О́zara tıimdi yntymaqtastyqqa yqylas bildirildi

Keshe Úkimet úıinde Qazaqstan Respýblıkasynyń Premer-Mınıstri Kárim Másimov Kaspıı jaǵalaýy memleketteri syrtqy ister mınıstrlerimen kezdesti. Premer-Mınıstr BUU-nyń Qaýipsizdik Keńesiniń turaqty emes mú­sheligine saılanýda Qazaq­stan kandıdatýrasyna qoldaý bil­dirgenderi úshin syrtqy saıasat vedomstvosy basshylaryna alǵysyn jetkizdi. Kárim Másimov sońǵy jyldary bizdiń elderimiz arasyndaǵy ózara is-qımyldardyń aıtarlyqtaı belsendi bola túskenin atap óte otyryp, «Kaspıı bestigi» sheńberindegi yqpaldastyqtyń joǵary deńgeıine qanaǵattanýshylyq bildirdi. Kezdesýge qatysýshylar kóp­jaqty áriptestiktiń jáne Kaspıı teńiziniń quqyqtyq mártebesiniń kókeıkesti máselelerin talqylady. Kaspıı teńizi – ol bizdiń elimizdiń damýyndaǵy asa mańyzdy máselelerdiń biri. Kaspıı teńiziniń quqyqtyq mártebesi týraly konvensııa jobasyn qabyldaý úshin biz ózara tıimdi sheshimder tabatyn bolamyz degen senim mol. Ol búkil óńir úshin alǵa qaraı jasalǵan úlken qadam bolmaq, dedi K.Másimov. Kezdesý qorytyndysy boıynsha taraptar dostyq raıyndaǵy túsinistikti odan ári nyǵaıtýǵa, búkil salalarda, sonyń ishinde Kaspıı teńizin teńdestirilgen dárejede paıdalanýda, Kaspııdegi qaýipsizdikti qamtamasyz etýde ózara tıimdi yntymaqtastyqty damyta berýge daıyn ekendikterin aıǵaqtady. Eske sala keteıik, Ázerbaı­jannyń, Irannyń, Reseıdiń jáne Túrik­menstannyń syrtqy saıasat vedom­stvolarynyń basshylary Astanaǵa Kaspıı teńiziniń quqyq­tyq mártebesi týraly konvensııa jobasy boıynsha ustanymdardy ózara kelisý úshin kelgen bolatyn. «Egemen-aqparat»