishi-syrty muntazdaı taza bolǵanyna ne jetsin?! Osy oraıda aýyl tóńireginen alys­taý jerden kúl-qoqysqa arnalǵan jańa oryndy ashý uıǵarylyp, onyń oıdaǵydaı aıaqtalǵanyna turǵyndardyń bári de túsinistikpen qarap otyr. Endi halyq qoqys tastaýdyń mádenıetine daǵdylanyp, munyń qajettiligin tereńirek uǵyna túsedi dep oılaımyz. Sózdiń reti kelgende aıta keteıik, zańsyz túrde tur­mystyq qaldyqtar tastaǵan turǵyndarǵa aıyppul salynady.  Bolat ERBOLATOV, Darııan aýyldyq okrýginiń ákimi  Batys Qazaqstan oblysy, Zelenov aýdany ...úlgi tutady Kitap oqıtyn aýyl Sońǵy kezderi kitap oqý qalyp barady degendi jıi estımiz. Biraq bul Móńke bı aýylynyń turǵyndary týraly emes. О́ıtkeni, aýyl­da­ǵy jańa modeldi kitap­hana turǵyndardyń rýhanı serigi bolyp otyr. Kitap­hana meńgerýshisi Balhııa Juma­baevanyń aıtýynsha, 1400-ge jýyq kitap qory bar. Tórt júz­diń ústindegi turaqty oqyr­­­mannan basqa mektep oqýshylary da qajetti kórkem shyǵarmalardy izdep keledi eken. «Rýhanı álemniń kósh­basshysy – kitap», «Álem ta­nyǵan Qazaqstan», «Ulylar ulaǵaty», «Oqıtyn ólke» jáne basqa túrli aksııalar, kórmeler uıymdastyrylady. Aqyn-jazýshylardyń shyǵar­malaryna arnalǵan is-shara­larǵa oqyrmandar shyn nıet­terimen qatysady. Al kitaphana meńgerýshisi, kóp balaly ana Balhııa Jumabaeva 2010 jyly aýdannyń «Jyl adamy» ataǵyn alǵan. Aýdan ákimi janyndaǵy áıelder isteri jáne otbasylyq-demografııalyq saıa­sat jónindegi komıssııanyń belsendi múshesi.  Berdibaı KEMAL  Aqtóbe oblysy ...súısinisin bildiredi Alakólde demalǵanǵa ne jetsin! Ár ólkeniń jaquttaı mól­diregen ózen, kólderi, tabıǵat ana syılaǵan qasıetti jerleri kóp-aq. Sonyń biri – Shyǵys Qazaqstan oblysy Qabanbaı aýylynda ornalasqan tuzdy kóldiń biri – Alakól. Kezinde ata-babalarymyz jaý qolynan jaralanǵanda sol kóldiń shıpasy tıgen eken. О́ıtkeni, tuzdy sý barlyq jarany jazatyn qasıeti bar, al balshyǵy aıaq qaqsaý, teri aýrýlaryna paıdaly desedi. Kógildir kól demalýǵa barǵan jannyń janyn jadyratatyny sózsiz. Qazir elimizde týrıstik salaǵa basym baǵyt berip otyr. Ha­lyqtyń ál-aýqatyn jaq­sartý, elimizdiń órkendep ósý jolynda bıznestiń «Jol kartasy-2020», «Nurly Jol» baǵdarlamalary shaǵyn jáne orta kásipkerlikti damytýǵa arnalǵan. Osy shıpajaıdyń jol jaǵdaıy azdap qıyndyq týǵyzyp otyrǵany ras. Shal­ǵaı jatqan aýylǵa júretin poıyzdyń, tikeleı ushaqtyń joqtyǵy qolbaılaý bolyp otyr. Avtobýspen qatynaıtyn joldardyń jaǵdaıy burynǵyǵa qaraǵanda edáýir jaqsarǵan, jóndeý jumystary júrgizilip keledi. Alakólge 100 shaqyrym jerde «Barlyq Arasan» atty demalys aımaǵy bar. Demalýǵa kelgen týrısterdi ol ólkeniń tabıǵaty baýrap alary anyq. Onda kózdi aınadaı ashatyn bulaq sýy, asqazan aýrýyn jazatyn shıpaly sý da bar jáne kelýshiler jerdiń astynda qaınap shyǵyp jatqan ystyq sýmen de emdele alady. Tabıǵat ana bergen osyndaı maqtan tutar kıeli jerler Qazaqstannyń ár óńirinde bar. Shetel asyp eldiń qańsyǵyn kórgenshe, óz elimizdiń tańsyǵyna barǵanǵa ne jetsin! Aıman MUQYShOVA Shyǵys Qazaqstan oblysy