Bıyl 1 600-dan asa áskerı qyzmetshi páter alady

[caption id="attachment_50103" align="aligncenter" width="700"] mod.gov.kz/kaz/press-centr/novosti/?cid=0&rid=2656[/caption] Osy jyldyń sońyna deıin áskerı qyzmetshiler kúrdeli qurylys, kúrdeli jóndeý jáne baspana satyp alý arqyly 1 639 pátermen qamtamasyz etiledi. Bıyl Astana qalasynyń mańyndaǵy Qyrqynshy stansada, Aqtaý, Semeı, Almaty qalalary, B.Momyshuly, Saryózek, Arnasaı kentteri men qala tıptes Gvardeısk poselkasynda turatyn áskerı qyzmetshiler 1 468 páter alady. Olarǵa baspana kúrdeli qurylys jasalǵan soń tapsyrylady. Sonymen birge kúrdeli jóndeýden keıin Aıagóz qalasynda 80 jáne 60 páterli eki turǵyn úı jáne Úsharal qalasynda 19 páterli jataqhana beriledi. Almaty qalasynda jalpy aýdany 700 sharshy metrlik 12 páterdi paıdalanýǵa berý josparlanýda.  Bul úıler áskerılerge satylady. Jalpy alǵanda, búgingi tańda Qorǵanys mınıstrliginiń balansynda 19,7 myń páter bar. Baspanamen qamtamasyz etilgenge deıin áskerı qyzmetshilerge turǵyn úıdi jalǵa alǵany úshin ústemaqy tólenedi. Osy maqsatta respýblıkalyq bıýdjetten jyl saıyn aqshalaı qarajat bólinedi. Dastan KENJALIN