Teńizdegi ómir

Osydan úsh jyl buryn Almatyda Qazaqstan teńiz floty úshin álemdik deńgeıdegi kásibı mamandar daıarlaýǵa ruqsat retinde úsh ret qatarynan dástúrli keme qońyraýy soǵylǵan-dy. Osylaısha Qazaqstan teńiz akademııasy (QTA) tusaýyn kesip, akademııa kadetteri  qazaqtyń óndirdeı ul-qyzdary ekenin kórgenbiz. Jaqynda Qazaqstan teńiz akade­mııa­synyń alǵashqy túlekterine dıplom tapsyrý saltanaty kelip jetti. Ońtústik shaharda 4 jyldyq oqý baǵdarlamasyn támamdap, bakalavr dárejesin alǵan alǵashqy 16 kadet osylaısha teńizdegi kásibı qyzmetine kóshedi. QTA 2012 jyly Qazaqstan Res­­pýblıkasy Prezıdentiniń tap­­­syrmasy boıynsha teńizdegi mu­naı-gaz ken alańdaryn ıgerýdi qoldaý jáne dástúrli munaı-gaz sektorynan tys Qazaqstan azamattaryn jumyspen qamtý maqsatynda qurylǵany aıan. Sol kezde QTA «Teńizshevroıl» JShS-niń tikeleı qoldaýymen qurylyp, oǵan Qazaq-Brıtan teh­nıkalyq ýnıversıteti (QBTÝ) serik­tes boldy. Qazaqstan teńiz akade­mııasynyń halyqaralyq se­rik­testigine teńiz bilimi sala­syn­daǵy konglomerat – STC-Group (Nı­derland) kompanııasy sha­qyryldy. «Shevron Shıppıng» kom­panııasy kadetterdiń halyq­aralyq deńgeıdegi zamanaýı kemelerde tájirıbeden ótýine kásibı turǵyda qoldaý kór­setip, tájirıbe sabaqtaryn uıym­dastyrdy. Sondaı-aq, akademııanyń alty túlegin stajer retinde qa­byldady. – «Teńizshevroıl» kásiporny atynan akademııa túlekterin oqýdy bi­tirýimen quttyqtaımyn! О́z boı­laryndaǵy maqsatkerliktiń, el Úkimeti men seriktesterimizdiń qoldaýy arqasynda sizder teńiz tasymaly salasynda halyqaralyq turǵyda moıyndalǵan qazaq­standyq maman bolasyzdar, – dedi TShO bas dırektorynyń mindetin atqarýshy Imer Bonner. Akademııa Norvegııanyń Kongsberg Maritime kompanııasy shyǵarǵan eń ozyq navıgasııalyq júıesimen jáne aıryqsha jaǵ­daı­lardy uqsatý úshin paıdalany­latyn quraldarmen jab­dyqtalǵan. QTA-nyń aýqymdy jáne yntalandyratyn oqý úderisi aǵylshyn tilinde júrgiziledi. Akademııa túlekteri qazaq­standyq jáne sheteldik kemelerde álemniń ár túkpirinde jumys jasaı alatyn joǵary bilikti mamandar tobyn quraıtyn bolady. Qazirgi ýaqytta 84 kadet Qazaq­stan teńiz akademııasynda bilim alýda. QTA kadeti Araılym Be­kova: «QTA men úshin jańa ómir ashty, ol – teńiz ómiri», – dedi. TShO Investısııalar jáne damý mınıstrligine teńizshilerdi daıarlaý, attestattaýdan ótkizý jáne vahtalyq ádisti engizý týraly Halyqaralyq konvensııa talaptary men sharttaryna saı ekendigin dáleldeý sharalary boıynsha kómek berýdi jalǵastyryp keledi. Bul Qazaqstan teńizshilerine Qazaq­stannyń aýmaqtyq sýlary­nan tys saparlarǵa da shyǵýǵa múmkindik beredi. Aınash ESALI, «Egemen Qazaqstan» ALMATY