Astanada shaǵyn fýtboldan jýrnalıster týrnıri ótti

[caption id="attachment_49851" align="aligncenter" width="700"] Foto: facebook áleýmettik jelisi[/caption] Astanada shaǵyn fýtboldan buqaralyq aqparat quraldarynyń ókilderi arasynda belgili jazýshy, pýblısıst Seıdahmet Berdiqulovty eske alýǵa arnalǵan respýblıkalyq týrnır ótti. Týrnırdiń ashylý saltanatynda Mádenıet jáne sport mınıstrligi Sport jáne denetárbıesi komıtetiniń tóraǵasy Elsııar Qanaǵatov pen Parlamet Májilisiniń depýtaty Saýytbek Abdrahmanov sóz sóılep, Seıdaǵańdy eske alýǵa arnalǵan týrnır men jazýshynyń sport jýrnalıstıkasynda qaldyrǵan iziniń  máni men mańyzyn aıtyp, komandalarǵa sáttilik tiledi. Bıylǵy týrnırge 19 komanda qatysty. Jýrnalısterdiń dodasy tańerteńnen keshke deıin kúni boıy ótti. Onda tórt topqa bólingen komandalar aldymen óz toptarynda bir-birimen kezedsip, sodan keıin ár toptan alǵashqy eki oryndy ıelengen jasaqtar shırek fınalda kezdesti. Sońynda fınalǵa «Habar-Almaty» men Almaty quramasy shyqty.  Bul kezdesýde "habarlyqtar" qarsylastaryn utyp, alǵash ret týrnırdiń jeńimpaz atandy. Ekinshi oryndy Almaty quramasy ıelense, úshinshi orynǵa Ońtústik Qazaqstan jýrnalısterinen jasaqtalǵan komanda ıe boldy. OQO komandasy osymen úshinshi ret qatarynan týrnırdiń qola júldegeri atanyp otyr. Dastan KENJALIN [caption id="attachment_49853" align="aligncenter" width="700"] Foto: inform.kz[/caption]   [caption id="attachment_49852" align="aligncenter" width="700"] Foto: inform.kz[/caption]