Uly Dalaǵa nuryn shashqan

Qazaqstan Respýblıka­sy­nyń Prezıdenti Nursultan Nazarbaev Táýel­sizdiktiń alǵash­qy jyldarynan bastap-aq, Máńgilik El ornatýdyń amaldaryn júzege asyryp keledi. Sonyń biri – astanany Arqaǵa kóshirý. Qyzyǵynan qıyndyǵy kóp sol kezderi bas qalany kóshirý ol kezde aqylǵa da syıa bermeıtin, qııalǵa da kelmeıtin teńdesi joq erlik edi. Astana búginde Otany­myzdyń ortalyǵyna orna­lasqan temirqazyq jul­dyzyna, jańarǵan Qazaq eliniń injý-marjanyna, qasıetti boıtumaryna, ulan-baıtaq dalamyzǵa qan júgir­tetin, jan bitiretin kúre­tamyryna, el súısinetin ıgi­lik mekenine aınaldy. Astanasyna qarap elin tanıdy. Uly dalada óte qys­qa merzimde buryn-sońdy bol­maǵan bútindeı jańa memleket ornady. Memlekettiliktiń, el basqarýdyń ózindik jańa qazaq­standyq mek­tebi qalyp­tasty. Jas ta, jasa­mys ta anyq biletin aqıqat osy. Uly Dalada Máńgilik El or­natý ıdeıasy búgin ǵana týa qal­ǵan joq, ol – yqylym zaman­dar­dan beri, el ornap, bılik paı­da bol­ǵaly beri jalǵasyn úzbeı kele jatqan álemdik quby­lys. Ol – arman, tatýlyǵy, bereke-bir­ligi ja­ras­qan máńgi el ornatýdyń ıdeıa­­sy. Qytaılar ózin Aspanasty eli­miz deıdi, ıaǵnı aspan asty, jer ústi elimiz dep otyr, Japondar óz­derin Kúnshyǵys elimiz deıdi, biz – Uly Dala elimiz. Kez kelgen memleketti da­my­­ta­tyn, halyqty armanyna jeteleıtin kúsh – ıdeıa, ıdeologııa. Ideologııa degenimiz – sol eldiń baǵdarshamy, adastyrmaıtyn kompasy. Máńgilik El – ómirsheń ıdeıa. Osyndaı el ornatý úshin aldymen jerdiń tutastyǵy, eldiń yntymaǵy kerek, ata tarıhyn urpaq sanasyna sińirý kerek, Uly Dalanyń tarıhyn sol Uly Dalanyń uly tulǵalarynan alyp jazý kerek. Táýelsizdiktiń 25 jyldyq mereıli jylynda, ıaǵnı bıylǵy 26 sáýirde ótken QHA-nyń kezekti HHIV sessııasynyń qory­­ty­n­dysy boıynsha «Máń­gilik El» Patrıottyq aktisi qabyl­dandy. Máńgilik Eldiń ózeginde qarapaıym árqaı­symyz úshin eń qymbat aqıqat­tar – otbasymyzdyń aman­dyǵy, qonaqjaılylyq jáne eńbek­súıgishtik, turaqtylyq, qaýip­sizdik, birlik, erteńgi kúnge degen senim uǵymdary ornyqqan. Biz Máńgilik Eldiń myzǵy­mas jeti tuǵyry: bul – Táýelsizdik jáne Astana; bul – jalpyulttyq birlik, beıbitshilik pen kelisim; bul – Zaıyrly memleket jáne joǵary rýhanııat; bul – ınnovasııa negizindegi turaqty ekonomıkalyq ósim; bul – jalpyǵa Ortaq Eńbek Qoǵamy; bul – tarıhtyń, mádenıet pen tildiń ortaqtyǵy; bul – ulttyq qaýipsizdik jáne Qazaq­stannyń jalpyálemdik jáne óńirlik problemalardy sheshý­ge jahandyq turǵydan qatysýy. Mine, bul – bizdiń ǵasyrlar tereńi­nen tamyr tartqan ómiri­miz, armanymyz, eńbegimiz, maq­­sa­tymyz. Máńgilik El bir kúnde ornaı qalmaıdy. Ol naý­qan­shy­lyqpen, jarlyqpen, buıryqpen ornamaıdy, ǵasyr­lar boıy qalyp­tasady. Sol sebepti, Máńgi­lik El ıdeıasyn ótkinshi naýqanǵa aınaldyrmaý kerek. Bul ıdeıany ulttyń dúnıetanymyna, sanasyna sińirý kerek. О́ıtkeni, ol – tereń tolǵanatyn, uǵyna biletin, oqý­men keletin uly qubylys. Osylaısha elimizdiń jańa ta­rı­hyn jazýdyń zor jaýap­ker­shi­ligi bizdiń úlesimizge tıgenin, shyn máninde, rııasyz kóńilden maq­tanysh etýge tıispiz. Alýan ult ókilderi bir el, bir taǵdyr jo­lynda ámanda birge bolýy kerek. Tarıhtyń buıryǵy, ata-babalarymyzdyń amanaty bul. Memleketimizge qorǵan bolyp, eńbeksúıgishtikke tolaıym bet bu­ryp, alǵa basýǵa tıispiz. Ot­tan da ystyq Otanymyzdy, Táýel­­siz­digimizdi kózdiń qara­shy­­­ǵyn­­­daı saqtap, qorǵaýǵa min­det­ti­miz. Baqyttyń buıyrýy degen sol. Borıs HOROShKIN, eńbek ardageri, «Radýga» slavıan mádenı birlestiginiń múshesi Batys Qazaqstan oblysy, Aqjaıyq aýdany