«Alash» portaly ashyqtyqty qamtamasyz etedi

Elimizdegi munaı-gaz naryǵyndaǵy saýdada ashyqtyq pen móldirlikti qamtamasyz etý úshin  «Alash» atty jańa portal ashyldy. Ol jóninde Ortalyq kommýnıkasııalar qyzmetinde ótken baspasóz máslıhatynda Munaıservıs kompanııalar odaǵynyń tóralqa tóraǵasy Rashıd Jaqsylyqov aıtty. Brıfıngke birqatar jańa­lyqtarmen kelip otyrǵandaryn aıtqan tóralqa tóraǵasy, «Alash» portaly munaı-gaz salasyn­daǵy kompanııalarǵa jańa múmkin­dikterdiń jolyn ashatynyn jet­kizdi. «Munaı-gaz salasy el eko­nomıkasynda úlken ról atqara­tynyn, sondaı-aq, ondaǵy aqsha aınalymynyń asa qomaqty ekenin de jaqsy bilesizder. Sondyqtan, bul salanyń kerekti deńgeıde alǵa jyljýy úshin ashyqtyq pen mól­dirlik asa qajet. Mysaly, «Teńiz­shevroıl» kompanııasy óziniń bola­shaq damý baǵdarlamasyn jarııa­lady. Mine, osy baǵdarlama boıynsha aınalymǵa túsetin qar­jy­nyń kólemi 37 mlrd. AQSh dol­larynan asyp jyǵylmaq. Al Aqsaıdaǵy KPO kompanııasy 10 mlrd. AQSh dollaryna teń jobany iske asyrmaqshy. Osynaý mol qarajat jumsalatyn salalar jóninde ashyq aqparattar bolsa, ondaǵy jumystardyń barynsha qarqyn alatyny málim», dedi R.Jaqsylyqov. Onyń aıtýyna qaraǵanda, osy kezeńde munaı-gaz salasynda satyp alý úderisteriniń 70 paıyz­dan astamy jabyq jaǵdaıda ótedi eken. Buǵan qosa ol búgingi kúnde jer qoınaýyn paıdalaný­shy­lardy úsh topqa bólip qaras­tyrýǵa bolatynyna nazar aýdartty. «Birinshi topqa «QazMunaıGaz» kompanııasynyń tobyna kiretin jer qoınaýyn paıdalanýshylar jatady. Olardyń byltyrǵy satyp alýǵa jumsaǵan qarajatynyń kólemi 160 mlrd. teńgeni quraǵan. Ekinshi topqa «Teńizshevroıl», «Qazaqstan Petroleým Opereıtıng», «NCOC», jáne «Maersk Oıl Qazaqstan» kompanııalarynyń turaqty kelisimsharttaryna qosylǵan kompanııalar kiredi. Bul toptyń ótken jylǵy satyp alýlarǵa jumsaǵan qarjysy 988 mlrd. teńgege teń boldy. Al úshinshi topqa taýarlar, jumys jáne qyzmet reestri arqyly satyp alýǵa qatysatyn jeke kompanııalar toby jatady. Bul top byltyrǵy jyly satyp alýǵa 208 mlrd. teńge jumsaǵan. Osy aqparattardyń árbiri ashyq ta móldir bolsa degen nıetpen «Alash» portaly ashylyp otyr», dedi tóralqa tóraǵasy. О́z kezeginde aqparattyq jobany ázirleýshi «Algorıtm» kom­pa­nııasynyń saýda jónindegi dırek­tory Mark Loıe  «Alash» munaı-gaz nary­ǵyndaǵy jańa múmkindikter por­talyna qazaqstandyq kompanııalar tegin tirkele alatynyn jetkizdi. «Alash» portalyna qazaq­standyq kompanııalar tegin tir­ke­lip, biliktiligi týraly anyqtama alyp, iri munaı-gaz jobalaryna kedergisiz qatysýyna bolady. «Alash» derekter qory bazasy tap­syrys berýshi operatorlar, merdi­gerlermen taýar men qyzmet túrin jetkizýshilerdi baılanystyratyn teńdesi joq joba», dedi M.Loıe. Onyń aıtýynsha, portal úsh tilde – qazaq, orys, aǵylshyn til­derinde bolady. Málimetter úsh tilde birdeı shyǵyp otyrady. Qa­zaq­­standyq kompanııalar tegin tirkel­se, sheteldik kompanııalarǵa aqy­ly túrde qyzmet kórsetiledi. Portalǵa tirkelý ońaı ári jyldam. Bastysy, qajetti qujattar durys bolsa bolǵany. Nurbaı ELMURATOV, «Egemen Qazaqstan»