Bilim kredıti – balama múmkindik

Aǵymdaǵy jyly bilim grantyna ıe bola almaǵan talapkerler oqýdyń aqysyn tóleýde qarjy jaǵynan qınalǵan jaǵdaıda Bilim berý kredıtterin kepildendirýdiń memlekettik baǵdarlamasyna júginip, jyldyq 10%-dan bastalatyn paıyzdyq mólsherlememen 12 jylǵa deıingi merzimge Qazaqstan Respýblıkasy Bilim jáne ǵylym mınıstrligi «Qarjy ortalyǵy» AQ-tyń (budan ári – Qarjy ortalyǵy) kepildigimen nesıe resimdeı alady. Qarjy ortalyǵynyń kepil­digimen usynylatyn bilim berý kredıtteri talapkerlerge de, Qazaqstannyń búkil JOO-lary men kolledjderiniń barlyq oqý úlgi­sindegi stýdentterine de beriledi. Qazirgi tańda bilim berý kre­dıtteri Qarjy ortalyǵymen seriktes bankterde ártúrli sharttarmen usynylady. Baǵdarlamanyń qoldanylý aýqymy keń, seriktes bankter respýblıkanyń barlyq aımaqtarynda jumys jasaıdy. Kredıttiń berilý tetigi birdeı: qaryz alýshy bankke baryp keńes alady, resimdeýge qajetti qujattardy jınap, olardy bankke tapsyrady. Bilim berý kredıti qajettiligine qaraı ár semestr nemese jyl saıyn oqý ornynyń esepshotyna aýdarylady. Alaıda, Qarjy ortalyǵynyń kepildigimen bilim berý kredıtin alý úshin bir nemese eki qosalqy qaryz alýshynyń bolýy talap etiledi. Bul jerde qosalqy qaryz alýshynyń tóleýge qabilettiligi, ıaǵnı negizgi jumys orny boıynsha alatyn tabysy eskeriledi. Kredıttiń somasyna shekteý qoıylmaıdy, bastysy – barlyq oqý kezeńi úshin oqý qunynan aspasa bolǵany. Erekshe atap óterligi, bul baǵdar­lamada jeńildik kezeńi beriledi, ıaǵnı oqý kezeńi men oqýdy bitirgennen keıin kredıtti tóleý merzimi 6 aıǵa keıinge shegeriledi. Kredıtti kez kelgen ýaqytta merziminen buryn óteýge bolady, ol úshin aıyppul sanksııalary qoldanylmaıdy. Bilim berý kredıtterin kepil­den­di­rý­diń memlekettik baǵdarlamasy osyn­daı balama múmkindik bere otyryp, sonyń arqasynda stýdent óz kú­shi­men óz bolashaǵyn josparlaı alady. «Egemen-aqparat»