- Bas prokýratýra tıimdi básekelestik boıynsha elimizdiń barlyq oblystarynan jumysqa jańa 180 qyzmetker alýǵa nıetti. Bul týraly vedomstvonyń kadr jumysy departamentiniń bastyǵy Aleksandr Ogaı Astanadaǵy baspasóz-konferensııasynda málim etti.
- Bıylǵy jyldyń alǵashqy toqsanynda Aqmola oblysynda 300-ge tarta qaıyrymdylyq sharasy ótkizilip, 200 mıllıon teńge qarajat jınalǵan. Bul týraly Kókshetaýdaǵy «Qoǵamdyq kelisim» úıinde Aqmola oblysynyń ákimi Sergeı Kýlagınniń qatysýymen ótken Qazaqstan halqy Aqmola oblystyq Assambleıasynyń XIX sessııasynyń otyrysynda aıtyldy.
- Shyǵys Qazaqstan oblysynyń Zaısan aýdanynda tabıǵı gazdy óndirý kólemi 6,2 paıyzǵa kóbeıdi. Bıylǵy qańtar-mamyr aılarynda atalǵan aımaqtaǵy kásiporyndardyń ónim shyǵarý kólemi 2530,5 mln. teńgeni qurady. 2015 jyldyń sáıkes kezeńinde fızıkalyq ındeks kólemi óńdeý óndirisinde 130,0 paıyzdy, taý-ken óndirý ónerkásibinde 104,9 paıyzdy quraǵan.
- Ertis óńirindegi «Pavlodartuz» JShS óndiristik qýattylyǵyn 150 myń tonnaǵa deıin ulǵaıtýdy kózdep otyr. Qazirgi tańda atalǵan kásiporyn tuzdy Úlken Qalqaman kólinen alady. JShS dırektory Denıs Semenovtiń aıtýynsha, bıyl 85 myń tonna tuz óndirý josparlanǵan.
- Soltústik Qazaqstan oblysynda bıyl 1,7 mlrd. teńgeniń 2 astyq qoımasyn ashý josparlanǵan. Oblys boıynsha «QazAgro» holdınginiń ınvestısııalyq qorjynynda quny 19,3 mlrd. teńgeniń 54 jobasy bar. Búgingi tańda onyń ishindegi quny 17,64 mlrd. teńgeniń 52 jobasy paıdalanýǵa berildi.
- Qaraǵandy oblysynda densaýlyq saqtaý men AО́K salasynda 6 joba memlekettik qoldaýǵa ıe boldy. Atalǵan jobalardy júzege asyrý arqyly 43 jańa jumys ornyn ashyp, 120 jumys ornyn saqtap qalýǵa múmkindik bar.
- Jaıyq ózenine 2,6 mln. dana bekire tuqymdas balyqtyń shabaqtary jiberildi. Onyń ishinde 900 myń danasy – bekire jáne 1,7 mln. dana – shoqyr shabaǵy.
