Reuters agenttiginiń aqparyna qaraǵanda, burynǵy kabınet basshysy Devıd Kemeron 13 shilde kúni úkimet músheleri aldynda sóz sóılep, qoshtasqannan keıin Býkıngem saraıyna kelgen. Ol onda koroleva Elızaveta II-ge premer-mınıstrdiń oryntaǵyna otyratyn óz izbasaryn tanystyryp, otstavkasyn qabyldaýdy ótingen. Koroleva Meıdiń kandıdatýrasyn qýattady.
Osylaısha Ulybrıtanııada kabınettiń jańa basshysy paıda boldy. Kemeron bıylǵy jylǵy 24 maýsymda eldiń Eýroodaqtan shyǵýy jónindegi referendým qorytyndysy shyqqannan keıin óz otstavkasy týraly málimdegen edi. Búkilhalyqtyq daýys berý nátıjesinde Eýroodaqtan shyǵýdy, ıaǵnı Brexit-ti jaqtaýshylar jeńiske jetti. Sosyn konservatıvtik partııada bılik úshin bolǵan qysqa merzimdi kúreste ishki ister mınıstri Tereza Meı túbegeıli utyp shyqty.
Brıtanııa konservatorlarynyń jańa lıderi Eýroodaqtan shyǵýdy qamtamasyz etý arqyly brıtanııalyqtardyń qalaýyn oryndaý jónindegi ýádesin oryndap úlgergen bolatyn. «Buǵan qosa, bizdiń bolashaqtaǵy jaǵdaılardy naqty kóre bilýimiz kerek, bizdiń elimizdiń joǵary taptyń ókilderi úshin ǵana emes, bizdiń bárimiz úshin jumys jasaıtynyn sezine bilýimiz kerek», - dep málimdedi Meı. Sarapshylar sonymen qatar, Tereza Meıdiń Brıtanııa tarıhyndaǵy ekinshi áıel premer-mınıstr bolyp otyrǵanyna da nazar aýdaryp jatyr. Keıbir baspasóz quraldary ony qazirdiń ózinde «ekinshi temir ledı» esebinde atap ta úlgerdi. Al birinshisi áıgili Margaret Tetcher bolǵany belgili.
Murat AITQOJA
