Ýltramarafonshy Dın Karnazes

  525 shaqyrymdy júgirip ótti Qazaq kelgen qonaǵyn: «Dám aıdap kelip qalypsyz», dep qarsy alyp jatady ǵoı. Sondaı jandardyń biri – amerıkalyq júırik Dın Kar­nazes 10 shilde kúni Uly Jibek joly boıymen Tashkentten Bishkek arqyly Almatyǵa jeldeı esip júgirip jetti. Onyń 525 shaqyrymdyq ýl­tra­marofonnyń sońǵy 25 sha­qyrymyna shyn júırikti kórip, delebeleri qozǵan Al­maty turǵyndary da qo­sylyp, qoshemettep ketti. Ýltra degen sózdiń ma­ǵynasy sandyq, sapalyq belgileri boıynsha artyq, shekten tys degen maǵynany bildirse, Dın Karnazes shyn júırik ekenin jalpaq jurtqa moıyndatyp qoıǵan. Ol 2005 jyly 560 shaqyrymdy 80 saǵat 44 mınýtta uıyqtamaı júgirip ótken. Dedektep zyr júgirýden qandaı lázzat al­dy? Ony qas júırik óziniń: «Túni boıy kóz ilmeı júgir­gen júıriktiń qupııasy» degen kitabynda egjeı-tegjeıli jazady. Onyń taǵdyryna júgirý áý bastan-aq jazylyp qoıylǵan sekildi. Balabaqshadan úıine kekili jelkildep qas pen kóz­diń arasynda jetip keletin. Eseıe kele kún-tún tynbaı júgiretin ádet tapqan. 3-synypta balalar arasyndaǵy júgirýdi uıymdastyryp, 11 jasynda Amerıkanyń Ýıtın taýyna shyqqan. Alǵa qoıǵan muraty men talaby zor jelaıaqqa jaqsy ustaz jolyǵady. Djek Mak Tevısh onyń boıyndaǵy tań­ǵajaıyp talanttyń ashy­­­lýyna túrtki boldy. «Jú­girýge júregińmen be­ril!». Us­tazynyń osy sózi 54 jas­taǵy sportshyǵa dál qazir aıtylyp turǵandaı se­ziledi. 2006 jyly «50 kún. 50 shtat. 50 marafon» jobasy Dın Karnazestiń atyn álemge tanytty. Ol týraly kórkem fılm túsirildi. Osy aqparattardy 10 shil­­de kúni Turan ýnı­­ver­sıtetindegi kezdesýde sóz­derine ázil aralastyra oty­ryp jınalǵandarǵa aıtyp berdi. Týmysynan ázilqoı Dın: «Sizdiń áıelińiz de júgire me?» degen saýalǵa: «Júgiredi, bi­raq qatty qo­ryqqan kezde», degen jaýabyna zaldaǵylar dý qol shapalaqtaýmen jaýap qat­ty. Aıta keteıik, osy sharany uıymdastyrǵan AQSh-tyń Almaty qalasyndaǵy konsýldyǵy barlyq istiń tııa­naqty atqarylýyna úlken úles qosty. Mundaı kópke úlgili, unamdy óner ıesi óz ma­man­dyǵy boıynsha da tabys­ty eńbek etedi. О́zi negizin qalaǵan taza tamaq ónimderin satatyn kompanııasy, muz­datylǵan ıogýrttyń túr-tú­rin satatyn úlken dúkeni bar eken. Nesi bar, bári de izdenis pen eńbeginiń, taǵdyr bergen baǵynyń jemisi der edik! Jánibek QOITAI, QazUÝ-dyń 2-kýrs stýdenti ALMATY