[caption id="attachment_50868" align="aligncenter" width="700"]
absoluttv.ru[/caption]
Jaqynda bir aı boıy Fransııada ótken fýtbol toıy da máresine jetti. «Toıdyń bolǵanynan boladysy qyzyq» demekshi, fýtbol jankúıerleri osy teńbil dop dodasyn asyǵa kútti. Endi, mine biz asyǵa kútken Eýropa chempıonaty kózdi ashyp jumǵansha ilezde óte shyqty. Bıylǵy chempıonatqa 24 eldiń ulttyq qurama komandalary qatysty. Sonyń ishinde jarysqa Ýels, Soltústik Irlandııa, Slovakııa, Albanııa, Islandııa quramalary alǵash ret qatysyp, baq synasty. Al chempıonattyń qyzyqty-qyzyqsyz ótkeni týraly kóp aıtýǵa bolady. Toptyq týrnırde goldar az soǵylsa, pleı-off kezeńinde komandalar shırap, qyzyqty da tartysty oıyndar kórsete bastady. Biz chempıonattyń qalaı ótkeni týraly belgili sport jýrnalısterinen surap, birneshe suraq qoıǵan edik. Endi sony nazarlaryńyzǵa usynamyz.
1. Bıylǵy Eýropa chempıonatynan qandaı áser aldyńyz? Kóńildegideı ótti me?
2.Eýropa chempıony ataǵyna qaı komanda laıyq edi? Portýgalııanyń oıyny týraly aıtyp berseńiz.
3.Eýro dodasynda 24 komanda bolǵan durys pa, 16 ma? Chempıonattyń úzdik oıynshysy dep kimdi aıtar edińiz?
4.Eýropa chempıonatynyń sımvolıkalyq quramasyn aıtyp beresiz be?
[caption id="attachment_50869" align="aligncenter" width="374"]
facebook.com[/caption]
Nurǵazy SASAEV, sportsffa.kz saraptamalyq portalynyń redaktory
1.Bıylǵy Eýropa chempıonatynda kóńilden shyǵatyn da, shyqpaıtyn da oıyndar boldy. Áıtse de, tamasha taktıkalyq oıyn úlgilerin kórdik. «Zamanyń túlki bolsa, tazy bolyp shal» degendeı, azýly qarsylastarynan aılasyn asyryp, ujymdyq oıyn úlgisin kórsetken quramalardyń oıyndaryna tánti boldyq. Árıne, jekeleı juldyzdaryna senim artqan komandalar da boldy. Eń bastysy, ózimizge úlgi tutýǵa bolatyn ulttyq quramalardy, olardyń jankeshtilikteri men aýyzbirlikterin teleekran arqyly bolsa da, kózben kórdik. Islandııa men Ýelstiń qaısar jigitterine qarap súısindik. Fýtbolshylary men jankúıerleri arasyndaǵy syı-qurmetke qyzyǵa qarap, rýhanı lázzat aldyq. «Qash-shan, biz de osylaı qýanyshqa bólener ekenbiz» dep tamsandyq ta. Bárinen de osy (sońǵysy) basymyraq boldy...
2.Eýropa chempıonatyna laıyq qurama kóp edi. Biraq «baq shabama, bap shaba ma» degendeı, solardyń arasynda bolmasa da, bıyl Portýgalııanyń asyǵy alshysynan tústi. Bálkim, chempıondyq oıyn úlgisin kórsetpedi deıtinder bolar. Tolyq kelisemin. Biraq qazaqta «júgirgen almaıdy, buıyrǵan alady» degen de mátel bar. Iá, olar óz tobynan áýpirimmen shyqty. Odan keıin kil myqtylarmen fınalǵa deıin joly túıisken joq. Bul da baǵynyń janyp, aıynyń ońynan týǵanyn bildiredi. Sporttyq baptaryna Eýrododa barysynda kelip, fınalǵa kóp sharshamaı, shaldyqpaı jetti... Bir qyzyǵy, bıylǵy Eýropa chempıonatynda qazaqy "múshel jas" boldy. Bul úrdis sonaý 1992 jyldan bastalǵan. Qazaq eli egemendigin alǵannan beri deıikshi. Iаǵnı, 12 jyl saıyn Eýro dodasynda qurlyq chempıony bolyp kórmegen qurama top jaryp júr. Atap aıtqanda, 1992 jyly eshkim múlde oılamaǵan Danııa chempıon boldy. Týra 12 jyldan keıin, ıaǵnı 2004 jyly taǵy da eshkim kútpegen Grekııanyń juldyzy jandy. Taǵy bir "múshel jas"... 2016 jyl... Horvatııa ma, álde Belgııa ma dep edik. Joq – Portýgalııa. Eısebıonyń arýaǵy qoldady ma, bıyl osy eldiń fýtbolshylarynyń baǵy jandy.
3.О́zi ÝEFA quramynda 55 memleket qana bar. Sonyń jartysynan astamy fınaldyq kezeńde oınady. Bul tym artyqtaý, árıne. 1984 jáne 1988 jylǵy Eýropa chempıonattary qandaı edi?! Fınaldyq kezeńde saıdyń tasyndaı iriktelgen segiz qurama ǵana oınaıtyn. Árbir oıyny fınal ispetti bolatyn. Ol kezde álem chempıonatynyń deńgeıi de “Kártamys ǵalam” birinshiliginiń janynda jip ese almaı qalatyn. 1996 jyldan bastap, fınalda 16 qurama oınaıtyn boldy. Bıyldan bastap – 24 komanda. Sáni ketip bara jatqandaı... Bıylǵy chempıonattyń úzdik oıynshysy Antýan Grızmann dep oılaımyn. Goldy da bárinen kóp soqty. Jartylaı fınalda Germanııa quramasynyń qaqpasyna eki dop soqqany – eren jetistik. Jalpy, ózimniń de boıym bıik bolmaǵandyqtan ba, fýtbol alańynda óz ónerine tórtkúl dúnıeni tánti qylyp júrgen shaǵyn deneli fýtbolshylardy jaqsy kóremin...
4.Bul endi naǵyz sımvolıkalyq qurama bola qoıar ma eken. Sebebi árqaısymyz ózimizge unaıtyn fýtbolshylardy ataımyz ǵoı. Ári súıikti fýtbolshylarymyzdyń barlyǵy derlik ujymdyq oıyn órnegin uıymdastyratyn jáne úılestiretin – jigitter. «Qara jumysty» atqaratyndar tys qalady. Osydan birneshe jyl buryn, qazir kommentator bolyp júrgen bir áriptesimiz aıtyp edi, «jas kezimde ózime unaıtyn oıynshylardan sımvolıkalyq qurama jasataıtynmyn, keıin sol jazǵandarymdy oqysam, bári de shabýylshy eken, tipti qaqpashy da joq bolyp shyqty» dep. Sonyń keri bolmasa da, soǵan jeteqabyl bolǵaly tur-aý... Desek te, 4-3-3 jáne 4-5-1 sulbasynda oınaýǵa bolatyn ámbebap qurama “quradym” dep oılap otyrmyn, ózimshe: Býffon – Hektor, Kelını, Barsalı, Srna; Pogba, Remsı, Perıshıch; Grızmann, Beıl; Krıshtıaný Ronaldý.
[caption id="attachment_50871" align="aligncenter" width="500"]
facebook.com[/caption]
Ardaq TOǴYMOV, Mádenıet jáne sport mınıstrligi Sport jáne deneshynyqtyrý isteri komıteti Shtattaǵy ulttyq komandalar jáne sport rezervi dıreksııasynyń baspasóz hatshysy
1.Bastapqyda chempıonattaǵy oıyndar unamady. Shynyn aıtý kerek, kóp dop soǵylmaldy, ish pystyratyn oıyndar kóp boldy. Al pleı-off kezeńinen bastap komandalar ashyla bastady. Biraz sensasııaǵa toly matchtardy da kórdik. Jalpy, chempıonatqa kónilim toldy deımin.
2.Basynda Germanııa chempıon atanady dep boljam jasaǵan edim. О́kinishke qaraı, jartylaı fınalda olar alań ıelerinen jeńilip qaldy. Italııanyń oıyny unady. Sensasııa jasaǵan Islandııa men Ýelstiń oıyndaryna da bárimiz tań-tamasha boldyq. Al Portýgalııanyń armany joq. Toptan áreń degende shyǵyp, keıin qosymsha ýaqytta nemese penaltı serııasynda qarsylasyn jeńip, fınalǵa shyqty. Fınalda da solaı jeńiske jetti-aý... Olardyń eńbegi zor.
3.Árıne, 24 komanda óte kóp. Eýropa chempıonatynyń irikteý kezeńine ÝEFA-ǵa músheleri 54 eldiń komandasy qatyssa, sonyń teń jartysynan sál kóp komanda qurlyqtyq dodaǵa shyǵa beredi degen sóz ǵoı... 16 komanda - eń durys sheshim bolar edi. Tipti kezińde Eýro básekesinde 8 komanda ǵana oınaýshy edi. Úzdik oıynshy, meniń oıymsha ol – Pepe!
4.Qaqpashy – Rýı Patrısıý, qorǵaýshylar – Pepe, Kasılııanı, Drahsler, Pıke, jartylaı qorǵaýshylar – Renatý Sanchesh, Grızmann, Paıe, Shakırı, shabýylshylar – Ronaldý men Beıl.
[caption id="attachment_50873" align="aligncenter" width="500"]
facebook.com[/caption]
Sáken SYBANBAI, «Almaty aqshamy» gazetiniń jýrnalısi
1.Áserim jaqsy. Biraz qyzyqty oıyndar tamashaladyq, túrli dramalyq jaǵdaılardy kórdik, sensasııalar da jetkilikti boldy. Shyn jankúıerge budan artyq kóp nárse de keregi joq-aý. Ásirese Germanııa – Italııa (1:1), Germanııa – Fransııa (0:2), Vengrııa – Portýgalııa (3:3), Ýels – Belgııa (3:1), Fransııa – Islandııa (5:2) sekildi kóz qýantar oıyndardy erekshe atap óter edim. Unamaǵan tusy – pleı-off kezeńindegi keıbir nátıjeli oıyndar bolmasa, jalpy alǵanda, gol óte az soǵyldy. Burynǵy format boıynsha 31 matchta shamamen 75-80 gol qaqpaǵa soǵylsa, bıyl 51 kezdesýde sondaı mólshermen keminde 125 dop soǵylatyn shyǵar dep oılaǵanmyn. Sóıtip, Eýro tarıhyndaǵy 700-gol da Fransııa jasyl alańdarynda soǵylar dep kútken edim. О́kinishke qaraı, olaı bolmady. 24 komanda jabylyp júrip 108-aq gol soqty (orta eseppen ár oıynǵa 2,11 goldan keledi). Bul – Eýro tarıhyndaǵy eń tómengi kórsetkishterdiń biri (tek 1980 jáne 1996 jyldary ǵana budan da nashar nátıje tirkelgen).
2.Týrnır bastalmaı jatyp, eldiń aýzynan túspeıtin favorıtter bolady. Biraq solardyń keıbiri keıin doda barysynda el kútken údeden shyqpaı jatady. Sondyqtan aldyn ala ǵana emes, chempıonat barysynda óziniń altyn júldeni alýǵa laıyqtyǵyn oıynymen dáleldegen eki komandany aıtaıyn.
Birinshisi – Germanııa. Ortalyq shabýylshy pozısııasy bolmasa, basqa jaǵynan esh minsiz jasaqtalǵan komanda. Marıo Gomes jaraqattanyp qalmaǵanda, bul pozısııa úshin de asa alańdamaýǵa bolar edi. Jartylaı fınaldaǵy eń osal tus osy boldy. Áıtpese nemister gol soǵarlyqtaı urymtal sátterden kende bolǵan joq. Tek shyrq úıirilgen shabýyl quıynyna núkte qoıarlyq mergen tabylmady. Oıyn jaǵynan bárinen ozyq turdy. Dopty bulardaı sheber jetekteıtin komanda ilýde bireý shyǵar.
Ekinshisi – Italııa. Qorǵanysy berik, alǵa da, artqa da birdeı mán beretin, óte jyldam, ári kúsh-qýaty tasyǵan komanda. Toptaǵy Irlandııamen kezdesý bul esepke sanalmaıdy, óıtkeni, onda negizinen qosalqy quram oınady. Basqa matchtarynyń bárinde de maqsatty, jigerli qımylymen erekshelendi. Tek penaltıdi durystap tebe almaǵan oıynshylarynyń kesirinen zııan shekti. Áıtpese óte uıymshyl oıyn kórsetken Italııa, ásirese qolynan kelgeniniń bárin istegen Djanlýıdjı Býffon altyn júldege ábden laıyq edi.
Al Portýgalııaǵa kelsek, olardyń oıyny týraly túbegeıli tujyrym aıtý qıyn. Áıteýir beıtarap jankúıerdiń janyn rahatqa bóleıtin oıyn kórsete qoımaǵany anyq. Toptyq kezeńde óz deńgeıinen óte tómen oınady. Tek Vengrııamen kezdesýde, toptan shyǵa almaý qaýpi tóngende ǵana jantalasty. Pleı-offtyń bastapqy oıyndarynda da keremetteı kóz qýanta qoıǵan joq, ilinip-salynyp júrip jartylaı fınalǵa jetti. Ýelsti ǵana aıqyn basymdyqpen jeńdi. Al fınalda minez kórsetti. Alańda óte tyǵyz ornalasyp, Grızmann, Jırý, Paıetterdiń adymyn tusaı aldy, olardyń dopty erkin qabyldaýyna mursha bermedi. Jalpy sheshýshi kezeńge taıaǵan saıyn Portýgalııanyń qaqpashysy – myqty oınaı tústi, qorǵanysy – álgi vengrlermen «semserlesýden» soń, ishinara quramyn aýystyryp, saq ta saýatty qımyldady, ortańǵy sheptiń oıynyn órimdeı jas Renatý Sanchesh jandandyrdy, shabýylda bar senim Krıshtıaný Ronaldýdyń ózine artyldy. Oıyn jaǵynan chempıondyqqa qanshalyqty laıyq ekenin árkim ózi shamalar, biraq únemi kómbege qolsozym tusta súrinetin komandanyń, fýtbol tarıhyna Eısebıo, Fıgý sekildi tamasha uldaryn usynǵan eldiń, klýbtyq deńgeıde utpaǵany joq uly oıynshy Krıshtıaný Ronaldýdyń aqyry óıtip-búıtip altynǵa qol jetkizýinen pálendeı ádiletsizdik kórip turǵan joqpyn. Onyń ústine, Fransııa da fınalda chempıonǵa laıyq oıyn kórsetken joq.
3.Eýro-2016 dodasynyń jalpy alǵanda jaman ótpegenine qaramastan, men burynǵy 16 úzdik qana qatysatyn formatty qoldaımyn. ÝEFA-nyń 55 múshesi bar. 24 – solardyń jartysyna jýyǵy degen sóz. Fınaldyq týrnırge sonshama komandanyń qatysýy týrnırdiń jalpy deńgeıin álsirete me deımin. Ras, debıýtanttardyń eshqaısysy da masqaraǵa ushyraǵan joq, qaıta bári de ólispeı-berispes qaısar minez kórsetti, tistesip-shaınasty-aq. Islandııa men Ýels tipti jarty álemdi tań qaldyrdy. Biraq 24-tiń ishinen 8 álsizdi shyǵaryp tastaý úshin ǵana úsh apta áýre bop, 36 oıyn ótkizý ózin-ózi aqtaǵanyna senimsizbin. Odan da eń myqty 16 qurama qatysqany jón der edim. Sonda oıynnyń bári tartysty bolady, topta 3-oryn alǵan komanda jarysty jalǵastyrmaıdy. Biraq ol jaǵyn sheshetin biz emes qoı...
Men úshin chempıonattyń eń úzdik oıynshysy – Aaron Remzı. О́z basym onyń alań ortasyndaǵy oıly qımylyna, dopty komandalasyna bere salyp, lezde ashyla qoıatyn suńǵylalyǵyna, pasty seriginiń aıaǵyna óte yńǵaıly etip beretinine, sheshýshi (nátıjeli) pasty shyǵarý aldynda áriptesi ofsaıdta qalmaýy úshin qajetti paýza ustaı biletinine, dopsyz júrip-aq qaı qarsylasynan qaýip tónerin aldyn ala sezip, onyń jolyn bógeýge umtylatynyna keremet rıza boldym. Kim biledi, eger ol jartylaı fınalda alańǵa shyqqanda, bári basqasha bolar ma edi...
Degenmen, dúbirli dodanyń dúldúli – fınalısterdiń sapynan shyqqany jón shyǵar. Onda fransýz Antýan Grızmann men portýgaldyq Pepeni ataımyn. Birinshisi qashanda qaqpa aldyndaǵy qarbalas sáttiń dál ortasynan tabylatyn jankeshtiligimen, gol soǵar mezetti seze biletin mergendigimen tánti etti, búgingi ásiresaq fýtbolda 7 oıynda 6 gol soǵý – erlikke barabar is. Ekinshisi komandasynyń shabýyldaǵy oıyny júrmeı jatqanda, bar salmaqty ózine qabyldaǵan qorǵanys shebiniń qolbasshysy bola bildi.
4.Qaqpashy – Djanlýıdjı Býffon (Italııa). Qorǵaýshylar – Leonardo Bonýchchı (Italııa), Loran Koselnı (Fransııa), Pepe (Portýgalııa), Ionas Hektor (Germanııa). Jartylaı qorǵaýshylar – Aaron Remzı (Ýels), Tonı Kroos (Germanııa), Ivan Perıshıch (Horvatııa). Shabýylshylar – Krıshtıaný Ronaldý (Portýgalııa), Antýan Grızmann (Fransııa), Garet Beıl (Ýels).
[caption id="attachment_50874" align="aligncenter" width="500"]
facebook.com[/caption]
Eseı JEŃISULY, «Aıqyn» gazetiniń jýrnalısi, sport kommentatory
1.Maǵan unady. 24 komandanyń qatysýy, III oryn alǵan komandalardyń pleı-offqa shyǵýy kútpegen nátıjeler ákeldi. Jarys favorıtteriniń birinen keıin biri sypyrylyp jolda qalýy, esesine týrnırge tuńǵysh qatysqan 5 quramanyń tórteýi sheshýshi kezeńge shyǵýy, Islandııanyń Anglııany utýy, Ýelstiń qola júlde ıelenýi óte qyzyqty boldy. Jalpy álem fýtbolynyń baǵyt-baǵdaryn aıqyndap otyrǵan Eýropa qurlyǵynda quramalar deńgeıi teńesip qalǵanyna qýandym. Al Krıshtıaný Ronaldýdyń quramamen úlken tabysqa jetýi tipti keremet.
2.Meniń oıymsha, kórsetken oıyny jaǵynan qurlyq chempıony ataǵyna Italııa, Germanııa jáne Fransııa quramalary laıyq boldy. Italııa áýelden tastúıin oıyn kórsetse, Germanııa qyza shapty. Al Fransııa áýeli jeńiske zor jigermen jetip júrse, birte-birte naǵyz babyna keldi. Biraq myqtylar ǵana uta berse, eshbir sportta qyzyq qalmas edi. Sondyqtan jartylaı fınal men fınaldy óte jaqsy ótkizgen Portýgalııanyń chempıon atanýyna kúmánmen qaramaq emespin. Jigitter bir maqsatqa jumyldy, týrnırdiń barlyq múmkindigin sarqa paıdalandy. Jyldar ótken soń olardyń negizgi ýaqytta bir ǵana matchta utqany emes, chempıon atanǵany ǵana este qalady. Sondyqtan «qolynan kelip, qonyshynan basqan» Fernandý Santýsh shákirtterine shyn yqylaspen qol soǵamyn.
3.Meniń oıymsha, 16 úzdik bolǵany durys. Biraq sheshim qabyldanǵan eken, soǵan baǵynýǵa tıispiz. 24 úzdik sapyna tuńǵysh ret enip, aıdy aspanǵa shyǵarǵan Ýels, Islandııa, Soltústik Irlandııa, Slovakııa quramalarynyń syndy buzbaǵanyna da kóńilim toq. Qalaıda paıda túsirýdi kózdeıtin zaman ǵoı, sondyqtan ÝEFA-nyń bul sheshimi de biraz ýaqyt ómir súrýge tıis shyǵar. Menińshe, týrnırdiń úzdik fýtbolshysy – Garet Beıl. Bosaǵada jatqan quramany tórge súıregen er Beıldeı-aq bolar.
4.Býffon, Sedrık-Barsalı-Bonýchchı-Sevarsson, Gýnnarsson-Paıe-Grızmann-Beıl, Krıshtıaný Ronaldý.
[caption id="attachment_50875" align="aligncenter" width="420"]
facebook.com[/caption]
Rıshat TURǴANBAEV, «Jetisý» gazetiniń sport sholýshysy
1 – 2. О́te jaqsy əser aldym. Toptyq kezeńde biraz kóńil túsiretin kezeńder bolǵan. Artynsha tartysty oıyndardyń kýəsi boldyq. Portýgalııanyń oıyny aıtarlyqtaı keremet boldy deýge kelmeıdi. Tek qypshaqtarmen aradaǵy oıyn ǵana tartysty ótti.
3.Menińshe 24 komanda durys. Chempıonatqa jańa shyqqan Ýels, Vengrııa, Islandııa sekildi komandalarǵa múmkindik. Grızmann, Paıe, Pogbanyń oıyny unady.
4.Chempıonattyń sımvolıkalyq komandasy – Germanııa quramasy.
[caption id="attachment_50876" align="aligncenter" width="700"]
facebook.com[/caption]
Qanat BAZYLHAN, «Habar» telearnasynyń sport sholýshysy
1.Bul chempıonat tuńǵysh ret jańa júıe boıynsha ótip, qatysýshy quramalar sany da 24-ke artty. Qazir osy sheshim qanshalyqty ózin aqtady degen saýal tóńireginde pikirtalastar kóp. ÝEFA kóbirek paıda tabýdy oılap, óz maqsatyna jetti. Kóptegen álsiz quramalar múmkindik alyp, úlken synǵa aralasty. Sondyqtan Qazaqstan sekildi álsiz komandaǵa múmkindik týdy. Osy jaǵynan qýanýǵa bolady. Al, biraq fýtboldan anaý aıtqandaı keremet áser almadyq. Burynǵy júıe jaqsy edi. Birinen biri ótetin keremet oıyndar bolatyn.
2.Endi toptyq kezeńde birde-bir oıyndy uta almaı, negizgi ýaqytta tek jartylaı fınalda jeńiske jetken Portýgalııanyń chempıon atanýy shynyn aıtqanda kezdeısoq jaǵdaı ǵoı. Jeńiske jetýdiń túrli joly bar. Biraq qurlyqtyń eń tańdaýly quramalary arasynda chempıonǵa tán oıyndar kórsetken quramalar jeterlik. Bul ujymǵa jerebe de joldas boldy. Shyn máninde bul bas jattyqtyrýshy Fernandý Santoshtyń jeńisi. Buǵan deıin quramanyń oıynyna úılese almaı júrgen juldyz Ronaldýdyń ózin qara jumysqa shekti. Nátıjesinde qorǵanysy myǵym komanda jasaqtady. Al jalpy oıyndary jankúıerlerge unaǵan joq. Chempıondyq ataqqa laıyq emes degen tym qataldaý, oıyndary keremet boldy dep aıta almaısyz.
3.Endi 24 komanda uıymdastyrýshylar úshin durys boldy. Qarjy jaǵynan paıdaǵa keneldi. Al, 53 quramanyń teń jartysynyń qurlyq chempıonatyna qatysqany asa qyzyq bolmady. «Usaq» komandalarǵa ýaqytsha qýanysh syılaǵan shyǵar. Biraq chempıonattyń deńgeıi artpady. Alda bul júıe qıyndyq týdyrady. Sebebi, Eýropada 24 quramany qabyldaı alatyn elder sany shekteýli. Sondyqtan sol chempıonatty 16 komandamen ótkizý yńǵaıly ári tartysty bolatyn edi. Al bul týrnırdiń úzdik oıynshysy Antýan Grızmann. Sebebi ol bárinen kóp gol soqty.
4.Qaqpashy Býffon. Sosyn Italııanyń úsh qorǵaýshysy Bonýchchı, Bardzalı, Kellını. Olar óz mindetterin adal atqaryp, komandany shırek fınalǵa deıin súıredi. Ortalyq shepte nemis Tonı Kroos pen Dımıtrı Paıe men Matıýıdı bar. On segiz jasar portýgalııalyq Renatý Sancheshti de aıtýǵa bolady. Alǵy shepte Grızmannan bólek, Ronaldý men Beıldiń oıyny unady.
[caption id="attachment_50884" align="aligncenter" width="500"]
facebook.com[/caption]
Asqar AǴATAEV, aktausport.kz aqparattyq – sport portalynyń redaktory, sport jýrnalısi
1.Mine, bir aıǵa sozylǵan Eýropa chempıonaty da máresine jetti. Endi uıymdastyrý jaǵynan Eýro dodasy óte tamasha ótti. Biraq 24 komanda Eýropa chempıonaty úshin tym kóp. Meniń oıymsha burynǵy 16 komandalyq formatty qaıta qarastyrý qajet sııaqty. О́ıtkeni, Albanııa, Rýmynııa, Soltústik Irlandııa sekildi komandalardyń oıyny ish pystyratyndaı boldy. Árıne, ÝEFA-ny da túsinýge bolady. Bul uıym komandalardy kóbeıtýmen biraz paıda tapty ári fýtbol endi ǵana damyp kele jatqan elderge jaqsy múmkindik berdi. Degenmen, fýtbol toıy jaqsy ótti, kóńilimnen shyqty.
2.Dop domalaq demekshi, bir komanda Eýropa chempıony bolýǵa laıyqty dep aıta almaımyn. Sebebi, týrnırde chempıon bolýǵa joq degende 3 komanda laıyq edi. Olar – Germanııa, Italııa, Fransııa. Portýgalııa men Frasııanyń da toptyq týrnırdegi oıyndary kóńilimnen shyqpady. Ásirese, Portýgalııa sııaqty toptyq týrnırde bir oıyndy jeńbegen komanda chempıon bolýǵa laıyqty dep aıta almaımyn. Pepe men Ronaldý úshin qýanyshtymyn. Aty álemge áıgili Eısebıonyń arýaǵy da bir aýnap qalǵan shyǵar.
3.Chempıonatta 24 komandanyń bolǵanyna qarsymyn. 16 qurama bolǵany durys. 16 jasaq bolsa, chempıonat qyzyqty da tartysty ótedi. Al 24 komanda jalyqtyryp jiberedi. Týrnır de tym uzap ketedi. Eýropa chempıonatynda men úshin sensasııa bolǵan komanda ol árıne, Ýels. Al kóńilimnen shyqqan qurama ol – Anglııa. Aǵylshyndardyń quramasynda jaqsy, jas oıynshylar kóp boldy. Soǵan qaramastan olar 8/1 fınalda súrinip qaldy.
Chempıonattyń úzdik oıynshysy dep Italııa quramasynyń qaqpashysy Býffon men Portýgalııa komandasynyń qorǵaýshysy Pepeni aıta alamyn. Portýgalııanyń qorǵanystaǵy keremet oıyny osy Pepeniń arqasy. Jeńistiń 20 paıyzy da osy jigittiń enshisinde.
4.Qaqpashy – Djanlýıdjı Býffon (Italııa), ortada qorǵaýshylar –Pepe (Portýgalııa) men Kelını (Italııa), sol jaqtaǵy qorǵaýshy – Hevedas (Germanııa), oń jaqtaǵy qorǵaýshy – Bakarık Sanıa (Fransııa), ortalyq jartylaı qorǵaýshylar – De Rossı (Italııa) men Aron Remzı (Ýels), Hektor (Germanııa) Eden Azar (Belgııa), shabýylshylar – Grızmann (Fransııa) men Krıshtıaný Ronaldo (Portýgalııa).
[caption id="attachment_50885" align="aligncenter" width="700"]
facebook.com[/caption]
Erkin ShÁKIRULY, «Qazaqstan» ulttyq telearnasynyń jýrnalısi
1.Bıylǵy Eýropa chempıonaty qyzyqsyz ótti. Barlyq oıyndardy úzbeı, tolyq qaradym. Chempıonat qarjylyq jaǵynan Fransııa úshin tıimdi bolǵan shyǵar. Al jankúıerler úshin tartysty bolmady degen oıdamyn.
2.Portýgalııa laıyq. 2004 jyly Grekııa qandaı bolsa, bıyl Portýgalııa da solaı chempıon atandy. Daıyndyǵy joǵary boldy. Sońǵy eki matchta ózderin kórsete bildi. Fransııa nemese Italııa qurmet tuǵyrynyń eń bıik satysyna kóterilýge laıyq komandalar der edim.
3.24 komanda shynynda da kóp. Ýels, Vengrııa, Slovakııa, Albanııa syndy ortańqol quramalardyń shyǵýyna jol ashty. Kommersııalyq turǵyda óte tıimdi joba. Degenmen qyzyqty oıyndar boldy. Chempıonattyń úzdik oıynshysy Antýan Grızmann der edim.
4.Býffon, Bonýchchı, Pepe, Koselnı, Fonte, Kross, Sanchesh, Ronaldý, Paıe, Grızmann, Jırý.
[caption id="attachment_50886" align="aligncenter" width="500"]
facebook.com[/caption]
Raýan OQAS, sport sholýshysy
Bıylǵy Eýropa chempıonaty jańalyqtarǵa toly boldy. 24 komandanyń oıynyn tamashalap, aıyzymyz qandy. Negizi chempıonatta 16 komanda bolǵan kezde toptan shyǵý, jalpy chempıon ataný qıyn bolǵan sııaqty. Al bul joly úshinshi oryn alǵandar da pleı-off kezeńine shyǵyp jatty. Sonyń biri Eýropa chempıony atanǵan Portýgalııa quramasy. Onyń lıderi Krıshtıaný Ronaldý úshin qýanyshtymyn. 12 jyl armandaǵan maqsatyna aqyry jetti. Kóńil toldy.
[caption id="attachment_50887" align="aligncenter" width="500"]
facebook.com[/caption]
Ázız JUMADIL, sportsffa.kz saraptamalyq portalynyń sholýshysy
1.Bıylǵy Eýropa chempıonaty fýtboldyń Ispanııa, Italııa, Anglııa, Germanııa, Fransııa syndy aıaqdop derjavalarynda ǵana emes, «Kári qurlyqtyń» ózge de elderinde damyp kele jatqandyǵyn kórsetti. Iá, klýbtyq deńgeıde aıyrmashylyq jer men kókteı. Degenmen, ulttyq quramalardyń deńgeıi teńesip kele jatqandaı. Máselen, buryn asa mán bermeıtin Ýels, Islandııa quramalaryń kóz súısinetindeı oıyn órnegin kórsetip, Belgııa, Anglııa syndy komandalardy tize búktirdi. Vengrlerdiń azýy shyǵa bastaǵanyn baıqadyq. Degenmen, bıylǵy Eýropa chempıonaty pleı-off kezeńinen bastaldy der edim. Toptyq kezeń golǵa tym sarań bolyp, tipti keıbir kezdesýler fınaldyq dodanyń oıynyna laıyq emes edi.
2.«Bitken iske synshy kóp», chempıonat máresine jetkennen keıin «eger» degen jeleýler kóbeıe beredi ǵoı. Fınalǵa jetken Fransııa men Portýgalııa, chempıon atanǵan sońǵylary. Budan basqa argýment bolmaýy tıis. Degenmen, Portýgalııa quramasy fınaldaǵy qarsylasy Fransııaǵa qaraǵanda aqtyq oıynǵa tyń jetti. Artyq kúsh jumsamaı-aq fınaldyq matchqa deıin jetip, Fransııanyń silikpesin shyǵardy. Minezdi komanda ekendigin kórsetti. Ras, oıyndary unaǵan joq. Jarytyp júgirmegendeı kórindi. Olardyń ornynda jeńis tuǵyryna Germanııa nemese Italııa quramalary laıyq sekildi boldy. Biraq, qajetti sátterde qamshyny basqan Portýgalııa.
3.Jańashyldyqtan qashpaǵan durys qoı. Iá, kemshilikteri de jeterlik. Máselen, óz tobynda úshinshi oryn alǵan komandanyń Eýropa chempıony atanǵany ádiletsizdik sekildi. Toptyq kezeńde artyq oıyndar tym kóp bolyp ketken sııaqty. Degenmen, ýaqyt óte kele bul kemshilikterdiń barlyǵy da joıylar. Eń bastysy, bul chempıonat ekinshi deńgeıli komandalar úshin ózderin kórsetýge keremet múmkindik boldy. Jańa júıeniń arqasynda Vengrııa, Islandııa, Ýels, Albanııa quramalarymen keńirek tanystyq. Bolashaqta Qazaqstan quramasy da osylardyń arasynan kórinip qalar degen úmit basym. Al úzdik oıynshy ataǵyna laıyq birneshe fýtbolshyny tizip bere alar edim. Ol – Krıshtıaný Ronaldý, ol – Renatý Sanchesh, ol – Antýan Grızmann, ol – Pol Pogba, ol – Garet Beıl, ol... osylaısha tize berýge bolady. Degenmen, úzdikti chempıondar qatarynan izdegen durys-aý. Sońǵy matchty sońyna deıin oınaı almasa da úzdik oıynshy ataǵyn Krıshtıaný Ronaldýǵa bersek, eshkim de sóge qoımas.
4.Eýropa chempıonatynyń tańdaýly quramy (3-4-3):
Qaqpashy: Manýel Noıer (Germanııa)
Qorǵaýshylar (soldan ońǵa qaraı): Jerom Boateng (Germanııa), Pepe (Portýgalııa), Andrea Bardzalı (Italııa).
Qorǵanysqa tirek bolar shep: Pol Pogba (Fransııa)
Sol qaptaldaǵy jartylaı qorǵaýshy: Dmıtrıı Paıe (Fransııa)
Oń qaptaldaǵy jartylaı qorǵaýshy: Iаkýb Blashıkovskı (Polsha)
Ortalyq jartylaı qorǵaýshy: Aaron Remzı (Ýels)
Sol qaptaldaǵy shabýylshy: Krıshtıaný Ronaldý (Portýgalııa)
Oń qaptaldaǵy shabýylshy: Garet Beıl (Ýels)
Ortalyq shabýylshy: Antýan Grızmann (Fransııa).
[caption id="attachment_50888" align="aligncenter" width="500"]
facebook.com[/caption]
Rýslan MEDELBEK, sport jýrnalısi
Bıylǵy Eýropa chempıonaty bastysy tynysh, eshqandaı terakti, atys-shabýylsyz ótti. Demek, qurlyq dodasy jaqsy uıymdastyryldy degen sóz. Biraq oıyn jaǵynan jarys tek pleı-off kezeńinen bastap qyza bastady. Bıylǵy chempıonatta Fransııa, Italııa, Germanııa quramasynyń oıyn órnegi chempıon komandaǵa laıyq edi. Fınalda Portýgalııanyń jeńiske degen qushtarlyǵy jeńiske jeteledi. Sondyqtan Portýgalııanyń chempıon atanǵanyna óz basym shyn qýandym. 24 komanda Eýropa chempıonatynyń sánin ketirgendeı bolǵan. Biraq bul komandalar arasyndaǵy básekeni arttyratynyna kýá boldyq. Iаǵnı pleı-off kezeńinde úzdikterdiń bir-birimen erte kezdesýi chempıonattaǵy básekelestikti arttyrdy.
Úzdik oıynshysy ataǵyna Ronaldý nemese Grızmann laıyq. Sımvoldyq quramdy naqty anyqtaý qıyn.
[caption id="attachment_50889" align="aligncenter" width="500"]
facebook.com[/caption]
Ermuhammed MÁÝLEN,
Kazsport telearnasynyń sport kommentatory
1.Bıylǵy Eýropa chempıonaty keremet bir áser bere qoıǵan joq. Keıbireýlerdiń álem chempıonatyna teńep jatatyny bar. Ol qate pikir. Tek Argentına men Brazılııasy ǵana joq demeseńiz álem chempıonaty deýshilerge senbeńizder. Chılı men Kolýmbııa qaıda sonda? Meksıka men Kosta-Rıka qaıda sonda? Mine, sondaı komandalar bolǵan joq. Al jalpy Eýropa chempıonatynda Albanııa, Rýmynııa, Ýkraına sekildi komandalar úmitti aqtamady. Kóptegen irikteý oıyndary sekildi ótti. Bulaı jalǵasa berse Eýropa chempıonatyn tamashalaýdan qalatyn sekildimin.
2.Portýgalııa tájirıbıeli ujym ekenin baıqatty.
Bas jattyqtyrýshy ustanǵan taktıkasyna esh kúmánsiz sendi. Sony sońyna deıin ustandy. Túbi jemisin berdi. Qorǵanysty myqtap ustap, qarymta shabýyldarmen túıredi. Portýgalııa 2004 jyly Grekııadan jeńilip edi ǵoı. Mine, sony aına qatesiz qaıtalap berdi. Bul olardyń ótken kúnderden sabaq alǵandyǵyn bildiredi. Portýgalııa – chempıon! Demek, ol sol ataqqa laıyq komanda. 7 oıynnyń tek bireýinde ǵana negizgi ýaqytta jeńiske jetti. Mine, osylaı boldy. Bir jeńispen Eýropa chempıony atandy. Qalǵan matchtardyń barlyǵyn teń oınap keldi.
3.16 komanda bolyp qala bergeni durys edi. Sebebi toptyq týrnırdegi alǵashqy 3 týr óte súreńsiz ótti. Goldy az kórdik. Fýtboldyń kórki gol emes pe? Al 1 jeńiske jetip 3 upaı alǵan da, múlde jeńilmeı 3 oıyn teń túsken komanda da toptan shyqty. Pleı-offqa joldama alǵandardyń qatarynda Portýgalııada boldy. Baıaǵy eski formatpen ótkende Portýgalııa toptan shyǵa almas edi. Sondyqtan da, bul format ózime túk te unaǵan joq. Fýtboldyń bir berekesin ketirdi.Chempıonattyń úzdik oıynshysy dep 1 adamdy aıtý qıyn ǵoı. Beıl, Býffon, Ronaldý, Nanı, Grızmann sekildi oıynshylardyń barlyǵy da laıyqty. Biraq osylardyń ishinde men Garret Beıldi aıtar edim. Ol alǵash ret Eýropa chempıonatyna qatysqan Ýelsti alǵa súıredi. Soqqan árbir goly mańyzdy boldy. Sonyń arqasynda komanda toptan shyqty. Soltústik Irlandııaǵa qarsy ótken oıynda sonyń pasynan avtogol soǵyldy. Belgııany jeńgen kezde de Beıl bilgeninen jańylmady. Ol Krıshtıanýdan myqty oınady. Alaıda, sol Portýgalııaǵa jeńilip qaldy. Remzıdiń joqtyǵy keri áserin berdi. Sondyqtan da osy týrnırde úzdik dep men Beıldi aıtar edim.
4.Býffon, Barsallı – Bonýchchı – Kelını, Marıý – Pogba – Azar –Djýdjak Beıl – Krıshtık.
Dastan KENJALIN
absoluttv.ru[/caption]
Jaqynda bir aı boıy Fransııada ótken fýtbol toıy da máresine jetti. «Toıdyń bolǵanynan boladysy qyzyq» demekshi, fýtbol jankúıerleri osy teńbil dop dodasyn asyǵa kútti. Endi, mine biz asyǵa kútken Eýropa chempıonaty kózdi ashyp jumǵansha ilezde óte shyqty. Bıylǵy chempıonatqa 24 eldiń ulttyq qurama komandalary qatysty. Sonyń ishinde jarysqa Ýels, Soltústik Irlandııa, Slovakııa, Albanııa, Islandııa quramalary alǵash ret qatysyp, baq synasty. Al chempıonattyń qyzyqty-qyzyqsyz ótkeni týraly kóp aıtýǵa bolady. Toptyq týrnırde goldar az soǵylsa, pleı-off kezeńinde komandalar shırap, qyzyqty da tartysty oıyndar kórsete bastady. Biz chempıonattyń qalaı ótkeni týraly belgili sport jýrnalısterinen surap, birneshe suraq qoıǵan edik. Endi sony nazarlaryńyzǵa usynamyz.
1. Bıylǵy Eýropa chempıonatynan qandaı áser aldyńyz? Kóńildegideı ótti me?
2.Eýropa chempıony ataǵyna qaı komanda laıyq edi? Portýgalııanyń oıyny týraly aıtyp berseńiz.
3.Eýro dodasynda 24 komanda bolǵan durys pa, 16 ma? Chempıonattyń úzdik oıynshysy dep kimdi aıtar edińiz?
4.Eýropa chempıonatynyń sımvolıkalyq quramasyn aıtyp beresiz be?
[caption id="attachment_50869" align="aligncenter" width="374"] facebook.com[/caption]
Nurǵazy SASAEV, sportsffa.kz saraptamalyq portalynyń redaktory
1.Bıylǵy Eýropa chempıonatynda kóńilden shyǵatyn da, shyqpaıtyn da oıyndar boldy. Áıtse de, tamasha taktıkalyq oıyn úlgilerin kórdik. «Zamanyń túlki bolsa, tazy bolyp shal» degendeı, azýly qarsylastarynan aılasyn asyryp, ujymdyq oıyn úlgisin kórsetken quramalardyń oıyndaryna tánti boldyq. Árıne, jekeleı juldyzdaryna senim artqan komandalar da boldy. Eń bastysy, ózimizge úlgi tutýǵa bolatyn ulttyq quramalardy, olardyń jankeshtilikteri men aýyzbirlikterin teleekran arqyly bolsa da, kózben kórdik. Islandııa men Ýelstiń qaısar jigitterine qarap súısindik. Fýtbolshylary men jankúıerleri arasyndaǵy syı-qurmetke qyzyǵa qarap, rýhanı lázzat aldyq. «Qash-shan, biz de osylaı qýanyshqa bólener ekenbiz» dep tamsandyq ta. Bárinen de osy (sońǵysy) basymyraq boldy...
2.Eýropa chempıonatyna laıyq qurama kóp edi. Biraq «baq shabama, bap shaba ma» degendeı, solardyń arasynda bolmasa da, bıyl Portýgalııanyń asyǵy alshysynan tústi. Bálkim, chempıondyq oıyn úlgisin kórsetpedi deıtinder bolar. Tolyq kelisemin. Biraq qazaqta «júgirgen almaıdy, buıyrǵan alady» degen de mátel bar. Iá, olar óz tobynan áýpirimmen shyqty. Odan keıin kil myqtylarmen fınalǵa deıin joly túıisken joq. Bul da baǵynyń janyp, aıynyń ońynan týǵanyn bildiredi. Sporttyq baptaryna Eýrododa barysynda kelip, fınalǵa kóp sharshamaı, shaldyqpaı jetti... Bir qyzyǵy, bıylǵy Eýropa chempıonatynda qazaqy "múshel jas" boldy. Bul úrdis sonaý 1992 jyldan bastalǵan. Qazaq eli egemendigin alǵannan beri deıikshi. Iаǵnı, 12 jyl saıyn Eýro dodasynda qurlyq chempıony bolyp kórmegen qurama top jaryp júr. Atap aıtqanda, 1992 jyly eshkim múlde oılamaǵan Danııa chempıon boldy. Týra 12 jyldan keıin, ıaǵnı 2004 jyly taǵy da eshkim kútpegen Grekııanyń juldyzy jandy. Taǵy bir "múshel jas"... 2016 jyl... Horvatııa ma, álde Belgııa ma dep edik. Joq – Portýgalııa. Eısebıonyń arýaǵy qoldady ma, bıyl osy eldiń fýtbolshylarynyń baǵy jandy.
3.О́zi ÝEFA quramynda 55 memleket qana bar. Sonyń jartysynan astamy fınaldyq kezeńde oınady. Bul tym artyqtaý, árıne. 1984 jáne 1988 jylǵy Eýropa chempıonattary qandaı edi?! Fınaldyq kezeńde saıdyń tasyndaı iriktelgen segiz qurama ǵana oınaıtyn. Árbir oıyny fınal ispetti bolatyn. Ol kezde álem chempıonatynyń deńgeıi de “Kártamys ǵalam” birinshiliginiń janynda jip ese almaı qalatyn. 1996 jyldan bastap, fınalda 16 qurama oınaıtyn boldy. Bıyldan bastap – 24 komanda. Sáni ketip bara jatqandaı... Bıylǵy chempıonattyń úzdik oıynshysy Antýan Grızmann dep oılaımyn. Goldy da bárinen kóp soqty. Jartylaı fınalda Germanııa quramasynyń qaqpasyna eki dop soqqany – eren jetistik. Jalpy, ózimniń de boıym bıik bolmaǵandyqtan ba, fýtbol alańynda óz ónerine tórtkúl dúnıeni tánti qylyp júrgen shaǵyn deneli fýtbolshylardy jaqsy kóremin...
4.Bul endi naǵyz sımvolıkalyq qurama bola qoıar ma eken. Sebebi árqaısymyz ózimizge unaıtyn fýtbolshylardy ataımyz ǵoı. Ári súıikti fýtbolshylarymyzdyń barlyǵy derlik ujymdyq oıyn órnegin uıymdastyratyn jáne úılestiretin – jigitter. «Qara jumysty» atqaratyndar tys qalady. Osydan birneshe jyl buryn, qazir kommentator bolyp júrgen bir áriptesimiz aıtyp edi, «jas kezimde ózime unaıtyn oıynshylardan sımvolıkalyq qurama jasataıtynmyn, keıin sol jazǵandarymdy oqysam, bári de shabýylshy eken, tipti qaqpashy da joq bolyp shyqty» dep. Sonyń keri bolmasa da, soǵan jeteqabyl bolǵaly tur-aý... Desek te, 4-3-3 jáne 4-5-1 sulbasynda oınaýǵa bolatyn ámbebap qurama “quradym” dep oılap otyrmyn, ózimshe: Býffon – Hektor, Kelını, Barsalı, Srna; Pogba, Remsı, Perıshıch; Grızmann, Beıl; Krıshtıaný Ronaldý.
[caption id="attachment_50871" align="aligncenter" width="500"] facebook.com[/caption]
Ardaq TOǴYMOV, Mádenıet jáne sport mınıstrligi Sport jáne deneshynyqtyrý isteri komıteti Shtattaǵy ulttyq komandalar jáne sport rezervi dıreksııasynyń baspasóz hatshysy
1.Bastapqyda chempıonattaǵy oıyndar unamady. Shynyn aıtý kerek, kóp dop soǵylmaldy, ish pystyratyn oıyndar kóp boldy. Al pleı-off kezeńinen bastap komandalar ashyla bastady. Biraz sensasııaǵa toly matchtardy da kórdik. Jalpy, chempıonatqa kónilim toldy deımin.
2.Basynda Germanııa chempıon atanady dep boljam jasaǵan edim. О́kinishke qaraı, jartylaı fınalda olar alań ıelerinen jeńilip qaldy. Italııanyń oıyny unady. Sensasııa jasaǵan Islandııa men Ýelstiń oıyndaryna da bárimiz tań-tamasha boldyq. Al Portýgalııanyń armany joq. Toptan áreń degende shyǵyp, keıin qosymsha ýaqytta nemese penaltı serııasynda qarsylasyn jeńip, fınalǵa shyqty. Fınalda da solaı jeńiske jetti-aý... Olardyń eńbegi zor.
3.Árıne, 24 komanda óte kóp. Eýropa chempıonatynyń irikteý kezeńine ÝEFA-ǵa músheleri 54 eldiń komandasy qatyssa, sonyń teń jartysynan sál kóp komanda qurlyqtyq dodaǵa shyǵa beredi degen sóz ǵoı... 16 komanda - eń durys sheshim bolar edi. Tipti kezińde Eýro básekesinde 8 komanda ǵana oınaýshy edi. Úzdik oıynshy, meniń oıymsha ol – Pepe!
4.Qaqpashy – Rýı Patrısıý, qorǵaýshylar – Pepe, Kasılııanı, Drahsler, Pıke, jartylaı qorǵaýshylar – Renatý Sanchesh, Grızmann, Paıe, Shakırı, shabýylshylar – Ronaldý men Beıl.
[caption id="attachment_50873" align="aligncenter" width="500"] facebook.com[/caption]
Sáken SYBANBAI, «Almaty aqshamy» gazetiniń jýrnalısi
1.Áserim jaqsy. Biraz qyzyqty oıyndar tamashaladyq, túrli dramalyq jaǵdaılardy kórdik, sensasııalar da jetkilikti boldy. Shyn jankúıerge budan artyq kóp nárse de keregi joq-aý. Ásirese Germanııa – Italııa (1:1), Germanııa – Fransııa (0:2), Vengrııa – Portýgalııa (3:3), Ýels – Belgııa (3:1), Fransııa – Islandııa (5:2) sekildi kóz qýantar oıyndardy erekshe atap óter edim. Unamaǵan tusy – pleı-off kezeńindegi keıbir nátıjeli oıyndar bolmasa, jalpy alǵanda, gol óte az soǵyldy. Burynǵy format boıynsha 31 matchta shamamen 75-80 gol qaqpaǵa soǵylsa, bıyl 51 kezdesýde sondaı mólshermen keminde 125 dop soǵylatyn shyǵar dep oılaǵanmyn. Sóıtip, Eýro tarıhyndaǵy 700-gol da Fransııa jasyl alańdarynda soǵylar dep kútken edim. О́kinishke qaraı, olaı bolmady. 24 komanda jabylyp júrip 108-aq gol soqty (orta eseppen ár oıynǵa 2,11 goldan keledi). Bul – Eýro tarıhyndaǵy eń tómengi kórsetkishterdiń biri (tek 1980 jáne 1996 jyldary ǵana budan da nashar nátıje tirkelgen).
2.Týrnır bastalmaı jatyp, eldiń aýzynan túspeıtin favorıtter bolady. Biraq solardyń keıbiri keıin doda barysynda el kútken údeden shyqpaı jatady. Sondyqtan aldyn ala ǵana emes, chempıonat barysynda óziniń altyn júldeni alýǵa laıyqtyǵyn oıynymen dáleldegen eki komandany aıtaıyn.
Birinshisi – Germanııa. Ortalyq shabýylshy pozısııasy bolmasa, basqa jaǵynan esh minsiz jasaqtalǵan komanda. Marıo Gomes jaraqattanyp qalmaǵanda, bul pozısııa úshin de asa alańdamaýǵa bolar edi. Jartylaı fınaldaǵy eń osal tus osy boldy. Áıtpese nemister gol soǵarlyqtaı urymtal sátterden kende bolǵan joq. Tek shyrq úıirilgen shabýyl quıynyna núkte qoıarlyq mergen tabylmady. Oıyn jaǵynan bárinen ozyq turdy. Dopty bulardaı sheber jetekteıtin komanda ilýde bireý shyǵar.
Ekinshisi – Italııa. Qorǵanysy berik, alǵa da, artqa da birdeı mán beretin, óte jyldam, ári kúsh-qýaty tasyǵan komanda. Toptaǵy Irlandııamen kezdesý bul esepke sanalmaıdy, óıtkeni, onda negizinen qosalqy quram oınady. Basqa matchtarynyń bárinde de maqsatty, jigerli qımylymen erekshelendi. Tek penaltıdi durystap tebe almaǵan oıynshylarynyń kesirinen zııan shekti. Áıtpese óte uıymshyl oıyn kórsetken Italııa, ásirese qolynan kelgeniniń bárin istegen Djanlýıdjı Býffon altyn júldege ábden laıyq edi.
Al Portýgalııaǵa kelsek, olardyń oıyny týraly túbegeıli tujyrym aıtý qıyn. Áıteýir beıtarap jankúıerdiń janyn rahatqa bóleıtin oıyn kórsete qoımaǵany anyq. Toptyq kezeńde óz deńgeıinen óte tómen oınady. Tek Vengrııamen kezdesýde, toptan shyǵa almaý qaýpi tóngende ǵana jantalasty. Pleı-offtyń bastapqy oıyndarynda da keremetteı kóz qýanta qoıǵan joq, ilinip-salynyp júrip jartylaı fınalǵa jetti. Ýelsti ǵana aıqyn basymdyqpen jeńdi. Al fınalda minez kórsetti. Alańda óte tyǵyz ornalasyp, Grızmann, Jırý, Paıetterdiń adymyn tusaı aldy, olardyń dopty erkin qabyldaýyna mursha bermedi. Jalpy sheshýshi kezeńge taıaǵan saıyn Portýgalııanyń qaqpashysy – myqty oınaı tústi, qorǵanysy – álgi vengrlermen «semserlesýden» soń, ishinara quramyn aýystyryp, saq ta saýatty qımyldady, ortańǵy sheptiń oıynyn órimdeı jas Renatý Sanchesh jandandyrdy, shabýylda bar senim Krıshtıaný Ronaldýdyń ózine artyldy. Oıyn jaǵynan chempıondyqqa qanshalyqty laıyq ekenin árkim ózi shamalar, biraq únemi kómbege qolsozym tusta súrinetin komandanyń, fýtbol tarıhyna Eısebıo, Fıgý sekildi tamasha uldaryn usynǵan eldiń, klýbtyq deńgeıde utpaǵany joq uly oıynshy Krıshtıaný Ronaldýdyń aqyry óıtip-búıtip altynǵa qol jetkizýinen pálendeı ádiletsizdik kórip turǵan joqpyn. Onyń ústine, Fransııa da fınalda chempıonǵa laıyq oıyn kórsetken joq.
3.Eýro-2016 dodasynyń jalpy alǵanda jaman ótpegenine qaramastan, men burynǵy 16 úzdik qana qatysatyn formatty qoldaımyn. ÝEFA-nyń 55 múshesi bar. 24 – solardyń jartysyna jýyǵy degen sóz. Fınaldyq týrnırge sonshama komandanyń qatysýy týrnırdiń jalpy deńgeıin álsirete me deımin. Ras, debıýtanttardyń eshqaısysy da masqaraǵa ushyraǵan joq, qaıta bári de ólispeı-berispes qaısar minez kórsetti, tistesip-shaınasty-aq. Islandııa men Ýels tipti jarty álemdi tań qaldyrdy. Biraq 24-tiń ishinen 8 álsizdi shyǵaryp tastaý úshin ǵana úsh apta áýre bop, 36 oıyn ótkizý ózin-ózi aqtaǵanyna senimsizbin. Odan da eń myqty 16 qurama qatysqany jón der edim. Sonda oıynnyń bári tartysty bolady, topta 3-oryn alǵan komanda jarysty jalǵastyrmaıdy. Biraq ol jaǵyn sheshetin biz emes qoı...
Men úshin chempıonattyń eń úzdik oıynshysy – Aaron Remzı. О́z basym onyń alań ortasyndaǵy oıly qımylyna, dopty komandalasyna bere salyp, lezde ashyla qoıatyn suńǵylalyǵyna, pasty seriginiń aıaǵyna óte yńǵaıly etip beretinine, sheshýshi (nátıjeli) pasty shyǵarý aldynda áriptesi ofsaıdta qalmaýy úshin qajetti paýza ustaı biletinine, dopsyz júrip-aq qaı qarsylasynan qaýip tónerin aldyn ala sezip, onyń jolyn bógeýge umtylatynyna keremet rıza boldym. Kim biledi, eger ol jartylaı fınalda alańǵa shyqqanda, bári basqasha bolar ma edi...
Degenmen, dúbirli dodanyń dúldúli – fınalısterdiń sapynan shyqqany jón shyǵar. Onda fransýz Antýan Grızmann men portýgaldyq Pepeni ataımyn. Birinshisi qashanda qaqpa aldyndaǵy qarbalas sáttiń dál ortasynan tabylatyn jankeshtiligimen, gol soǵar mezetti seze biletin mergendigimen tánti etti, búgingi ásiresaq fýtbolda 7 oıynda 6 gol soǵý – erlikke barabar is. Ekinshisi komandasynyń shabýyldaǵy oıyny júrmeı jatqanda, bar salmaqty ózine qabyldaǵan qorǵanys shebiniń qolbasshysy bola bildi.
4.Qaqpashy – Djanlýıdjı Býffon (Italııa). Qorǵaýshylar – Leonardo Bonýchchı (Italııa), Loran Koselnı (Fransııa), Pepe (Portýgalııa), Ionas Hektor (Germanııa). Jartylaı qorǵaýshylar – Aaron Remzı (Ýels), Tonı Kroos (Germanııa), Ivan Perıshıch (Horvatııa). Shabýylshylar – Krıshtıaný Ronaldý (Portýgalııa), Antýan Grızmann (Fransııa), Garet Beıl (Ýels).
[caption id="attachment_50874" align="aligncenter" width="500"] facebook.com[/caption]
Eseı JEŃISULY, «Aıqyn» gazetiniń jýrnalısi, sport kommentatory
1.Maǵan unady. 24 komandanyń qatysýy, III oryn alǵan komandalardyń pleı-offqa shyǵýy kútpegen nátıjeler ákeldi. Jarys favorıtteriniń birinen keıin biri sypyrylyp jolda qalýy, esesine týrnırge tuńǵysh qatysqan 5 quramanyń tórteýi sheshýshi kezeńge shyǵýy, Islandııanyń Anglııany utýy, Ýelstiń qola júlde ıelenýi óte qyzyqty boldy. Jalpy álem fýtbolynyń baǵyt-baǵdaryn aıqyndap otyrǵan Eýropa qurlyǵynda quramalar deńgeıi teńesip qalǵanyna qýandym. Al Krıshtıaný Ronaldýdyń quramamen úlken tabysqa jetýi tipti keremet.
2.Meniń oıymsha, kórsetken oıyny jaǵynan qurlyq chempıony ataǵyna Italııa, Germanııa jáne Fransııa quramalary laıyq boldy. Italııa áýelden tastúıin oıyn kórsetse, Germanııa qyza shapty. Al Fransııa áýeli jeńiske zor jigermen jetip júrse, birte-birte naǵyz babyna keldi. Biraq myqtylar ǵana uta berse, eshbir sportta qyzyq qalmas edi. Sondyqtan jartylaı fınal men fınaldy óte jaqsy ótkizgen Portýgalııanyń chempıon atanýyna kúmánmen qaramaq emespin. Jigitter bir maqsatqa jumyldy, týrnırdiń barlyq múmkindigin sarqa paıdalandy. Jyldar ótken soń olardyń negizgi ýaqytta bir ǵana matchta utqany emes, chempıon atanǵany ǵana este qalady. Sondyqtan «qolynan kelip, qonyshynan basqan» Fernandý Santýsh shákirtterine shyn yqylaspen qol soǵamyn.
3.Meniń oıymsha, 16 úzdik bolǵany durys. Biraq sheshim qabyldanǵan eken, soǵan baǵynýǵa tıispiz. 24 úzdik sapyna tuńǵysh ret enip, aıdy aspanǵa shyǵarǵan Ýels, Islandııa, Soltústik Irlandııa, Slovakııa quramalarynyń syndy buzbaǵanyna da kóńilim toq. Qalaıda paıda túsirýdi kózdeıtin zaman ǵoı, sondyqtan ÝEFA-nyń bul sheshimi de biraz ýaqyt ómir súrýge tıis shyǵar. Menińshe, týrnırdiń úzdik fýtbolshysy – Garet Beıl. Bosaǵada jatqan quramany tórge súıregen er Beıldeı-aq bolar.
4.Býffon, Sedrık-Barsalı-Bonýchchı-Sevarsson, Gýnnarsson-Paıe-Grızmann-Beıl, Krıshtıaný Ronaldý.
[caption id="attachment_50875" align="aligncenter" width="420"] facebook.com[/caption]
Rıshat TURǴANBAEV, «Jetisý» gazetiniń sport sholýshysy
1 – 2. О́te jaqsy əser aldym. Toptyq kezeńde biraz kóńil túsiretin kezeńder bolǵan. Artynsha tartysty oıyndardyń kýəsi boldyq. Portýgalııanyń oıyny aıtarlyqtaı keremet boldy deýge kelmeıdi. Tek qypshaqtarmen aradaǵy oıyn ǵana tartysty ótti.
3.Menińshe 24 komanda durys. Chempıonatqa jańa shyqqan Ýels, Vengrııa, Islandııa sekildi komandalarǵa múmkindik. Grızmann, Paıe, Pogbanyń oıyny unady.
4.Chempıonattyń sımvolıkalyq komandasy – Germanııa quramasy.
[caption id="attachment_50876" align="aligncenter" width="700"] facebook.com[/caption]
Qanat BAZYLHAN, «Habar» telearnasynyń sport sholýshysy
1.Bul chempıonat tuńǵysh ret jańa júıe boıynsha ótip, qatysýshy quramalar sany da 24-ke artty. Qazir osy sheshim qanshalyqty ózin aqtady degen saýal tóńireginde pikirtalastar kóp. ÝEFA kóbirek paıda tabýdy oılap, óz maqsatyna jetti. Kóptegen álsiz quramalar múmkindik alyp, úlken synǵa aralasty. Sondyqtan Qazaqstan sekildi álsiz komandaǵa múmkindik týdy. Osy jaǵynan qýanýǵa bolady. Al, biraq fýtboldan anaý aıtqandaı keremet áser almadyq. Burynǵy júıe jaqsy edi. Birinen biri ótetin keremet oıyndar bolatyn.
2.Endi toptyq kezeńde birde-bir oıyndy uta almaı, negizgi ýaqytta tek jartylaı fınalda jeńiske jetken Portýgalııanyń chempıon atanýy shynyn aıtqanda kezdeısoq jaǵdaı ǵoı. Jeńiske jetýdiń túrli joly bar. Biraq qurlyqtyń eń tańdaýly quramalary arasynda chempıonǵa tán oıyndar kórsetken quramalar jeterlik. Bul ujymǵa jerebe de joldas boldy. Shyn máninde bul bas jattyqtyrýshy Fernandý Santoshtyń jeńisi. Buǵan deıin quramanyń oıynyna úılese almaı júrgen juldyz Ronaldýdyń ózin qara jumysqa shekti. Nátıjesinde qorǵanysy myǵym komanda jasaqtady. Al jalpy oıyndary jankúıerlerge unaǵan joq. Chempıondyq ataqqa laıyq emes degen tym qataldaý, oıyndary keremet boldy dep aıta almaısyz.
3.Endi 24 komanda uıymdastyrýshylar úshin durys boldy. Qarjy jaǵynan paıdaǵa keneldi. Al, 53 quramanyń teń jartysynyń qurlyq chempıonatyna qatysqany asa qyzyq bolmady. «Usaq» komandalarǵa ýaqytsha qýanysh syılaǵan shyǵar. Biraq chempıonattyń deńgeıi artpady. Alda bul júıe qıyndyq týdyrady. Sebebi, Eýropada 24 quramany qabyldaı alatyn elder sany shekteýli. Sondyqtan sol chempıonatty 16 komandamen ótkizý yńǵaıly ári tartysty bolatyn edi. Al bul týrnırdiń úzdik oıynshysy Antýan Grızmann. Sebebi ol bárinen kóp gol soqty.
4.Qaqpashy Býffon. Sosyn Italııanyń úsh qorǵaýshysy Bonýchchı, Bardzalı, Kellını. Olar óz mindetterin adal atqaryp, komandany shırek fınalǵa deıin súıredi. Ortalyq shepte nemis Tonı Kroos pen Dımıtrı Paıe men Matıýıdı bar. On segiz jasar portýgalııalyq Renatý Sancheshti de aıtýǵa bolady. Alǵy shepte Grızmannan bólek, Ronaldý men Beıldiń oıyny unady.
[caption id="attachment_50884" align="aligncenter" width="500"] facebook.com[/caption]
Asqar AǴATAEV, aktausport.kz aqparattyq – sport portalynyń redaktory, sport jýrnalısi
1.Mine, bir aıǵa sozylǵan Eýropa chempıonaty da máresine jetti. Endi uıymdastyrý jaǵynan Eýro dodasy óte tamasha ótti. Biraq 24 komanda Eýropa chempıonaty úshin tym kóp. Meniń oıymsha burynǵy 16 komandalyq formatty qaıta qarastyrý qajet sııaqty. О́ıtkeni, Albanııa, Rýmynııa, Soltústik Irlandııa sekildi komandalardyń oıyny ish pystyratyndaı boldy. Árıne, ÝEFA-ny da túsinýge bolady. Bul uıym komandalardy kóbeıtýmen biraz paıda tapty ári fýtbol endi ǵana damyp kele jatqan elderge jaqsy múmkindik berdi. Degenmen, fýtbol toıy jaqsy ótti, kóńilimnen shyqty.
2.Dop domalaq demekshi, bir komanda Eýropa chempıony bolýǵa laıyqty dep aıta almaımyn. Sebebi, týrnırde chempıon bolýǵa joq degende 3 komanda laıyq edi. Olar – Germanııa, Italııa, Fransııa. Portýgalııa men Frasııanyń da toptyq týrnırdegi oıyndary kóńilimnen shyqpady. Ásirese, Portýgalııa sııaqty toptyq týrnırde bir oıyndy jeńbegen komanda chempıon bolýǵa laıyqty dep aıta almaımyn. Pepe men Ronaldý úshin qýanyshtymyn. Aty álemge áıgili Eısebıonyń arýaǵy da bir aýnap qalǵan shyǵar.
3.Chempıonatta 24 komandanyń bolǵanyna qarsymyn. 16 qurama bolǵany durys. 16 jasaq bolsa, chempıonat qyzyqty da tartysty ótedi. Al 24 komanda jalyqtyryp jiberedi. Týrnır de tym uzap ketedi. Eýropa chempıonatynda men úshin sensasııa bolǵan komanda ol árıne, Ýels. Al kóńilimnen shyqqan qurama ol – Anglııa. Aǵylshyndardyń quramasynda jaqsy, jas oıynshylar kóp boldy. Soǵan qaramastan olar 8/1 fınalda súrinip qaldy.
Chempıonattyń úzdik oıynshysy dep Italııa quramasynyń qaqpashysy Býffon men Portýgalııa komandasynyń qorǵaýshysy Pepeni aıta alamyn. Portýgalııanyń qorǵanystaǵy keremet oıyny osy Pepeniń arqasy. Jeńistiń 20 paıyzy da osy jigittiń enshisinde.
4.Qaqpashy – Djanlýıdjı Býffon (Italııa), ortada qorǵaýshylar –Pepe (Portýgalııa) men Kelını (Italııa), sol jaqtaǵy qorǵaýshy – Hevedas (Germanııa), oń jaqtaǵy qorǵaýshy – Bakarık Sanıa (Fransııa), ortalyq jartylaı qorǵaýshylar – De Rossı (Italııa) men Aron Remzı (Ýels), Hektor (Germanııa) Eden Azar (Belgııa), shabýylshylar – Grızmann (Fransııa) men Krıshtıaný Ronaldo (Portýgalııa).
[caption id="attachment_50885" align="aligncenter" width="700"] facebook.com[/caption]
Erkin ShÁKIRULY, «Qazaqstan» ulttyq telearnasynyń jýrnalısi
1.Bıylǵy Eýropa chempıonaty qyzyqsyz ótti. Barlyq oıyndardy úzbeı, tolyq qaradym. Chempıonat qarjylyq jaǵynan Fransııa úshin tıimdi bolǵan shyǵar. Al jankúıerler úshin tartysty bolmady degen oıdamyn.
2.Portýgalııa laıyq. 2004 jyly Grekııa qandaı bolsa, bıyl Portýgalııa da solaı chempıon atandy. Daıyndyǵy joǵary boldy. Sońǵy eki matchta ózderin kórsete bildi. Fransııa nemese Italııa qurmet tuǵyrynyń eń bıik satysyna kóterilýge laıyq komandalar der edim.
3.24 komanda shynynda da kóp. Ýels, Vengrııa, Slovakııa, Albanııa syndy ortańqol quramalardyń shyǵýyna jol ashty. Kommersııalyq turǵyda óte tıimdi joba. Degenmen qyzyqty oıyndar boldy. Chempıonattyń úzdik oıynshysy Antýan Grızmann der edim.
4.Býffon, Bonýchchı, Pepe, Koselnı, Fonte, Kross, Sanchesh, Ronaldý, Paıe, Grızmann, Jırý.
[caption id="attachment_50886" align="aligncenter" width="500"] facebook.com[/caption]
Raýan OQAS, sport sholýshysy
Bıylǵy Eýropa chempıonaty jańalyqtarǵa toly boldy. 24 komandanyń oıynyn tamashalap, aıyzymyz qandy. Negizi chempıonatta 16 komanda bolǵan kezde toptan shyǵý, jalpy chempıon ataný qıyn bolǵan sııaqty. Al bul joly úshinshi oryn alǵandar da pleı-off kezeńine shyǵyp jatty. Sonyń biri Eýropa chempıony atanǵan Portýgalııa quramasy. Onyń lıderi Krıshtıaný Ronaldý úshin qýanyshtymyn. 12 jyl armandaǵan maqsatyna aqyry jetti. Kóńil toldy.
[caption id="attachment_50887" align="aligncenter" width="500"] facebook.com[/caption]
Ázız JUMADIL, sportsffa.kz saraptamalyq portalynyń sholýshysy
1.Bıylǵy Eýropa chempıonaty fýtboldyń Ispanııa, Italııa, Anglııa, Germanııa, Fransııa syndy aıaqdop derjavalarynda ǵana emes, «Kári qurlyqtyń» ózge de elderinde damyp kele jatqandyǵyn kórsetti. Iá, klýbtyq deńgeıde aıyrmashylyq jer men kókteı. Degenmen, ulttyq quramalardyń deńgeıi teńesip kele jatqandaı. Máselen, buryn asa mán bermeıtin Ýels, Islandııa quramalaryń kóz súısinetindeı oıyn órnegin kórsetip, Belgııa, Anglııa syndy komandalardy tize búktirdi. Vengrlerdiń azýy shyǵa bastaǵanyn baıqadyq. Degenmen, bıylǵy Eýropa chempıonaty pleı-off kezeńinen bastaldy der edim. Toptyq kezeń golǵa tym sarań bolyp, tipti keıbir kezdesýler fınaldyq dodanyń oıynyna laıyq emes edi.
2.«Bitken iske synshy kóp», chempıonat máresine jetkennen keıin «eger» degen jeleýler kóbeıe beredi ǵoı. Fınalǵa jetken Fransııa men Portýgalııa, chempıon atanǵan sońǵylary. Budan basqa argýment bolmaýy tıis. Degenmen, Portýgalııa quramasy fınaldaǵy qarsylasy Fransııaǵa qaraǵanda aqtyq oıynǵa tyń jetti. Artyq kúsh jumsamaı-aq fınaldyq matchqa deıin jetip, Fransııanyń silikpesin shyǵardy. Minezdi komanda ekendigin kórsetti. Ras, oıyndary unaǵan joq. Jarytyp júgirmegendeı kórindi. Olardyń ornynda jeńis tuǵyryna Germanııa nemese Italııa quramalary laıyq sekildi boldy. Biraq, qajetti sátterde qamshyny basqan Portýgalııa.
3.Jańashyldyqtan qashpaǵan durys qoı. Iá, kemshilikteri de jeterlik. Máselen, óz tobynda úshinshi oryn alǵan komandanyń Eýropa chempıony atanǵany ádiletsizdik sekildi. Toptyq kezeńde artyq oıyndar tym kóp bolyp ketken sııaqty. Degenmen, ýaqyt óte kele bul kemshilikterdiń barlyǵy da joıylar. Eń bastysy, bul chempıonat ekinshi deńgeıli komandalar úshin ózderin kórsetýge keremet múmkindik boldy. Jańa júıeniń arqasynda Vengrııa, Islandııa, Ýels, Albanııa quramalarymen keńirek tanystyq. Bolashaqta Qazaqstan quramasy da osylardyń arasynan kórinip qalar degen úmit basym. Al úzdik oıynshy ataǵyna laıyq birneshe fýtbolshyny tizip bere alar edim. Ol – Krıshtıaný Ronaldý, ol – Renatý Sanchesh, ol – Antýan Grızmann, ol – Pol Pogba, ol – Garet Beıl, ol... osylaısha tize berýge bolady. Degenmen, úzdikti chempıondar qatarynan izdegen durys-aý. Sońǵy matchty sońyna deıin oınaı almasa da úzdik oıynshy ataǵyn Krıshtıaný Ronaldýǵa bersek, eshkim de sóge qoımas.
4.Eýropa chempıonatynyń tańdaýly quramy (3-4-3):
Qaqpashy: Manýel Noıer (Germanııa)
Qorǵaýshylar (soldan ońǵa qaraı): Jerom Boateng (Germanııa), Pepe (Portýgalııa), Andrea Bardzalı (Italııa).
Qorǵanysqa tirek bolar shep: Pol Pogba (Fransııa)
Sol qaptaldaǵy jartylaı qorǵaýshy: Dmıtrıı Paıe (Fransııa)
Oń qaptaldaǵy jartylaı qorǵaýshy: Iаkýb Blashıkovskı (Polsha)
Ortalyq jartylaı qorǵaýshy: Aaron Remzı (Ýels)
Sol qaptaldaǵy shabýylshy: Krıshtıaný Ronaldý (Portýgalııa)
Oń qaptaldaǵy shabýylshy: Garet Beıl (Ýels)
Ortalyq shabýylshy: Antýan Grızmann (Fransııa).
[caption id="attachment_50888" align="aligncenter" width="500"] facebook.com[/caption]
Rýslan MEDELBEK, sport jýrnalısi
Bıylǵy Eýropa chempıonaty bastysy tynysh, eshqandaı terakti, atys-shabýylsyz ótti. Demek, qurlyq dodasy jaqsy uıymdastyryldy degen sóz. Biraq oıyn jaǵynan jarys tek pleı-off kezeńinen bastap qyza bastady. Bıylǵy chempıonatta Fransııa, Italııa, Germanııa quramasynyń oıyn órnegi chempıon komandaǵa laıyq edi. Fınalda Portýgalııanyń jeńiske degen qushtarlyǵy jeńiske jeteledi. Sondyqtan Portýgalııanyń chempıon atanǵanyna óz basym shyn qýandym. 24 komanda Eýropa chempıonatynyń sánin ketirgendeı bolǵan. Biraq bul komandalar arasyndaǵy básekeni arttyratynyna kýá boldyq. Iаǵnı pleı-off kezeńinde úzdikterdiń bir-birimen erte kezdesýi chempıonattaǵy básekelestikti arttyrdy.
Úzdik oıynshysy ataǵyna Ronaldý nemese Grızmann laıyq. Sımvoldyq quramdy naqty anyqtaý qıyn.
[caption id="attachment_50889" align="aligncenter" width="500"] facebook.com[/caption]
Ermuhammed MÁÝLEN,
Kazsport telearnasynyń sport kommentatory
1.Bıylǵy Eýropa chempıonaty keremet bir áser bere qoıǵan joq. Keıbireýlerdiń álem chempıonatyna teńep jatatyny bar. Ol qate pikir. Tek Argentına men Brazılııasy ǵana joq demeseńiz álem chempıonaty deýshilerge senbeńizder. Chılı men Kolýmbııa qaıda sonda? Meksıka men Kosta-Rıka qaıda sonda? Mine, sondaı komandalar bolǵan joq. Al jalpy Eýropa chempıonatynda Albanııa, Rýmynııa, Ýkraına sekildi komandalar úmitti aqtamady. Kóptegen irikteý oıyndary sekildi ótti. Bulaı jalǵasa berse Eýropa chempıonatyn tamashalaýdan qalatyn sekildimin.
2.Portýgalııa tájirıbıeli ujym ekenin baıqatty.
Bas jattyqtyrýshy ustanǵan taktıkasyna esh kúmánsiz sendi. Sony sońyna deıin ustandy. Túbi jemisin berdi. Qorǵanysty myqtap ustap, qarymta shabýyldarmen túıredi. Portýgalııa 2004 jyly Grekııadan jeńilip edi ǵoı. Mine, sony aına qatesiz qaıtalap berdi. Bul olardyń ótken kúnderden sabaq alǵandyǵyn bildiredi. Portýgalııa – chempıon! Demek, ol sol ataqqa laıyq komanda. 7 oıynnyń tek bireýinde ǵana negizgi ýaqytta jeńiske jetti. Mine, osylaı boldy. Bir jeńispen Eýropa chempıony atandy. Qalǵan matchtardyń barlyǵyn teń oınap keldi.
3.16 komanda bolyp qala bergeni durys edi. Sebebi toptyq týrnırdegi alǵashqy 3 týr óte súreńsiz ótti. Goldy az kórdik. Fýtboldyń kórki gol emes pe? Al 1 jeńiske jetip 3 upaı alǵan da, múlde jeńilmeı 3 oıyn teń túsken komanda da toptan shyqty. Pleı-offqa joldama alǵandardyń qatarynda Portýgalııada boldy. Baıaǵy eski formatpen ótkende Portýgalııa toptan shyǵa almas edi. Sondyqtan da, bul format ózime túk te unaǵan joq. Fýtboldyń bir berekesin ketirdi.Chempıonattyń úzdik oıynshysy dep 1 adamdy aıtý qıyn ǵoı. Beıl, Býffon, Ronaldý, Nanı, Grızmann sekildi oıynshylardyń barlyǵy da laıyqty. Biraq osylardyń ishinde men Garret Beıldi aıtar edim. Ol alǵash ret Eýropa chempıonatyna qatysqan Ýelsti alǵa súıredi. Soqqan árbir goly mańyzdy boldy. Sonyń arqasynda komanda toptan shyqty. Soltústik Irlandııaǵa qarsy ótken oıynda sonyń pasynan avtogol soǵyldy. Belgııany jeńgen kezde de Beıl bilgeninen jańylmady. Ol Krıshtıanýdan myqty oınady. Alaıda, sol Portýgalııaǵa jeńilip qaldy. Remzıdiń joqtyǵy keri áserin berdi. Sondyqtan da osy týrnırde úzdik dep men Beıldi aıtar edim.
4.Býffon, Barsallı – Bonýchchı – Kelını, Marıý – Pogba – Azar –Djýdjak Beıl – Krıshtık.
Dastan KENJALIN
